Levitico 9:1 - Ti Biblia (1973)

¹ Ket naaramid iti maicawalo nga aldaw nga ni Moises inayabanna ni Aaron ken dagiti annacna a lallaki, ken dagiti lallacay ti Israel;

Ti Baro a Naimbag a Damag Biblia

¹ Iti aldaw kalpasan ti seremonia ti pannakaorden, inayaban ni Moises ni Aaron ken dagiti annakna ken dagiti pangulo ti Israel.

Levitico 9:1 Iomraidhean Croise

Levitico 14:10

Ket itinto maicawalo nga aldaw mangalanto iti dua a cordero a lallaki nga awan pilawda, ken maysa a cordero a cabayan awan pilawna, nga agtawenen ken tallo a pagcasangapulo nga apag ti maysa nga efa ti namayecmec nga harina a maipaay a daton a macan a nalaocan iti lana, ken maysa a log ti lana.

Levitico 14:23

Ket iti maicawalo nga aldaw ipannanto ida maipaay ti pagdalusna iti padi, iti ruangan ti tolda ti gimong, iti saclang ni Jehova:

Levitico 15:14

Ket iti maicawalo nga aldaw alaennanto a maipaay kencuana ti dua a pagaw wenno dua nga urbon ti calapati, ket umayto iti saclang ni Jehova iti ruangan ti tolda ti gimong, ket itednanto ida iti padi:

Levitico 15:29

Ket iti macawalo nga aldaw mangalanto iti dua a pagaw, wenno dua nga urbon ti calapati, ket ipannanto ida iti padi iti ruangan ti tolda ti gimong.

Levitico 8:33

Ket iti pito nga aldaw dicayto pumanaw iti ruangan ti tolda ti gimong, inggana ti di-masungpot dagiti aldaw ti pannacaconsagraryo: ta isu consagrarennacayto iti pito nga aldaw.

Levitico 8:36

Ket ni Aaron ken dagiti annacna a lallaki inaramidda amin a pinaibilin ni Jehova ken Moises.

Numero 6:10

Ket iti maicawalo nga aldaw mangyegto iti dua a pagaw wenno dua nga urbon ti calapati iti padi iti ruangan ti tolda ti gimong:

San Mateo 28:1

Idi ngalay ti aldaw a panaginana idi madama a bumigat ti umuna nga aldaw ti lawas, immayda Maria Magdalena ken daydi sabali a Maria a cumita iti tanem.