Levitico 6:12 - Ti Biblia (1973)

¹² Ket ti apuy iti rabaw ti altar mabatinto a sidadarang idiay, daytoy dinto maiddep; ket ti padi sungsungrodannanto iti biniganbigat; ket icabilnanto a siuurnos iti rabawna ti daton a mapuuran, ket puurannanto idiay ti taba dagiti daton a maipaay iti cappia.

Ti Baro a Naimbag a Damag Biblia

¹² Masapul a sisesegged a kanayon ti apuy iti altar, ket di baybay-an a maiddep. Binigat a sungrodan ti padi, urnosenna dagiti daton iti rabawna, ket puoranna ti taba ti daton a pakikappia.

Levitico 6:12 Iomraidhean Croise

Nehemias 13:31

Ken maipaay iti daton a cayo, cadagiti natudingan a tiempo, ken maipaay cadagiti umuna a bunga. Lagipennac, O Diosco, a maipaay iti naimbag.

Ezekiel 40:46

Ket ti siled a sumango iti amianan maipaay cadagiti papadi, dagiti agayaywan iti altar: dagitoy isuda dagiti annac a lallaki ni Sadoc, dagidiay aggapu cadagiti annac a lallaki ni Levi, umasidegda ken ni Jehova nga agannong kencuana.

Levitico 6:11

Ket iccatennanto dagiti cawcawesna, ket icapetnanto dagiti sabali a cawcawes, ket yallatiwnanto dagiti dapdapo iti ruar ti pacarso iti nadalus a disso.

Levitico 6:13

Ti apuy mabatinto laeng a sidadarang nga agnanayon iti rabaw ti altar; daytoy dinto maiddep.

Levitico 6:9

Ibilinmo ken Aaron ken cadagiti annacna a lallaki, a cunam, Daytoy ti alagaden iti daton a mapuuran: ti daton a mapuuran addanto iti pagsungrodan iti rabaw ti altar iti agpatpatnag agingga iti bigat; ket ti apuy ti altar mapaspasgedanto laeng iti rabawna.

Levitico 9:24

Ket ti apuy rimmuar iti sango ni Jehova, ket pinuuranna iti rabaw ti altar ti daton a mapuuran ken ti taba: ket idi nakita amin dagiti tattao, nagdir-ida, ket nagpaclebda.

Hebreo 10:27

No di ket ti maysa a nacabutbuteng a panagur-uray iti pannacaocom, ken maysa a kinarungsot ti apuy, a mangalununto cadagiti cabcabusor.