Levitico 8:13 - Ti Biblia (1973)

¹³ Ket ni Moises innala dagiti annac a lallaki ni Aaron, ket kinawesanna ida cadagiti badbado, ket incapetna cadacuada dagiti barbarikes, ket imbedbedna cadagiti ol-oloda ti pannacacallogong; cas imbilin ni Jehova ken Moises.

Ti Baro a Naimbag a Damag Biblia

¹³ Kalpasanna, pinagpasangona dagiti annak ni Aaron; binadoanna ida, inkabilna ti barikes ti tunggal maysa ket inkapetna ti pannakakallugongda, kas imbilin ni Yahweh.

Levitico 8:13 Iomraidhean Croise

Dagiti Salmo 132:9

Dagiti papadim macawesanda coma iti kinalinteg; ket dagiti sasantom agdir-ida coma iti ragsac.

Exodo 40:13

Ket icapetmonto ken Aaron dagiti nasantoan a cawes; ket sapsapoamto, ket santificaremto, tapno agannung caniac iti takem ti padi.

Exodo 40:16

Castoy ti inaramid ni Moises: ti mayannurot iti amin nga imbilin ni Jehova kencuana, isu ti inaramidna.

Isaias 61:10

Siac agragsacacto unay ken ni Jehova, ti cararuac agrag-onto iti Diosco; ta isu kinawesannac cadagiti pagan-anay ti pannacaisalacan, isu inabbongannac iti lambon ti kinalinteg, a cas maysa a novio nga agbalangat, ken cas maysa a novia nga agaramat cadagiti alajasna.

Isaias 61:6

Ngem dacayo managanancayto papadi ni Jehova; dagiti tattao naganendacayto ministros ti Diostayo: canenyonto dagiti sanicua dagiti nasnacion, ken iti dayagda maitan-occayto.

Ezekiel 42:14

No dagiti papadi sumrecda, saandanto a rumuar iti nasantoan a disso a mapan iti makinruar a paraangan, no di ket idiay idissodanto dagiti pagan-anayda a paganannongda; ta nasantoanda: ket mangicapetdanto cadagiti sabali a pagananay, ket umasidegdanto iti daydiay maipaay iti ili.

Levitico 10:5

Iti casta immasidegda, ket impanda ida a sicacawes iti ruar ti pacarso; cas sinao ni Moises.

Levitico 8:21

Ket binuggoanna iti danum dagiti lalaem ken dagiti sacsacana; ket ni Moises pinuuranna amin a bagi ti carnero iti rabaw ti altar; isu idi ti maysa a daton a mapuuran nga agservi a nabanglo a sayamusom: daytoy ti maysa a daton a naaramid iti apuy ken Jehova; cas imbilin ni Jehova ken Moises.

1 Pedro 2:5

Dacayo met, cas batbato a sibibiag, maibangoncayo a maysa a templo a naespirituan, nga agbalincayo a maysa a nasantoan a kinapadi; tapno idatonyo dagiti datdaton ti cararua, a macaay-ayo iti Dios, gapu ken Jesu-Cristo.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

Paltiing 1:6

Ket pinagbalinnatayo a maysa a pagarian ken papadi a maipaay iti Dios ken Amana, adda coma kencuana ti dayaw ken ti panagturay iti agnanayon nga awan inggana, Amen.

Paltiing 5:10

Ket pinagbalinmo ida a maipaay iti Diostayo a pagarian ken papadi; ket agarida iti rabaw ti daga.