Levitico 6:5 - Ti Biblia (1973)

⁵ Wenno aniaman a sinapataanna iti tiri, isublinanto met laeng nga awan macsay, ket nayonannanto pay iti apagcalimana: ket ti agtagicua isu ti pangitedannanto iti aldaw a pannacasaracna iti nacabaddutanna.

Levitico 6:5 Iomraidhean Croise

2 Samuel 12:6

Ket isu isublinanto ti cordero iti maminpat, agsipud ta isu inaramidna daytoy a banag, ken agsipud ta awanan laeng idi iti caasi.

Nehemias 10:35

Ken tapno iyegda dagiti umuna a bungbunga ti dagatayo, ken dagiti umuna a bungbunga ti amin a bunga ti amin a kita dagiti caycayo, iti tinawentawen, idiay balay ni Jehova;

Exodo 22:1

No ti maysa a tao agtacaw iti maysa a vaca wenno carnero, ket patayenna wenno ilacona; bayadannanto iti lima a vaca ti maysa a vaca, ken uppat a carnero ti maysa a carnero.

Exodo 22:4

No ti tinacaw matumpungan a sibibiag iti imana, vaca man, wenno asno, wenno carnero; bayadannanto iti mamindua.

Exodo 22:7

No maysa a tao yawatna iti padana a tao ti pirac wenno alicamen tapno idulinna, ket matacaw iti balay daytoy a tao: no matumpungan ti bircug, bayadannanto iti mamindua.

Exodo 22:9

Maipangep iti amin nga aramid a salungasing, uray maipapan iti vaca, wenno asno, wenno carnero, wenno pagan-anay, wenno maipapan iti uray ania a nacapucawan ti cucua, isu a pagcunaan ti maysa, Isu daytoy, ti ringgor dagiti dua dumanonto iti saclang ti Dios; ti dusaento ti Dios isu ti agbayadto iti padana a tao iti mamindua.

Exodo 30:7

Ket ni Aaron puurannanto iti rabawna ti incienso dagiti nasayamusom nga recrecado: iti tunggal bigat no saganaenna dagiti pagsaingan, puurannanto.

Isaias 58:6

Saan a daytoy aya ti panagayunar a pinilic: tapno pangketta cadagiti galut ti kinadangkes, tapno pangwarwar cadagiti patapat ti sangol, ket tapno pagwayawayaen ti mailuplupit, ken tapno bungtolenyo coma ti tunggal sangol?

Isaias 58:9

Iti casta umawagcanto, ket ni Jehova sumungbatto; umkiscanto, ket isu cunaennanto, Addaac ditoy. No sica iccatem iti tengngam ti sangol, ti panangitudo iti ramay a panglais, ken panagsao a sidadangkes;

Ezekiel 33:15

No ti nadangkes ipulangna ti salda, isublina daydiay innalana a tinacaw, magna cadagiti linlinteg ti biag, a saan nga agaramid iti kinadakes, isu agbiagto a di-bumurong, saanto a matay.

Levitico 5:16

Ket isublinanto iti nagaramidanna ti biddut iti nasantoan a ramramit, ket nayonannanto daydiay iti apagcalima nga apag, ket itednanto iti padi; ket ti padi aramidennanto a pacaabbonganna nga aramatenna ti carnero a lalaki a daton gapu iti salungasing, ket mapacawanto.

San Lucas 19:8

Ket ni Zaqueo nagtacder, ket kinunana iti Apo: Adtoy, ti guddua dagiti cucuac Apo, itedco cadagiti napanglaw; ket no adda nangulbudac iti asinoman a tao, isublic ti maminpat pay nga caadu.

1 Samuel 12:3

Adtoyac: manacsicayo iti maibusor caniac iti sango ni Jehova, ken iti sango ti pinulotanna: innalac aya ti vaca ti uray siasinoman? wenno innalac aya ti vaca ti uray siasinoman? Wenno siasino ti sinuiticco idi? siasino ti pinagrigatco idi? Wenno iti ima ti siasino ti nangalaac ti panocsoc isu a nangbulsecac cadagiti matac? ket isu isublicto cadacayo.