Levitico 5:3 - Ti Biblia (1973)

³ Wenno no sagidenna ti rugit ti tao, iti uray ania a nacarugitanna, ket ilimedna; intono maammoan, macabiddutto laeng.

Ti Baro a Naimbag a Damag Biblia

³ No adda makasagid iti aniaman a maibilang a narugit a nagtaud iti tao, uray ania, makabasol apaman a mabigbigna ti inaramidna.

Levitico 5:3 Iomraidhean Croise

Ezekiel 44:27

Ket inton aldaw nga iseserrecna iti santuario, iti makinuneg a paraangan tapno agannong iti santuario, ipaaynanto ti datonna a maipaay iti basol, cuna ni Apo Jehova.

Levitico 13:3

Ket ti padi imatangannanto ti sacsakiten iti cudil ti lasag; ket no ti dutdut iti sacsakiten nagpuraw, ket ti langa ti sacsakiten naun-uneg ngem iti cudil ti lasagna, dayta ti sakit a cucutel; ket ti padi amirisennanto, ket ikeddengnanto nga isu saan a nadalus.

Levitico 5:2

Wenno uray siasinoman a mangsagid iti saan a nadalus, uray bangcay ti natay nga animal a narugit wenno bangcay ti animal a naamo a narugit, wenno bangcay dagiti aguy-uyas a saan a nadalus, ket ilimedna, ket agtaeng a saan a nadalus, macabasolto ngarud.

Levitico 5:4

Wenno no ti uray siasino mangipabpabareng nga agsapata cadagiti bibigna nga agaramid iti dakes, wenno agaramid iti naimbag, uray aniaman a balicsennanto a situtured babaen ti sapata, ket ilimedna; intono maammoan, macabiddutto ngarud iti maysa cadagitoy nga aramid.

Levitico 7:21

Ket no addanto maysa a macasagid iti uray ania a narugit, ti kinarugit ti tao wenno kinarugit ti animal, wenno maysa a nacarimrimon a rugit, ket mangan iti lasag ti sacrificio dagiti datdaton iti cappia, a maipaay ken Jehova, dayta a tao maipusayto iti ilina.

Numero 19:22

Ket ti uray ania a sagiden ti tao a narugit, narugitto; ket ti cararua a mangsagid iti dayta saanto a nadalus inggana iti sumipnget.