Levitico 7:21 - Ti Biblia (1973)

²¹ Ket no addanto maysa a macasagid iti uray ania a narugit, ti kinarugit ti tao wenno kinarugit ti animal, wenno maysa a nacarimrimon a rugit, ket mangan iti lasag ti sacrificio dagiti datdaton iti cappia, a maipaay ken Jehova, dayta a tao maipusayto iti ilina.

Ti Baro a Naimbag a Damag Biblia

²¹ Kasta met ti siasinoman a mangsagid iti aniaman a maibilang a narugit. No mangan iti karne iti daytoy a daton, mailaksid kadagiti tattao ti Dios.

Levitico 7:21 Iomraidhean Croise

Genesis 17:14

Ket ti lalaki a di nacugit a saan a nacugit iti lasag ti akinsango a cudilna, daydiay a lalaki, maipusayto cadagiti cailianna; ti tulagco rinacracna.

Exodo 12:15

Pito nga al-aldaw a mangancayonto iti tinapay nga awan levadurana; iti umuna nga aldaw met laeng ibellengyonto cadagiti balbalayyo: ta sia-sinoman a manganto iti nalevaduraan a tinapay manipud iti umuna nga aldaw agingga iti maicapito nga aldaw, daydiay a tao maipusayto iti Israel.

Exodo 12:19

Bayat dagiti pito nga al-aldaw awanto ti masaracan a levadura cadagiti balbalayyo: ta siasinoman a mangan iti nalevaduraan, dayta a tao maipusayto iti gimong ti Israel, gangannaet man wenno umili iti daga.

Ezekiel 33:25

Gapuna cunam cadacuada, Castoy ti cuna ni Apo Jehova: Mangancayo iti dara, ket itangadyo dagita matayo cadagiti didiosenyo, ket mangiparucpuccayo iti dara: ket tagicuaenyonto aya ti daga?

Ezekiel 4:14

Iti casta kinunac, Ay Apo Jehova! adtoy ti cararuac saan a natulawan; ta nanipud kinaubingco inggana met laeng ita saanac a nangan iti aniaman a natay latta, wenno rinangrangcay dagiti animal; ket di met simrec iti ngiwatco ti lasag a macarimon.

Levitico 11:20

Amin dagiti an-animal a nagpayac nga agcaradapda cadagiti uppat a sacsacada, carimonyo dagita.

Levitico 12:1

Ket ni Jehova nakisao ken Moises, a kinunana,

Levitico 17:10

Ket siasinoman a tao iti balay ti Israel, wenno cadagiti gangannaet a makipagtaeng cadacuada a mangan iti uray ania a dara; iparangconto ti rupac a maibusor iti dayta a tao a mangan iti dara, ket ipusayconto iti ilina.

Levitico 17:14

Ta ti maipapan iti biag ti amin a lasag, ti darana ken ti biag nagcaycaysada: isu ti gapuna a kinunac cadagiti annac ti Israel, Dicayto mangan iti dara ti uray ania a lasag; ta ti biag ti isu-amin a lasag isu ti darana: siasinoman a mangan kencuana maipusayto.

Levitico 18:29

Ta siasinoman a mangaramidto iti uray ania cadagitoy a kinarimon, dagiti met laeng mangaramid cadagitoy, maipusaydanto iti ilida.

Levitico 19:8

Ngem tunggal maysa a mangan, awitennanto ti kinadakesna, ta impabpabarengna ti nasantoan a banag ni Jehova: ket dayta a tao maipusayto iti ilina.

Levitico 20:3

Iparangconto met ti rupac a sibubusor iti dayta a tao, ket ipusayconto cadagiti cailianna; ta isu nangted iti putotna ken Moloch, a pinangmulitna iti santuarioc, ken pinangipabpabarengna iti nasantoan a naganco.

Levitico 22:3

Ibagam cadacuada, Siasinoman a lalaki cadagiti amin a putotyo, bayat cadagiti caputotanyo, nga umasideg cadagiti nasantoan a banbanag a pasantoen dagiti annac ti Israel ken Jehova, idinto nga addaan ti rugitna, dayta nga tao maipusayto iti saclangco: siac ni Jehova.

Levitico 22:4

Uray siasino a lalaki nga agcucutel iti putot ni Aaron, wenno agtotot, dinto mangan cadagiti nasantoan inggana ti di nadalus. Ket ti macasagid iti uray ania a narugit gapu iti natay, wenno ti lalaki nga adda agwayaway a tubbog a semilla kencuana;

Levitico 23:29

Ti siasinoman a tao a dinto la agladingit iti cararuana iti daydiay nga aldaw, maipusayto iti ilina,

Levitico 7:20

Ngem ti tao a mangan iti lasag ti sacrificio dagiti datdaton iti cappia, a maipaay ken Jehova, idinto a sirurugit, dayta a tao maipusayto iti ilina.

Levitico 7:22

Ket ni Jehova nakisao ken Moises, a kinunana,

Levitico 7:25

Ta ti uray siasinoman a mangan iti taba ti animal a mapuuran a dagiti tattao idatagda a daton iti apuy ken Jehova, uray daydiay a tao a mangan iti dayta maipusayto iti ilina.

Levitico 7:27

Siasinoman a mangan iti uray ania a dara, dayta a tao maipusayto iti ilina.

Numero 19:22

Ket ti uray ania a sagiden ti tao a narugit, narugitto; ket ti cararua a mangsagid iti dayta saanto a nadalus inggana iti sumipnget.

Deuteronomio 14:10

Ket uray ania nga awan pigarna wenno sicsicna dicayto sidaen; saanto a nadalus cadacayo daytoy.

Deuteronomio 14:3

Dicanto mangan iti uray ania a nacarimrimon.

1 Samuel 20:26

Nupay casta awan ti aniaman nga insao ni Saul iti daydi nga aldaw: ta pinanunotna, Adda ngata napasamac kencuana, isu saan a nadalus; awan duadua nga isu saan a nadalus.