Levitico 5:5 - Ti Biblia (1973)

⁵ Ket maaramidto, a no isu macabasolto iti maysa cadagitoy nga aramid, ipudnonanto ti basol nga inaramidna:

Ti Baro a Naimbag a Damag Biblia

⁵ No nakabasol ti maysa a tao, masapul nga ipudnona ti basolna,

Levitico 5:5 Iomraidhean Croise

Ti Libro ni Job 33:27

Isu agcanta iti sangoanan dagiti tattao, ket cunana, nagbasolac idi, ket dinadaelco idi ti nalinteg, ket dinac ginungunaan:

Dagiti Salmo 32:5

Binigbigco ti basolco kenca, ket ti kinadakesco diac inlinged: kinunac, ipudnocto dagiti salungasingco ken Jehova; ket sica pinacawanmo ti kinacas-ang ti basolco.

Dagiti Proverbio 28:13

Ti mangabbong cadagiti salungasingna dinto rumang-ay; ngem ti mangipudno ken mangbaybay-an cadacuada maragpatnanto ti caasi.

Jeremias 3:13

Bigbigem laeng ti kinadakesmo, a simmalungasingca a maibusor ken Jehova a Diosmo, ken pinaadum dagiti daldalanmo cadagiti gangannaet iti siroc ti tunggal narucbos a cayo, ket dica tinungpal ti timecco, cuna ni Jehova.

Daniel 9:4

Ket nagcararagac ken Jehova a Diosco, ket nagpudnoac, ket kinunac, O Apo, ti dackel ken pagbutngan a Dios, a mangsalimetmet iti tulag ken kinamanangngaasi cadagiti agayat kencuana ken mangtungpal cadagiti bilbilinna,

Levitico 16:21

Ket ni Aaron ipataynanto dagiti dua nga imana iti rabaw ti olo ti sibibiag a calding, ket ipudnonanto iti rabawna ti amin a kinadakes dagiti annac ti Israel, ken amin a salsalungasingda, dagiti amin a basbasolda met laeng; ket icabilnanto ida iti rabaw ti olo ti calding, ket ibaonnanto iti tay-ac babaen iti ima ti maysa a tao a masagsagana.

Levitico 26:40

Ket isuda ipudnodanto dagiti kinadakesda, ken ti kinadakes dagiti ammada, iti salungasingda nga isu ti panangsalungasingda caniac, ken casta met gapu ta nagnada iti maibusor caniac,

Levitico 5:13

Ket ti padi aramidennanto a pacaabbonganna mayannatup iti babacna a nacabasolanna iti uray ania cadagitoy, ket mapacawanto: ket ti natda cucuanto ti sacerdote, a cas ti daton a canen.

Numero 5:7

Ipudnonanto ngarud ti basolna nga inaramidna: ket aramidennanto ti panagipulang a naananay gapu iti basolna, ket inayonnanto pay ti apacalimana, ket itednanto ken nacabasolanna.

Taga-Roma 10:10

Ta buyugen ti puso, no mamati ti tao, tapno macagun-od ti kinalinteg, ket iti ngiwat ti pangaramid ti panangipaduyacyac maipaay iti pannacaisalacan.

Josue 7:19

Ket ni Josue kinunana ken ni Acan, Anacco, Agdawatac kenca, itedmo ti pammadayaw ken Jehova, a Dios ti Israel, ket agpudnoca kencuana: ket palawagem caniac itatta no ania ti inaramidmo; dica ilibac caniac.