Levitico 5:4 - Ti Biblia (1973)

⁴ Wenno no ti uray siasino mangipabpabareng nga agsapata cadagiti bibigna nga agaramid iti dakes, wenno agaramid iti naimbag, uray aniaman a balicsennanto a situtured babaen ti sapata, ket ilimedna; intono maammoan, macabiddutto ngarud iti maysa cadagitoy nga aramid.

Ti Baro a Naimbag a Damag Biblia

⁴ No barengbareng ti panagsapata ti maysa a tao—agaramid man iti dakes wenno naimbag—makabasol apaman a mabigbigna ti inaramidna.

Levitico 5:4 Iomraidhean Croise

2 Samuel 21:7

Ngem ti ari inliclicna ni Mifiboset, nga anac ni Jonatan, nga anac ni Saul, a gapu iti sapata ni Jehova, nga adda idi cadacuada, cada David ken Jonatan, nga anac ni Saul.

2 Ar-ari 6:31

Idin isu kinunana, Ti Dios aramidenna iti casta caniac, ken ad-adda pay met, no ti olo ni Eliseo nga anac ni Safat agtacderto kencuana iti daytoy nga aldaw.

Dagiti Salmo 106:33

Ta bimmusorda iti espirituna, ket isu cadagiti bibigna nagsao a dina napuutan.

Levitico 5:13

Ket ti padi aramidennanto a pacaabbonganna mayannatup iti babacna a nacabasolanna iti uray ania cadagitoy, ket mapacawanto: ket ti natda cucuanto ti sacerdote, a cas ti daton a canen.

Levitico 5:3

Wenno no sagidenna ti rugit ti tao, iti uray ania a nacarugitanna, ket ilimedna; intono maammoan, macabiddutto laeng.

Numero 30:6

Ngem no ti babai maasawaan iti caadda kencuana dagiti carina, wenno ti napasindayag a balicas dagiti bibigna, a nangisinggalutanna iti cararuana;

Numero 30:8

Ngem no ti asawana a lalaki iparitna kencuana iti aldaw a pannacangngegna; no casta paubbawennanto ti cari nga inaramid ti babai ken ti napasindayag a balicas dagiti bibigna, a nangisinggalutanna iti cararuana: ket ni Jehova pacawanennanto.

San Mateo 14:7

Gapuna incarina nga insapata nga itednanto kencuana ti amin a dawatenna.

San Mateo 14:9

Ket nagladingit di ari; ngem gapu iti sapatana ken gapu cadagiti adda a nakisango idi panganan, imbilinna nga maited kencuana;

San Marcos 6:23

Ket sinapataanna kencuana a kinunana: Isu-amin a dawatemto caniac, itdecto kenca, uray pay ti guddua ti pagariac.

Dagiti Aramid 23:12

Ket idi bimmigaten, dadduma a Judio nagbubunggoyda ket insapatada iti babaen ti panaglunod, a cuncunada a didanto mangan wenno uminum agingga iti dida mapapatay ni Pablo.

Josue 2:14

Ket dagiti tattao kinunada kencuana, Ti biagmi maipaay iti biagmo, no dicay ipalgac coma daytoy a panggepmi; ket isunto, nga intono ni Jehova itedna cadacami daytoy a daga, agaramidcaminto kenca a sicacaasi ken sipupudno.

Josue 9:15

Ket ni Josue nakicappia cadacuada, ken nakinomo cadacuada a tiddaenna ida a sibibiag. Ket dagiti pangpanguloen ti gimong nagsapatada cadacuada.

Uk-ukom 11:31

No casta isunto, a ti uray siasino nga umay manipud cadagiti ruruangan ti balayco a sumabet caniac, intono agsubliac iti talna nga aggapu cadagiti annac ni Ammon, isunto ti cucua ni Jehova, ket idatonconto kencuana a maipaay iti mapuuran a daton.

Uk-ukom 21:18

Ngem datayo met laeng ditayo mabalin ida nga iccan cadagiti assawada cadagiti annactayo a babbai: ta dagiti annac ti Israel insapatada idi, a kinunada, Mailunod coma daydiay a mangted iti asawa iti Benjamin.

Uk-ukom 21:7

Casano ti aramidentayonto a gapu cadagiti assawa nga agpaay cadagidiay nga natda, agsipud ta datayo insapatatayo gapu ken Jehova a ditayto mangted cadacuada cadagiti annactayo a babbai nga asawaenda?

Uk-ukom 9:19

No dacayo ngarud nagaramidcayo iti kinapudno ken kinalinteg ken ni Jerobaal ken iti balayna iti daytoy nga aldaw, agragsaccayo coma ken Abimelec, ket isu met agragsac coma cadacayo:

1 Samuel 1:11

Ket nagaramid iti cari, a kinunana, O Jehova dagiti buybuyot, no kitaem coma ti kinaay-ay-ay ti adipenmo a babai, ket lagipennac coma ken dica malipatan ti adipenmo a babai, no di ket mangtedca coma iti adipenmo a babai ti anac a lalaki, siac idatonconto ken Jehova cadagiti amin nga al-aldaw ti panagbiagna, ket dinto umuli ti pangiskis iti rabaw ti olona.

1 Samuel 25:22

Ti Dios aramidenna ti casta cadagiti cabusor ni David, ken nacarcaro pay met, no tiddaec ti anniaman iti amin a cucuana agingga iti aglawag ti bigat, nga uray no maysa nga ubing a lalaki.