Levitico 4:25 - Ti Biblia (1973)

²⁵ Ket ti padi isawsawnanto ti ramayna iti dara ti daton gapu iti basol, ket icabilnanto iti rabaw dagiti sarsara ti altar ti daton a mapuuran; ket ti darana ibuyatnanto iti puon ti altar ti daton a mapuuran.

Ti Baro a Naimbag a Damag Biblia

²⁵ Isawsaw ti padi ti ramayna iti dara ti animal, pulagidanna iti dara dagiti sinan-sara ti altar, ket ibuyatna ti natda iti puon ti altar.

Levitico 4:25 Iomraidhean Croise

Exodo 29:12

Ket mangalacanto iti dara ti vaca, ket ti tammodom ti pangicabilmonto iti rabaw dagiti sarsara ti altar; ket ibuyatmonto amin nga dara iti puon ti altar.

Isaias 40:21

Dicayo naammoan aya? dicayo nangngeg aya? saan a naibaga aya cadacayo nanipud idi damo? dicayo aya naawatan nanipud idi pannacaibangon ti daga?

Levitico 16:18

Ket isu rumuarto nga agtarus iti ayan ti altar nga adda iti sango ni Jehova, ket aramidennanto ti pannacaabbongda, ket mangalanto iti dara ti lalaki a vaca, ken iti dara ti calding, ket icabilnanto cadagiti sarsara ti altar iti lawlawna.

Levitico 17:11

Ta ti biag ti lasag adda iti dara; ket itedco dayta cadacayo iti rabaw ti altar a maaramid a pacaabbongan a maipaay cadagiti cararuayo; ta dara isu ti macaaramid iti pacaabbongan gapu ta adda kencuana ti biag.

Levitico 4:18

Ket icabilnanto ti dadduma a dara iti rabaw dagiti sarsara ti altar nga adda iti sango ni Jehova, nga adda iti uneg ti tolda ti gimong; ket amin ti dara ibucbucnanto iti puon ti altar ti daton a mapuuran, nga adda iti ruangan ti tolda ti gimong.

Levitico 4:24

Ket ipataynanto ti imana iti rabaw ti olo ti calding, ket patayennanto iti disso a pamatpatayanda iti daton a mapuuran iti saclang ni Jehova: isu ti maysa a daton gapu iti basol.

Levitico 4:30

Ket ti padi isawsawnanto ti ramayna iti dara daydiay, ket icabilnanto cadagiti sarsara ti altar ti daton a mapuuran; ket dagup ti dara daydiay ibuyatnanto iti puon ti altar.

Levitico 4:34

Ket ti padi isawsawnanto ti ramayna iti dara ti daton gapu iti basol, ket icabilnanto iti rabaw dagiti sarsara ti altar ti daton a mapuuran; ket amin a dara daydiay ibuyatnanto iti puon ti altar:

Levitico 4:7

Ket ti padi icabilnanto ti dadduma a dara cadagiti sarsara ti altar ti incienso a nasayamusom iti sango ni Jehova, nga adda iti tolda ti gimong; ket ti dagup ti dara ti bumaro a vaca ibuyatnanto iti puon ti altar ti daton a mapuuran, nga adda iti ruangan ti tolda ti gimong.

Levitico 5:9

Ket iwarisnanto ti dadduma iti dara ti daton gapu iti basol iti sikigan ti altar; ket ti natda iti dara maipatedtedto iti puon ti altar: isu ti maysa a daton gapu iti basol.

Levitico 8:10

Ket ni Moises innalana ti pagsapsapo a lana, ken sinapsapoanna ti tabernaculo ken amin nga adda iti unegna, ket sinantificarna ida.

Levitico 8:15

Ket pinatayna; ket ni Moises innalana ti dara, ket iti ramayna, incabilna cadagiti sarsara ti altar, ket ginugoranna ti altar, ket imbuyatna ti dara iti puon ti altar, ket pinasantona, tapno aramidenna ti pannacaabbongna.

Levitico 9:9

Ket dagiti annac a lallaki ni Aaron indatagda ti dara kencuana, ket isu insawsawna ti ramayna iti dara, sana incabil cadagiti sarsara ti altar, ket imbuyatna ti dara iti poon ti altar;

Taga-Roma 10:4

Ta ni Cristo isu ti panungpalan ti linteg tapno pacagun-odan ti kinalinteg ti tunggal maysa a mammati.

Hebreo 2:10

Ta maiparbeng a daydiay pacaipaayan dagiti isu-amin a banag ken pacaigapuan dagiti isu-amin a banag, agsipud ta mangipanto idiay gloria cadagiti adu nga annac, maaramid nga awan pagcurcuranganna daydiay makin-aramid ti pannacaisalacan gapu cadagiti panagsagaba.

Hebreo 9:22

Ket cas mayalubog iti linteg, nganngani isu-amin a banag magugoranda iti dara; ket no awan ti dara a maiparucpoc, awan ti pannacasubbot.