Levitico 6:3 - Ti Biblia (1973)

³ Wenno nasaracanna ti napucaw, ket yulbodna, ket sapataanna iti tiri; iti uray ania cadagitoy a banbanag nga aramiden ti tao, isu ti pacabasolan;

Ti Baro a Naimbag a Damag Biblia

³ wenno mangyulbod a dina ammo ti maipapan iti aniaman a napukaw, ket isapatana a dina nasarakan.

Levitico 6:3 Iomraidhean Croise

Exodo 23:4

No nasaracam ti vaca ti cagurguram, wenno ti asnona nga agtawtawataw, isublimto manen kencuana a di bumurong.

Exodo 28:42

Ket yaramidamto ida cadagiti sapin a lienzo a mangabbong iti lasag nga ibainda; manipud iti siket agingga iti luppo ti cagayadna.

Dagiti Proverbio 24:28

Saanca nga agsacsi iti maibusor iti caarrubam nga awan gapgapuna; ket dica mangallilaw babaen cadagiti bibigmo.

Dagiti Proverbio 30:9

Di la ket ta aglaplapusananac, ket ilibacca, ken cunaec, siasino ni Jehova? Wenno di la ket ta pumanglawac, ket agtacawac, ken aramatec a sibabassawang ti nagan ti Diosco.

Jeremias 5:2

Ket nupay no cunada, Cas sibibiag ni Jehova; pudno nga agsapsapatada a siuulbud.

Jeremias 7:9

Agtacawcayto aya, agpapatay, ken makicamalala, ken agsapata a siuulbod, ken agpuur iti incienso a maipaay ken Baal, ken sumurot cadagiti sabali a diosen a saanyo a naam-ammo,

Ezekiel 44:19

Ket no rumuarda iti makinruar a paraangan, ti met laeng makinruar a paraangan cadagiti tattao, iccatendanto dagiti pagan-anayda a pagservida, ket idissoda ida cadagiti nasantoan a siled; ket mangicawesdanto cadagiti sabali a pagan-anay, tapno saanda a pagsantoen ti umili cadagiti pagan-anayda.

Levitico 1:16

Ket iccatennato ti kinaracaranna agraman rugitna ket ibellengna iti sikigan ti altar iti daya a pagdissoan dagiti dapo:

Levitico 16:4

Isu icawesnanto ti nasantoan a bado a lienzo, ket yarpawnanto met iti lasagna ti sapin a lienzo, ket mabaricsanto iti barikes a liemzo, ket ti mitra a lienzo maicapetto kencuana: dagitoy dagiti nasantoan a pagan-anay, ket isu digosennanto ti bagina iti danum sananto icawes ida.

Levitico 19:12

Ket dicayto agsapata a siuulbod gapu iti naganco, ken ipabpabareng ti nagan ti Diosyo: siac ni Jehova.

Zacarias 5:4

Siac baonecto, cuna ni Jehova dagiti buybuyot, ket isu sumrecto iti balay ti mannanacaw, ken iti balay daydiay nga agsapata a siuulbod a gapu iti naganco; ket agtaengto iti nagtengngaan ti balayna, ket ibusennanto agraman cayona ken dagiti batbatona.

Malakias 3:5

Ket siac umasidegacto cadacayo iti panangocom; ket nasiglatacto a sacsi a maibusor cadagiti managanito, ken maibusor cadagiti mannakicamalala, ken maibusor cadagiti naulbod a managsapata, ken maibusor cadagiti mangilupit cadagiti mangmangged cadagiti tangdanda, iti balo a babai, ken cadagiti ul-ulila, ken mangballicug iti gangannaet iti calinteganna, ken saan nga agbuteng caniac, cuna ni Jehova dagiti buybuyot.