Levitico 5:11 - Ti Biblia (1973)

¹¹ Ngem no awan kencuana ti macaanay a pamaaddana iti dua a pagaw wenno dua a calapati, yegnanto ngarud a datonna gapu iti pannacabasolna, ti apagcapulo ti maysa nga efa ti namayecmec nga harina a pagdaton gapu iti basol: dinanto ic-iccan iti lana, casta met a dinanto ic-iccan iti incienso; ta isu ti maysa a daton gapu iti basol.

Ti Baro a Naimbag a Damag Biblia

¹¹ No saan a kabaelan ti maysa a tao ti mangidaton iti dua a kalapati wenno dua a sibong ti kalapati, mangidatag iti sangakilo nga arina a kas daton gapu iti basolna. Dina ikkan iti lana ti olibo wenno insenso, agsipud ta daytoy ti daton gapu iti basol.

Levitico 5:11 Iomraidhean Croise

Exodo 16:18

Ket idi sinucatda iti omer, ti nagurnong iti ad-adu saan a nagsuroc ket ti nagurnong iti bassit, saan a nacurangan; tunggal maysa cadacuada nangala iti maitutop iti macanna.

Exodo 16:36

Ti maysa nga omer isu ti apagcasangapulo ti maysa nga efa.

Levitico 1:14

Ket no ti idatagna ken Jehova maysa a daton a mapuuran cadagiti tumatayab, idatagnanto nga idaton ngarud dagiti pagpagaw wenno urbon dagiti calapati.

Levitico 12:8

Ket no awan ti umanay nga igatangna iti maysa a cordero, mangalanto ngarud iti dua a pagaw wenno dua nga urbon ti calapati; ti maysa agservi a daton a mapuuran, ket ti caduana agservi a daton gapu iti basol, ket ti padi aramidennanto a pacaabbonganna, ket nadalusto.

Levitico 14:21

Ket no napanglaw, ket awan mabalinna a pangalaan iti casdiay, mangalanto ngarud iti maysa a cordero a lalaki nga agservi a daton a mailili gapu iti salungasing, tapno maaramid a pacaabbonganna, ken maysa a pagcapulo ti maysa nga efa ti namayecmec nga harina a nalaocan iti lana ken maysa a log ti lana daton a macan;

Levitico 27:8

Ngem no napangpanglao ngem ti panggatadam, maipanto iti saclang ti padi ket ti padi gatadannanto; ti mayannatop iti cabaelan ti nagcari isu ti panggatadanto ti padi.

Levitico 5:12

Ket ipannanto iti padi, ket ti padi rumakemto iti harina a pacalaglagipanna, ket puurannanto iti altar, a ngatoen dagiti datdaton a maaramid iti apuy ken Jehova: isu ti maysa a daton gapu iti basol.

Levitico 5:6

Ket yegnanto a datonna gapu iti salungasing ken Jehova nga agservi iti basol a nacabasolanna, ti maysa a cabayan iti pangen, maysa a cordero wenno maysa a calding, a daton gapu iti basol; ket ti padi aramidennanto a paccaabbonganna a maipanggep iti basolna.

Levitico 5:9

Ket iwarisnanto ti dadduma iti dara ti daton gapu iti basol iti sikigan ti altar; ket ti natda iti dara maipatedtedto iti puon ti altar: isu ti maysa a daton gapu iti basol.

Levitico 6:20

Daytoy ti daton ni Aaron ken dagiti annacna a lallaki, nga ipaaydanto ken Jehova iti aldaw a pannacasapsapona: ti apagcapulo ti maysa nga efa ti namayecmec nga harina a maipaay a mataginayon a daton a bel-laay, ti cagudduana iti bigat ket ti maysa a gudduana iti malem.

Numero 5:15

No casta ti lalaki yegnanto ti asawana iti padi, ken yegnanto ti datonna a maipaay kencuana ti apagcapulo ti maysa nga efa ti bel-laay ti cebada; dinanto buyatan iti lana ti rabawna wenno dina parabawanto iti incienso; ta isu ti daton a macan maipuon iti imon, maysa a daton a macan a pacalaglagipan a panglagip ti kinadakes.

Numero 7:13

Ket ti datonna maysa a pinggan a pirac a timbeng ti sangagasut ket tallopulo a siclo, maysa a malocong a pirac a pitopulo a siclo a cas ti siclo ti santuario; agpadpadada a napno iti namayecmec nga harina a nagamayan iti lana a maipaay a daton a macan;

San Lucas 2:24

Ken mangigay at ti daton, cas adda a naisao iti linteg ti Apo: Dua a pagaw wenno dua nga pichon.

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

Hebreo 9:22

Ket cas mayalubog iti linteg, nganngani isu-amin a banag magugoranda iti dara; ket no awan ti dara a maiparucpoc, awan ti pannacasubbot.