Levitico 7:16 - Ti Biblia (1973)

¹⁶ Ngem no ti sacrificio ti datonna maysa a cari, wenno ti maysa a daton ti sibubulos a nakem, macanto iti aldaw a panangipaayna iti datonna; ket ti cabigatanna canennanto ti tiddana: isu ti pannacacaanto ti matda:

Ti Baro a Naimbag a Damag Biblia

¹⁶ Ngem no maidatag ti daton a pakikappia a pangtungpal ti tao iti maysa a sapata wenno daton nga agtaud iti bukodna a nakem, saan a nasken a kanen amin iti dayta nga aldaw a pannakaidatagna. Mabalin a kanen ti mabati iti sumuno nga aldaw.

Levitico 7:16 Iomraidhean Croise

Dagiti Salmo 116:14

Bayadacto dagiti carcaric ken Jehova, wen, iti sangoanan ti amin nga ilina.

Dagiti Salmo 116:18

Bayadacto dagiti carcaric ken Jehova, wen, iti sangoanan ti amin nga ilina,

Dagiti Salmo 66:13

Umayacto iti balaymo agraman cadagiti sagsagut a mapuuran; bayadacto kenca dagiti carcaric,

Exodo 35:29

Dagiti annac ti Israel nangyegda iti maysa a daton ti sibubulos a nakem ken Jehova; tunggal lalaki ken babai, a natignay ti pusoda a mangyeg a maipaay iti amin nga aramid, a ni Jehova imbilinna idi nga aramiden ni Moises.

Dagiti Proverbio 7:14

Sacrificio dagiti datdaton ti cappia addada caniac; ita nga aldaw binayadacon dagiti carcaric.

Ezekiel 46:12

Ket no ti principe mangisagananto ti maysa a daton ti sibubulos a nakem, maysa a daton a mapuuran wenno datdaton ti cappia a cas maysa a daton ti sibubulos a nakem ken ni Jehova, addanto manglucat iti ruangan a sumango iti daya a maipaay kencuana: ket isaganananto ti datonna a mapuuran ken dagiti datonna iti cappia, cas aramidenna iti aldaw a panaginana: ket isu rumuarto; ket calpasan ti iruruarna addanto mangrikep iti ruangan.

Levitico 22:23

Uray vaca a lalaki, wenno cordero nga adda suroc wenno curang ti camcamengna, dayta mabalinmo nga ipaay a daton ti sibubulos a nakem; ngem no maipaay a cari, saanto a maawat.

Levitico 22:29

Ket no ipaayyo ti maysa a sacrificio a pagyaman ken Jehova, idatonyonto ti pacaannugutanyo.

Levitico 23:38

Sabali pay dagiti aldaw ni Jehova a panaginana, ken sabali pay dagiti sagsagutyo, ken sabali pay amin a carcariyo, ken sabali pay amin a datdatonyo ti sibubulos a nakem nga ipaayyo ken Jehova.

Nahum 1:15

Adtoy, iti rabaw dagiti banbantay dagiti sacsaca daydiay a mangyeg cadagiti damdamag a naimbag, a nangipablaac iti cappia! Ngilinem dagiti fifiesta, O Juda, tungpalem dagiti carcarim; ta daydiay managdacdakes saanton a lumabas kenca: isu maikisap.

Numero 15:3

Ket mangaramidcayto iti maysa a daton iti apuy ken Jehova, maysa a daton a mapuuran, wenno maysa a sacrificio, a pagtungpal iti cari, wenno cas maysa a daton ti sibubulos a nakem, wenno cadagiti natudingan a fifiestayo, tapno maaramid ken Jehova ti maysa a nabanglo a sayamusom, pangen dagiti an-animal a dadackel, wenno arban dagiti an-animal a babassit:

Deuteronomio 12:11

Maaramidto ngarud, nga iti disso a piliento ni Jehova a Diosyo, a panginaedanna ti naganna, sadiay ti pangyeganyonto ti amin nga ibilinco cadacayo: dagiti mapuuran a datdatonyo, ken dagiti sacrificioyo, dagiti apagcapulloyo, ken ti daton a mailili dagiti imayo, ken amin a napili a carcariyo nga icariyo ken Jehova.

Deuteronomio 12:17

Sica dicanto mabalin a canen iti uneg dagiti ruanganmo ti apagcapullo ti bagasmo, wenno ti baro nga aracmo, wenno ti lanam, wenno ti inauna nga annac dagiti arbanmo ken pangenmo, uray ania cadagiti carcarim nga incarim, wenno dagiti datdaton ti sibubulos a nakemmo, wenno ti daton a mailili dagiti imam;

Deuteronomio 12:26

Isuna laeng a dagiti nasantoan nga adda kenca, ken dagiti carcarim alaemto ida ket incanto iti disso a ni Jehova piliennanto:

Deuteronomio 12:6

Ket idiay ti pangyeganyonto cadagiti datdatonyo a mapuuran ken cadagiti sacrificioyo, ken dagiti apagcapulloyo, ken ti daton a mailili dagiti imayo, ken dagiti carcariyo, ken dagiti datdaton ti sibubulos a nakemyo, ken dagiti inauna nga annac a lallaki dagiti pangenyo ken arbanyo.