Levitico 6:10 - Ti Biblia (1973)

¹⁰ Ket ti padi icapetnanto ti badona a lienzo, ket dagiti sapinna a lienzo icapetnanto iti bagina; ket iccatennanto dagiti dapo, apaman a naibus ti apuy ti daton a mapuuran iti rabaw ti altar, ket icabilnanto ida iti sikigan ti altar.

Ti Baro a Naimbag a Damag Biblia

¹⁰ Agaruat ti padi iti linen a kagay ken linen a sapin ket ikkatenna dagiti nalanit a dapu a nabati iti altar sana ikabil iti sikigan ti altar.

Levitico 6:10 Iomraidhean Croise

Dagiti Salmo 20:3

Lagipenna coma amin dagiti datdatonmo, ket acoenna coma ti pinuuran a sacrificiom; (Selah)

Dagiti Salmo 37:20

Ngem dagiti nadangkes mapucawdanto, ket dagiti cabusor ni Jehova casdanto la taba dagiti carnero: marunawdanto; cas asuc maawandanto.

Ezekiel 44:19

Ket no rumuarda iti makinruar a paraangan, ti met laeng makinruar a paraangan cadagiti tattao, iccatendanto dagiti pagan-anayda a pagservida, ket idissoda ida cadagiti nasantoan a siled; ket mangicawesdanto cadagiti sabali a pagan-anay, tapno saanda a pagsantoen ti umili cadagiti pagan-anayda.

Levitico 1:13

Ngem dagiti lalaem ken dagiti sacsaca buggoannanto iti danum; ket ti padi idatonnanto amin, ket puurannanto iti altar: isu ti maysa a daton a mapuuran, maysa a daton a naaramid iti apuy, a nabanglo a sayamusom ken Jehova.

Levitico 1:9

Ngem dagiti lalaemna ken sacsacana buggoannanto iti danum: ket ti padi puurannanto ida amin nga daton a mapuuran, iti rabaw ti altar, maysa a daton a naaramid iti apuy, a nabanglo a sayamusom ken Jehova.

Levitico 16:4

Isu icawesnanto ti nasantoan a bado a lienzo, ket yarpawnanto met iti lasagna ti sapin a lienzo, ket mabaricsanto iti barikes a liemzo, ket ti mitra a lienzo maicapetto kencuana: dagitoy dagiti nasantoan a pagan-anay, ket isu digosennanto ti bagina iti danum sananto icawes ida.

Levitico 2:11

Saanto a nalevaduraan ti daton a bel-laay nga idatonyonto ken Jehova; ta dicayto puuran ti levadura wenno diro a daton a naaramid iti apuy ken Jehova.

Levitico 21:22

Manganto iti tinapay ti Diosna, uray tinapay man a nasantoan unay ken ti nasantoan:

Levitico 4:12

Uray ti dagup ti bagi ti vaca ipannanto iti ruar ti pacarso agingga iti nadalus a yan, a pacaiccan dagiti dapo, ket puurannanto iti rabaw ti sungrod iti apuy: iti pacaibellengan dagiti dapo isu ti pacapuurannanto.

Levitico 6:11

Ket iccatennanto dagiti cawcawesna, ket icapetnanto dagiti sabali a cawcawes, ket yallatiwnanto dagiti dapdapo iti ruar ti pacarso iti nadalus a disso.

Levitico 6:18

Tumunggal maysa a lalaki cadagiti annac ni Aaron canennanto cas bagina nga agnanayon cadagiti putputotyo, cadagiti datdaton ken Jehova iti maramid iti apuy: ti mangsagid cadagidiay nasantoanto.

Levitico 6:22

Ket ti padi a napulotan a sumononto kencuana cadagiti annacna a lallaki idatonnanto: gapu iti mataginayon a pagbilinan, mapuuranto nga awan ti curangna a maipaay ken Jehova.

Levitico 8:2

Alaem ni Aaron ken agraman dagiti annacna a lallaki, ken dagiti cawcawes, ken ti lana a pagsapsapo, ken ti vaca a lalaki a daton gapu iti basol, ken dagiti dua a lallaki a carnero, ken ti labba ti di-nalevaduraan a tinapay;

Numero 16:21

Makilasincayo iti daytoy a gimong, tapno ibusec ida iti apagdaricmat.

Numero 16:35

Ket rimmuar ti apuy nga aggapu ken Jehova, ket inalun-unna dagiti dua gasut ket limapulo a lallaki a nangipaay iti incienso.

Paltiing 19:14

Ket dagiti buybuyot sadi langit sumursurotda kencuana, a nagsacayda cadagiti cacabayo a puraw, nagcawesda ti lupot a nalapat, puraw ken natarnaw.

Paltiing 19:8

Ket naipaay kencuana ti panagcawesna iti lupot a nalapat ken puraw, nasileng ken natarnaw: ta ti lupot a nalapat a puraw isu dagiti aramid a nalinteg dagiti sasanto.

Paltiing 7:13

Ket simmungbat daydi maysa cadagiti lallacay, a cuncunana caniac: Dagitoy a nagcawes cadagiti pagan-anay a puraw, siasinoda, ket sadino ti naggapuanda?