Levitico 3:5 - Ti Biblia (1973)

⁵ Ket dagiti annac a lallaki ni Aaron puurandanto iti rabaw ti altar iti ngatoen ti mapuuran a daton, nga adda iti rabaw ti naisungrod iti apuy: isu ti maysa a daton a maaramid iti apuy, a nabanglo a sayamusom ken Jehova.

Ti Baro a Naimbag a Damag Biblia

⁵ Amin dagitoy, puoran dagiti papadi iti rabaw ti altar agraman dagiti daton a mapuoran. Nabanglo ken makaay-ayo daytoy a daton iti Apo.

Levitico 3:5 Iomraidhean Croise

1 Ar-ari 8:64

Iti daydi met laeng nga aldaw ti ari sinantificarna ti tengnga ti paraangan nga adda idi iti sango ti balay ni Jehova; ta sadiay nidatagda ti daton a mapuuran, ken daton a macan, ken ti taba dagiti daton ti cappia, ta ti gambang nga altar nga adda iti sango ni Jehova bassit unay a manglaon cadagiti daton a mapuuran, ken ti daton a macan, ken ti taba dagiti daton ti cappia.

2 Cronicas 35:14

Ket calpasanna nangisaganada ti maipaay cadacuada met laeng, ken maipaay cadagiti papadi, agsipud ta dagiti papadi dagiti annac ni Aaron addada a mangidatdatag idi cadagiti datdaton a mapuuran ken ti taba agingga iti rabii: gapuna a dagiti Levitas nangisaganada ti maipaay cadacuada met laeng, ken maipaay cadagiti papadi dagiti annac ni Aaron.

Exodo 29:13

Ket alaemto amin a taba a mangbungon cadagiti lalaem, ken ti culapot ti dalem, ken dagiti dua nga beckel, ken ti taba nga adda iti rabawda, ket puuramto ida iti rabaw ti altar.

Ezekiel 44:15

Ngem dagiti papadi a Levitas, dagiti annac a lallaki ni Sadoc a nagay-aywan iti panagannong ti santuarioc idi a dagiti annac ti Israel nayawawanda manipud caniac, umasidegdanto caniac tapno agservida caniac; ket agtacderdanto iti sangoanac tapno idatonda caniac ti taba ken ti dara, cuna ni Apo Jehova:

Ezekiel 44:7

Iti panangiyegyo cadagiti gangannaet, saan a nacugit iti puso ken saan a nacugit iti lasag, tapno agyan iti santuarioc, tapno tabbaawanda, ti met laeng balayco, no idatonyo ti tinapayco, ti taba ken ti dara, ket dinadaelda ti tulagco, nga innayon cadagiti amin a kinarimonyo.

Levitico 1:13

Ngem dagiti lalaem ken dagiti sacsaca buggoannanto iti danum; ket ti padi idatonnanto amin, ket puurannanto iti altar: isu ti maysa a daton a mapuuran, maysa a daton a naaramid iti apuy, a nabanglo a sayamusom ken Jehova.

Levitico 1:17

Ket iggamannanto dagiti payacna tapno pisangenna, ngem dinanto gerreten; ket ti padi puurannanto iti rabaw dagiti sungrod ti apuy: isu ti maysa a daton a mapuuran, maysa a daton a naaramid iti apuy, a nabanglo a sayamusom ken Jehova.

Levitico 1:9

Ngem dagiti lalaemna ken sacsacana buggoannanto iti danum: ket ti padi puurannanto ida amin nga daton a mapuuran, iti rabaw ti altar, maysa a daton a naaramid iti apuy, a nabanglo a sayamusom ken Jehova.

Levitico 3:11

Ket ti padi puurannanto iti rabaw ti altar: isu ti taraon ti daton a maaramid iti apuy ken Jehova.

Levitico 3:4

Ket dagiti dua a bekel ken ti taba iti lawlawda, nga adda iti abay dagiti lomo, ken ti culapot ti dalem, agraman dagiti beckel iccatennanto.

Levitico 4:31

Ket amin a tabana iccatennanto, cas pannacaiccat ti taba iti sacrificio dagiti datdaton a maipaay iti cappia; ket ti padi puurannanto iti rabaw ti altar, a nabanglo a sayamusom ken Jehova; ket ti padi aramidennanto a pacaabbonganna, ket mapacawanto.

Levitico 4:35

Ket amin a tabana iccatennanto, cas iti pannacaiccat ti taba ti cordero iti sacrificio dagiti datdaton a maipaay iti cappia; ket ti padi puurannanto ida iti rabaw ti altar, iti ngatoen dagiti datdaton a maaramid iti apuy ken Jehova ket ti padi aramidennanto a pacaabbonganna a maipanggep iti basolna a nacabiddutanna, ket mapacawanto.

Levitico 6:12

Ket ti apuy iti rabaw ti altar mabatinto a sidadarang idiay, daytoy dinto maiddep; ket ti padi sungsungrodannanto iti biniganbigat; ket icabilnanto a siuurnos iti rabawna ti daton a mapuuran, ket puurannanto idiay ti taba dagiti daton a maipaay iti cappia.

Levitico 7:28

Ket ni Jehova nakisao ken Moises, a kinunana,

Levitico 9:17

Ket indatagna ti daton a macan ket nangrakem itoy ket pinuuranna iti rabaw ti altar, a nayon ti daton a mapuuran ti bigat.

Numero 15:8

Ket no agsaganaca iti maysa a lalaki a vaca a maipaay a daton a mapuuran, wenno maipaay a maysa a sacrificio a pagtungpal iti cari, wenno maipaay a datdaton ti cappia ken Jehova;

Numero 18:17

Ngem ti inauna nga urbon ti maysa a vaca, wenno inauna nga anac ti carnero, wenno ti inauna ti maysa a calding, dicanto subsubboten; isuda nasantoanda: iwarsimto ti darada iti rabaw ti altar, ket puuramto ti tabada, a daton maaramid iti apuy a maipaay a nabanglo a sayamusom ken Jehova.

Numero 28:12

Ken tallo nga apagcasangapullo ti maysa nga efa ti namayecmec nga harina, a daton a macan a nalaocan iti lana, a nayon ti tunggal bumaro a vaca; ken dua nga apagcapullo ti namayecmec nga harina, nga agservi a daton a macan a nalaocan iti lana, a nayon ti maysa a carnero a lalaki:

Numero 28:3

Ket sica cunamto cadacuada, Daytoy ti daton a maaramid iti apuy nga irucbabyonto ken Jehova; corcordero a lallaki nga apagtawen, nga awan pilawda, dua iti inaldaw-aldaw iti maipaay a maysa a daton a mapuuran a cancanayon.

1 Pedro 2:5

Dacayo met, cas batbato a sibibiag, maibangoncayo a maysa a templo a naespirituan, nga agbalincayo a maysa a nasantoan a kinapadi; tapno idatonyo dagiti datdaton ti cararua, a macaay-ayo iti Dios, gapu ken Jesu-Cristo.