Levitico 3:9 - Ti Biblia (1973)

⁹ Ket ipaaynanto iti sacrificio dagiti datdaton iti cappia ti maysa a daton a maaramid iti apuy ken Jehova; ti tabana, ti nalucmeg nga ipus a sibubukel iccatennanto iti yan ti duri; ket ti taba a mamungon cadagiti lalaem, ken amin a taba nga adda cadagiti lalaem,

Ti Baro a Naimbag a Damag Biblia

⁹ Maidatonto iti Apo dagitoy a paset ti animal: ti taba, ti entero a nataba nga ipus a naputed iti asideg ti duri, dagiti amin a taba a nangbalkot kadagiti lalaem,

Levitico 3:9 Iomraidhean Croise

2 Samuel 6:17

Ket inyegda ti lacasa ni Jehova, ket insaadda iti lugarna iti tengnga ti tolda a ni David binangonna idi nga agpaay kencuana; ket ni David nagidatag iti daton a mapuuran ken datdaton ti cappia iti saclang ni Jehova.

1 Ar-ari 3:15

Ket ni Salomon nagriing; ket adtoy, isu ti maysa a tagtagainep: ket isu nagsubli sadi Jerusalem, ket nagtacder iti sango ti lacasa ti tulag ni Jehova, ket nangidatag cadagiti datdaton a mapuuran, ken nangirucbab cadagiti datdaton ti cappia, ket nangaramid ti maysa a rambac cadagiti amin nga ad-adipenna.

1 Ar-ari 8:63

Ket ni Salomon nangidatag ti maipaay iti sacrificio dagiti daton ti cappia, nga indatonna ken Jehova, duapulo ket dua a ribu a vacvaca, ken sangagasut ket duapulo a ribu a carcarnero. Castoy ti panangisibbo ti ari ken amin nga annac ti Israel ti balay ni Jehova.

1 Ar-ari 8:64

Iti daydi met laeng nga aldaw ti ari sinantificarna ti tengnga ti paraangan nga adda idi iti sango ti balay ni Jehova; ta sadiay nidatagda ti daton a mapuuran, ken daton a macan, ken ti taba dagiti daton ti cappia, ta ti gambang nga altar nga adda iti sango ni Jehova bassit unay a manglaon cadagiti daton a mapuuran, ken ti daton a macan, ken ti taba dagiti daton ti cappia.

1 Cronicas 16:1

Ket inyegda ti lacasa ti Dios, ket isu ti insaadda iti tengnga ti tolda a binangon ni David a maipaay kencuana: ket nagidatagda cadagiti datdaton a mapuuran, ken datdaton ti cappia iti saclang ti Dios.

Exodo 29:22

Alaemto met ti taba ti carnero, ken ti ipus a nalucmeg, ken ti taba a mamungon cadagiti lalaem, ken ti culapot ti dalem, ken dagiti dua a beckel, ken ti taba nga adda cadacuada, ken ti macanawan a luppo (ta isu ti maysa a carnero ti pannacaconsagrar),

Dagiti Proverbio 23:26

Anacco, itdem caniac ta pusom; ket dagiti matam pagayatanda coma dagiti daldalanco.

Isaias 53:10

Nupay casta naay-ayo ni Jehova iti pinangpalitemna kencuana; isu pinalidayna: intono aramidem ti cararuana a maysa a daton a gapu iti basol, makitananto ti caputotanna, paatiddugennanto dagiti al-aldawna, ket ti pagayatan ni Jehova rumang-ayto itiimana.

Levitico 17:5

Tapno dagiti annac ti Israel idatagda dagiti datdatonda nga ar-aramidenda iti ruar, tapno idatagda ida met laeng ken Jehova iti ruangan ti tolda ti gimong, iti imatang ti padi, ken irucbabda dagita a maipaay a daton dagiti datdaton iti cappia ken Jehova.

Levitico 7:3

Ket idatonnanto itoy ti dagup ti tabana: ti nalucmeg nga ipus, ken ti taba a mangcumot cadagiti lalaem,

Levitico 8:25

Ket innalana ti taba, ken ti nalucmeg nga ipus, ken amin a taba nga adda cadagiti lalaem, ken ti culapot ti dalem, ken dagiti dua a beckel, ken ti tabada, ken ti macanawan a luppo:

Levitico 9:19

Ket ti taba ti vaca ken ti carnero, ti nalucmeg nga ipus, ken ti mamungon cadagiti lalaem, ken dagiti beckel, ken ti culapot ti dalem:

Numero 7:88

Ket amin dagiti vacvaca a maipaay a sacrificio dagiti datdaton iti cappia duapulo ket uppat, dagiti carcarnero innem a pulo, dagiti calcalding innem a pulo, dagiti corcordero nga agtawenda iti maysa innem a pulo. Daytoy isu idi ti pannacaisibbo ti altar idi nalpas a nalanaan.

1 Samuel 10:8

Ket sica sumalogcanto iti sangoanac agingga iti Gilgal; ket adtoy, siac sumalogacto agingga kenca, a mangidaton cadagiti daton a mapuuran, ken agidatag cadagiti sacrificio dagiti datdaton ti cappia: aguraycanto bayat iti pito nga aldaw, agingga iti yaayco kenca, ket iparangarangco kenca no ania ti aramidemto.