Levitico 5:2 - Ti Biblia (1973)

² Wenno uray siasinoman a mangsagid iti saan a nadalus, uray bangcay ti natay nga animal a narugit wenno bangcay ti animal a naamo a narugit, wenno bangcay dagiti aguy-uyas a saan a nadalus, ket ilimedna, ket agtaeng a saan a nadalus, macabasolto ngarud.

Ti Baro a Naimbag a Damag Biblia

² No adda makasagid iti aniaman a maibilang a narugit, kas iti natay nga animal, maibilang a narugit ken makabasol apaman a mabigbigna ti inaramidna.

Levitico 5:2 Iomraidhean Croise

Dagiti Salmo 19:12

Siasino ti macailasin cadagiti bucudna nga allilaw? Dalusannac cadagiti nalmeng a libtaw.

Isaias 52:11

Pumanawcayo, pumanawcayo, rumuarcayo sadiay, dicayo mangsagid iti aniaman a banag a di nadalus; pumanawcayo iti tengngana; dalusanyo ti bagiyo dacayo nga agawit cadagiti al-alicamen ni Jehova.

Levitico 11:11

Ket carimonyonto ida; dicayto sidaen dagiti lasagda, ket dagiti bangcayda a natay carimonyonto.

Levitico 11:8

Iti lasag dagitoy dicayto agsida ket ti natay a bangcayda dicayto sagiden; carugityo ida.

Levitico 4:13

Ket no ti amin a gimong ti Israel macabasol, ket ti aramid nalmeng cadagiti matmata ti gimong, ket isuda nagaramidda cadagiti imbilin ni Jehova a saan nga aramiden, ket nacabasolda;

Levitico 5:17

Ket no ti maysa a tao macabasol, ket aramidenna ti maysa cadagiti saan nga aramiden nga imbilin ni Jehova; uray dina ammo, macabasol laeng, ket awitennanto ti kinadakesna.

Levitico 5:3

Wenno no sagidenna ti rugit ti tao, iti uray ania a nacarugitanna, ket ilimedna; intono maammoan, macabiddutto laeng.

Levitico 5:4

Wenno no ti uray siasino mangipabpabareng nga agsapata cadagiti bibigna nga agaramid iti dakes, wenno agaramid iti naimbag, uray aniaman a balicsennanto a situtured babaen ti sapata, ket ilimedna; intono maammoan, macabiddutto ngarud iti maysa cadagitoy nga aramid.

Levitico 7:21

Ket no addanto maysa a macasagid iti uray ania a narugit, ti kinarugit ti tao wenno kinarugit ti animal, wenno maysa a nacarimrimon a rugit, ket mangan iti lasag ti sacrificio dagiti datdaton iti cappia, a maipaay ken Jehova, dayta a tao maipusayto iti ilina.

Haggeo 2:13

Idin kinuna ni Haggeo, No ti siasinoman a narugit a gapu iti bangcay ti natay sumagid iti aniaman cadagitoy, agbalinto aya a narugit? Ket dagiti papadi simmungbatda ket kinunada, Narugitto.

Numero 19:22

Ket ti uray ania a sagiden ti tao a narugit, narugitto; ket ti cararua a mangsagid iti dayta saanto a nadalus inggana iti sumipnget.

San Lucas 11:44

Asicay pay! ta umaspingcayo cadagiti tanem a di makita, ket dagiti tao a magna iti rabawda dida ammo.

2 Taga-Corinto 6:17

Gapuna Pumanawcayo iti nagtengngaanda, ket suminacayo, cuna ti Apo. Ket saanyo a sagiden ti aniaman a di nadalus; Ket siac awatencayto,

Deuteronomio 14:8

Ket ti babuy, gapu ta nagpisi ti cucuna ngem saan nga agngatingat, daytoy saan a nadalus cadacayo: iti lasagna dicayto mangan, ket ti bangcayna a natay dicayto sagiden.