Levitico 8:9 - Ti Biblia (1973)

⁹ Ket insaadna ti mitra iti olona; ket iti sangoananna, iti mitra, incabilna ti pinitpit a balitoc, ti nasantoan a balangat; cas imbilin ni Jehova ken Moises.

Ti Baro a Naimbag a Damag Biblia

⁹ Insaadna ti turban iti ulona ket iti parupana, inkabilna ti balitok a balangat a nasagradoan a pakakitaan ti pannakaidaton kas imbilin kenkuana ni Yahweh.

Levitico 8:9 Iomraidhean Croise

Exodo 28:4

Ket dagitoy dagiti cawcawes nga aramidendanto: maysa a pectoral, ken maysa nga efod, ken maysa a cagay, ken maysa a bado a kinelkelleng, maysa a mitra, ken maysa a barikes: ket mangaramiddanto cadagiti nasantoan a cawcawes a maipaay ken Aaron a cabsatmo, ken cadagiti annacna, tapno agannung caniac iti akem ti padi.

Exodo 29:6

Ket isaadmonto iti olona ti mitra, ken icabilmonto iti rabaw ti mitra ti nasantoan a balangat.

Exodo 40:16

Castoy ti inaramid ni Moises: ti mayannurot iti amin nga imbilin ni Jehova kencuana, isu ti inaramidna.

Levitico 8:21

Ket binuggoanna iti danum dagiti lalaem ken dagiti sacsacana; ket ni Moises pinuuranna amin a bagi ti carnero iti rabaw ti altar; isu idi ti maysa a daton a mapuuran nga agservi a nabanglo a sayamusom: daytoy ti maysa a daton a naaramid iti apuy ken Jehova; cas imbilin ni Jehova ken Moises.

Levitico 8:36

Ket ni Aaron ken dagiti annacna a lallaki inaramidda amin a pinaibilin ni Jehova ken Moises.

Zacarias 3:5

Ket kinunac, Isaadda coma ti nadalus a mitra iti olona. Iti casta nangisaadda iti maysa a nadalus a mitra iti olona, ket isu kinawesanda cadagiti pagan-anay; ket ti angel ni Jehova adda idi a sitatacder iti asideg.