Levitico 6:7 - Ti Biblia (1973)

⁷ Ket ti padi aramidennanto a pacaabbonganna iti sango ni Jehova; ket mapacawanto iti uray ania nga inaramidna nga nacabasolanna.

Ti Baro a Naimbag a Damag Biblia

⁷ Idatag ti padi ti daton ket mapakawan dayta a tao iti aniaman a nagbasolanna.

Levitico 6:7 Iomraidhean Croise

Exodo 34:7

Manalimetmet iti caasi a siaayat a maipaay cadagiti rinibribu, mamacawan iti kinadakes ken salungasing ken basol; ket iti uray caano dina canunungan ti nacabasol, ipasarungcarna iti kinadakes dagiti amma cadagiti annac, ken cadagiti annac dagiti annac, agpapan maicatlo ken cadagiti maicapat a caputotan.

Isaias 1:18

Umaycayo ita, ket agsusurottayo coma, cuna ni Jehova: uray no dagiti basbasolyo casda la coma iti escarlata, mapapudawdanto a cas la nieve; nupay no nalabbasitda a cas la carmesi, agbalindanto a cas la napudaw a de lana.

Ezekiel 33:19

Ket no ti nadangkes agbawing iti kinadakesna, ket aramidenna daydiay mayalubug iti linteg ken umisu, isu agbiagto gapu iti daydiay.

Levitico 2:1

Ket no adda mangipaay iti daton a bel-laay ken Jehova, ti namayecmec nga harina idatonnanto; ket buyatannanto iti lana, sana icabilto ti incienso;

Levitico 4:20

Castoy ti aramidennanto iti vaca; cas inaramidna iti vaca ti daton gapu iti basol, castanto ti panangaramidna iti daytoy, ket ti padi aramidennanto ti pacaabbongan ti ili, ket mapacawandanto.

Levitico 4:26

Ket dagup ti tabana puurannanto iti rabaw ti altar, cas ti taba ti sacrificio dagiti datdaton a maipaay iti cappia; ket ti padi aramidennanto a pacaabbonganna cas mayannatup iti basolna, ket mapacawanto.

Levitico 4:31

Ket amin a tabana iccatennanto, cas pannacaiccat ti taba iti sacrificio dagiti datdaton a maipaay iti cappia; ket ti padi puurannanto iti rabaw ti altar, a nabanglo a sayamusom ken Jehova; ket ti padi aramidennanto a pacaabbonganna, ket mapacawanto.

Levitico 5:10

Ket idatagnanto ti maicadua a daton a mapuuran, cas iti alagaden; ket ti padi aramidennanto a pacaabbonganna a mayannurot iti biddut a nacabasolanna, ket mapacawanto.

Levitico 5:13

Ket ti padi aramidennanto a pacaabbonganna mayannatup iti babacna a nacabasolanna iti uray ania cadagitoy, ket mapacawanto: ket ti natda cucuanto ti sacerdote, a cas ti daton a canen.

Levitico 5:18

Ket ipannanto iti padi ti maysa a lalaki a carnero nga awan pilawna, a mayannatup iti pamatgam, nga agservi a daton gapu iti salungasing; ket ti padi aramidennanto a pacaabbonganna a maipaay iti aramid a nacabiddutanna a dina ginagara ken dina ammo, ket mapacawanto.

Levitico 6:8

Ket ni Jehova nakisao ken Moises, a kinunana,

Levitico 7:2

Iti disso a pamatpatayanda iti daton a mapuuran ti pamapatayanda iti daton gapu iti salungasing; ket ti dara daytoy iwarisnanto iti lawlaw ti rabaw ti altar.

Mikias 7:18

Siasino ti dios a cas kenca, a mamacawan ti kinadangkes, ken palabasenna ti salungasing ti tidda ti pagtawidenna? isu saanna a taginayonen ti pungtotna iti agnanayon, ta pagayayatanna iti kinamanagayat.

San Mateo 12:31

Gapuna, cunac cadacayo: Amin a kita ti basol ken tabbaaw, mapacawanto cadagiti tao; ngem ti tabbaaw a maibusor iti Espiritu, saanto a mapacawan.

1 Juan 1:7

Ngem no magnatayo iti lawag, cas isu adda iti lawag, adda pannakicadcadduatayo iti maysa ken maysa, ket ti dara ni Jesus nga Anacna ugasannatayo iti amin a basol.

1 Juan 1:9

No ipudnotayo dagiti basbasoltayo, isu ti mapagtalcan ken nalinteg a mamacawan cadagiti basbasoltayo, ken mangugas cadatayo iti amin a kinakillo.