Levitico 7:12 - Ti Biblia (1973)

¹² No isu yawatnanto a pagyaman, idatonnanto ngarud ti namayecmec a bel-laay a buyugen ti sacrificio a pagyaman dagiti saan a nalevaduraan a bibingca a nalaocan iti lana, ken di-nalevaduraan a cancanen a nasapsapoan iti lana, ken tortorta a nalaocan iti lana.

Ti Baro a Naimbag a Damag Biblia

¹² No idatag daytoy ti tao a kas daton a pagyaman iti Dios, pakuyoganna ti mapuoran nga animal iti tinapay nga awan lebadurana; napuskol a tinapay a nagamay iti lana ti olibo wenno naingpis a kankanen a napulagidan iti lana ti olibo wenno kankanen a naaramid iti nagamay nga arina a nalaokan iti lana ti olibo.

Levitico 7:12 Iomraidhean Croise

2 Cronicas 29:31

Idin ni Ezekias simmungbat ket kinunana, Ita kinonsagraryon dagiti bagiyo met laeng ken Jehova; umadanicayo ken yegyo dagiti sacrificio ken datdaton a pagyaman iti balay ni Jehova. Ket ti gimong inyegda dagiti sacrificio ken datdaton a pagyaman; ket isu-amin a naaddaan iti puso a siaayat inyegda dagiti datdaton a mapuuran.

2 Cronicas 33:16

Ket pinatarimaanna ti altar ni Jehova, ken indatagna iti rabawna dagiti sacrificio dagiti daton ti cappia ken ti panagyaman, ket binilinna ti Juda nga agservi ken Jehova a Dios ti Israel.

Nehemias 12:43

Ket nangipaayda cadagiti dadackel a sacrificio idi nga aldaw, ket nagrag-oda; ta pinagrag-o ida ti Dios iti dackel a rag-o; ket nagrag-o met dagiti babbai ken dagiti ubbing: iti casta a ti rag-o ti Jerusalem nangeg idi iti adayu unay.

Dagiti Salmo 107:8

O dagiti tattao idaydayawda coma ni Jehova gapu iti kinamanagayatna, ken gapu cadagiti nacascasdaaw nga ar-aramidna cadagiti annac dagiti tattao!

Dagiti Salmo 116:17

Isagutconto kenca ti daton a pagyaman, ket umawagacto iti nagan ni Jehova.

Dagiti Salmo 50:23

Siasino man a mangisagut iti daton ti panagyaman padayawannac; ket daydiay manarimaan iti dalanna iparangconto kencuana ti panangisalacan ti Dios.

Jeremias 33:11

Ti timec ti rag-o ken ti timec ti ragsac, ti timec ti novio ken ti timec ti novia, ti timec dagiti agcuna, Agyamancayo ken Jehova dagiti buybuyot, ta ni Jehova naimbag, ti kinamanangngaasina agnanayon; castamet dagiti mangyeg cadagiti daton iti panagyaman idiay balay ni Jehova. Ta pagbaliwecto ti pannacacayaw ti daga ket agsubli a cas idi damo, cuna ni Jeho.

Oseas 14:2

Icuyogyo dagiti sasao, ket agpulangcayo ken ni Jehova; cunaenyo kencuana, Iccatem amin a kinadakes, ket awatennacami a sicacaasi; iti casta idatagminto cas vacvaca a daton dagiti bibigmi.

Levitico 2:4

Ket no mangidatagca iti daton a bel-laay a naluto iti horno, isunto dagiti torta nga harina a namayecmec nga awan levadurana, a nagamayan iti lana, wenno dagiti bibingca a di-nalevaduraan a sinapsapoan iti lana.

Levitico 2:5

Ket no ti idatagmo maysa a daton a bel-laay a naluto iti bandeja ti horno, dagitinto namayecmec nga harina a di-nalevaduraan a nagamayan iti lana.

Levitico 22:29

Ket no ipaayyo ti maysa a sacrificio a pagyaman ken Jehova, idatonyonto ti pacaannugutanyo.

Levitico 6:16

Ket ti matda iti daydiay canento ni Aaron ken dagiti annacna a lallaki: macanto a di-nalevaduraan iti maysa a nasantoan a disso; iti paraangan ti tolda ti gimong canendanto.

Levitico 7:15

Ket ti lasag ti sacrificio dagiti idatonna iti cappia a pagyaman macanto iti aldaw panagidatonna; awanto ti matda agingga iti bigat.

Amos 4:5

Ket yawatyo ti daton ti panagyaman daydiay nalevaduraan, ket iwarragawagyo dagiti datdaton ti sibubulos a nakem, ket ipuccawyo ida, ta daytoy ti macaay-ayo cadacayo, O dacayo annac ti Israel, cuna ni Apo Jehova.

Numero 6:15

Ken maysa a labba ti di-nalevaduraan a tinapay, bibbibingca a bellaay a namayecmec a nagamayan iti lana, ken cancancanen a di-nalevaduraan a nasapsapoan iti lana, ken ti datdaton a macan, ken dagiti datonna a mainum.

San Lucas 17:16

Ket inrocnoyna ti rupana cadagiti sacsaca ni Jesus, a nagyaman kencuana: ket daytoy taga Samaria.

San Lucas 17:18

Awan ti nagsubli a nagyaman iti Dios no saan a daytoy gangannaet?

Taga-Roma 1:21

Ta idinto a naammoanda ti Dios, saanda a dinaydayaw a cas Dios, dida met nagyaman, no di ket nagtangsitda cadagiti panagipalpalawagda, ket nagsipnget ti nanengneng a pusoda.

Taga-Efeso 5:20

Nga agiamancayo nga agnanayon, iti Dios ken Ama, gapu cadagiti isu-amin a banbanag, babaen ti nagan ni Apotayo a Jesu-Cristo.

Hebreo 13:15

Iti casta gapu kencuana idatontayo a cancanayon iti Dios, ti daton ti panangdaydayaw, cayatna a saoen, ti agaon cadagiti bibbibig a mangipaduyacyac iti naganna.

1 Pedro 2:5

Dacayo met, cas batbato a sibibiag, maibangoncayo a maysa a templo a naespirituan, nga agbalincayo a maysa a nasantoan a kinapadi; tapno idatonyo dagiti datdaton ti cararua, a macaay-ayo iti Dios, gapu ken Jesu-Cristo.