Levitico 8:21 - Ti Biblia (1973)

²¹ Ket binuggoanna iti danum dagiti lalaem ken dagiti sacsacana; ket ni Moises pinuuranna amin a bagi ti carnero iti rabaw ti altar; isu idi ti maysa a daton a mapuuran nga agservi a nabanglo a sayamusom: daytoy ti maysa a daton a naaramid iti apuy ken Jehova; cas imbilin ni Jehova ken Moises.

Levitico 8:21 Iomraidhean Croise

Genesis 8:21

Ket nasay-up ni Jehova ti nabanglo a sayamusom; ket kinuna ni Jehova iti pusona, Diacto sublienen nga ilunod ti daga a maipuon iti tao, ta ti darepdep ti puso ti tao dakes manipud iti kinaubingna; diacto met sublienen a cabilen amin a nabiag, cas inaramidco.

Exodo 12:9

Dicayo cidaen daydiay naata, wenno liningta iti danum, no di laeng natuno iti apuy; uray pay ti olona agraman sacsacana ken lalaemna.

Exodo 29:18

Ket puuramto amin ti carnero iti altar: isu ti daton a mapuuran ken Jehova; isu ti maysa a sayamusom, maysa a daton a maaramid iti apuy ken Jehova.

Exodo 40:16

Castoy ti inaramid ni Moises: ti mayannurot iti amin nga imbilin ni Jehova kencuana, isu ti inaramidna.

Levitico 1:13

Ngem dagiti lalaem ken dagiti sacsaca buggoannanto iti danum; ket ti padi idatonnanto amin, ket puurannanto iti altar: isu ti maysa a daton a mapuuran, maysa a daton a naaramid iti apuy, a nabanglo a sayamusom ken Jehova.

Levitico 1:17

Ket iggamannanto dagiti payacna tapno pisangenna, ngem dinanto gerreten; ket ti padi puurannanto iti rabaw dagiti sungrod ti apuy: isu ti maysa a daton a mapuuran, maysa a daton a naaramid iti apuy, a nabanglo a sayamusom ken Jehova.

Levitico 1:9

Ngem dagiti lalaemna ken sacsacana buggoannanto iti danum: ket ti padi puurannanto ida amin nga daton a mapuuran, iti rabaw ti altar, maysa a daton a naaramid iti apuy, a nabanglo a sayamusom ken Jehova.

Levitico 2:9

Ket ti padi mangalanto iti daton a bel-laay ti panglaglagip kencuana, ket puurannanto iti rabaw ti altar, maysa a daton a maaramid iti apuy, a nabanglo a sayamusom ken Jehova.

Levitico 8:13

Ket ni Moises innala dagiti annac a lallaki ni Aaron, ket kinawesanna ida cadagiti badbado, ket incapetna cadacuada dagiti barbarikes, ket imbedbedna cadagiti ol-oloda ti pannacacallogong; cas imbilin ni Jehova ken Moises.

Levitico 8:9

Ket insaadna ti mitra iti olona; ket iti sangoananna, iti mitra, incabilna ti pinitpit a balitoc, ti nasantoan a balangat; cas imbilin ni Jehova ken Moises.

Taga-Efeso 5:2

Ket magnacayo babaen ti ayat, a cas met ni Cristo inayatnacayo ket intedna ti bagina gapu cadatayo cas sagut ken daton, a nasayamosom ti banglona iti Dios.