Levitico 7:2 - Ti Biblia (1973)

² Iti disso a pamatpatayanda iti daton a mapuuran ti pamapatayanda iti daton gapu iti salungasing; ket ti dara daytoy iwarisnanto iti lawlaw ti rabaw ti altar.

Ti Baro a Naimbag a Damag Biblia

² Masapul a maparti ti animal iti pagpartian kadagiti daton a mapuoran, ket maibuyat ti darana kadagiti uppat a sikigan ti altar.

Levitico 7:2 Iomraidhean Croise

Isaias 52:15

Casta ti panangwarsinanto cadagiti adu a nasnacion; dagiti ar-ari apputendanto dagiti ngiwatda kencuana: ta dayta saan a naibaga cadacuada makitadanto; ken ti saanda a nangngeg maawatandanto.

Ezekiel 36:25

Ket iwarsicto ti nalitnaw a danum cadacayo, ket nadaluscayto; manipud iti amin a kinarugityo, ken manipud cadagiti amin a didiosenyo, dalusancayto.

Ezekiel 40:39

Ket iti balcon ti ruangan adda idi dua a lamesaan iti daytoy a sikigan, ken dua a lamesaan iti dayta a sikigan tapno patayen idiay ti daton a mapuuran ken ti daton gapu iti basol ken ti daton gapu iti salungasing.

Levitico 1:11

Ket patayennanto iti sibay ti altar iti amianan iti saclang ni Jehova; ket dagiti annac ni Aaron, dagiti papadi, iwarisdanto ti darana iti rabaw ti altar nga aglawlaw.

Levitico 1:3

No vaca ti mapuuran a pagdatonna, idatonnanto ti lalaki nga awan pacapilawanna: ti pangidatonannanto iti ruangan ti tolda ti gimong, tapno maawat iti saclang ni Jehova.

Levitico 1:5

Ket mangpatayto iti vaca a lalaki iti sango ni Jehova: ket dagiti annac a lallaki ni Aaron, dagiti papadi, idatagdanto ti dara, ket iwarisdanto ti dara iti lawlaw ti rabaw ti altar nga adda iti ruangan ti tolda ti gimong.

Levitico 14:13

Ket papatayennanto ti cordero a lalaki iti yan a pamatpatayan iti daton gapu iti basol, ken ti daton a mapuuran, iti lugar ti santuario: ta cas ti idaton a gapu iti basol isu ti bagi ti padi, casta met ti daton gapu iti salungasing: isu ti nasantoan unay:

Levitico 3:2

Ket pataynanto ti imana iti rabaw ti olo ti idatonna, ket patayennanto iti ruangan ti tolda ti gimong: ket dagiti papadi nga annac ni Aaron iwarisdanto ti dara iti lawlaw ti rabaw ti altar.

Levitico 3:8

Ket ipataynanto ti imana iti rabaw ti olo ti datonna, ket patayennanto iti sango ti tolda ti gimong: ket dagiti annac a lallaki ni Aaron iwarisdanto ti darana iti lawlaw ti rabaw ti altar.

Levitico 4:24

Ket ipataynanto ti imana iti rabaw ti olo ti calding, ket patayennanto iti disso a pamatpatayanda iti daton a mapuuran iti saclang ni Jehova: isu ti maysa a daton gapu iti basol.

Levitico 4:29

Ket ipataynanto ti imana iti rabaw ti olo ti daton gapu iti basol, ket patayennanto ti daton gapu iti basol iti yan ti daton a mapuuran.

Levitico 4:33

Ket ipataynanto ti imana iti rabaw ti olo ti daton gapu iti basol, ket patayennanto a daton gapu iti basol iti disso a pamatpatayanda iti daton a mapuuran.

Levitico 5:16

Ket isublinanto iti nagaramidanna ti biddut iti nasantoan a ramramit, ket nayonannanto daydiay iti apagcalima nga apag, ket itednanto iti padi; ket ti padi aramidennanto a pacaabbonganna nga aramatenna ti carnero a lalaki a daton gapu iti salungasing, ket mapacawanto.

Levitico 5:7

Ket no di macaanay ti cucuana a pangpaadda iti maysa a cordero, yegnanto ngarud a datonna gapu iti salungasing nga agservi iti nacabasolanna, ti dua a pagaw wenno dua a calapati nga urbon, ken Jehova; ti maysa maipaay ti daton gapu iti basol, ket ti sabali maipaay ti daton a mapuuran.

Levitico 5:9

Ket iwarisnanto ti dadduma iti dara ti daton gapu iti basol iti sikigan ti altar; ket ti natda iti dara maipatedtedto iti puon ti altar: isu ti maysa a daton gapu iti basol.

Levitico 6:25

Ibagam ken Aaron ken cadagiti annacna a lallaki, a cunam, Daytoy ti alagaden iti panagdaton gapu iti basol: iti disso a pamatpatayan iti daton a mapuuran, isunto met ti pamapatayan iti daton gapu iti basol iti saclang ni Jehova isu ti nasantoan unay.

Levitico 6:7

Ket ti padi aramidennanto a pacaabbonganna iti sango ni Jehova; ket mapacawanto iti uray ania nga inaramidna nga nacabasolanna.

Numero 6:12

Ket isu ilasinnanto a maipaay ken Jehova dagiti al-aldaw ti pannacayadayuna ket mangyegto iti maysa a cordero a lalaki a maysa ti tawenna a maipaay a daton gapu iti salungasing: ngem dagiti immuna nga al-aldaw awanto ti pategda, gapu ta ti pannacayadayuna namulitan.

Hebreo 11:28

Gapu iti pammati rinambacanna ti Pascua ken ti pannacaiwarsi ti dara, tapno daydiay mangdadael cadagiti inauna nga annac saanna coma ida a sagiden.

Hebreo 12:24

Ken ni Jesus, a mangibabaet iti baro a tulag, ken iti dara nga iwaris, nga agsao cadagiti nasaysayaat a banbanag ngem daydi ken Abel.

1 Pedro 1:2

A napilida cas mayannurot iti sigud a pannacaammo iti Dios Ama, babaen ti pannacapagsantoda gapu iti Espiritu a maipaay iti panagtulnog ken pannacaiwarsi ti dara ni Jesu-Cristo: Parabur ken talna ti umadu coma cadacayo.