Levitico 26:9 - Ti Biblia (1973)

⁹ Ket patgencayto, ket parangayencayto, ken paaduencayto, ket ibuangayconto ti tulagco cadacayo.

Ti Baro a Naimbag a Damag Biblia

⁹ Bendisionankayto ket paraburankayto iti adu nga annak; tungpalekto ti karik iti tulagantayo.

Levitico 26:9 Iomraidhean Croise

Genesis 1:28

Ket ti Dios binendicionanna ida, ket ti Dios kinunana cadacuada, Agbungacayo, ket agaducayo, ket punnoenyo ti daga, agbalincayo nga Appo kencuana; ket iturayanyo dagiti ican ti taaw, ken dagiti tumatayab cadagiti langit, ken amin nga parsua a sibibiag nga aggaraw iti rabaw ti daga.

Genesis 17:20

Ket maipanggep ken Ismael, dinengngegca: adtoy, binendicionacon, ket aramidecto nga agbunga, ket pagaduecto iti dackel unay; sangapulo ket dua a pangpangolo putotennanto.

Genesis 22:17

Iti panangbendicion bendicionancanto, ket iti pammaadu, paaduecto ti putotmo cas cadagiti bitbitwen ti langit, ken cas iti darat nga adda iti igid ti baybay; ket ti putotmo cucuananto dagiti ruangan dagiti cabusorna;

Genesis 26:4

Ket pagaduecto ti putotmo a cas cadagiti bitbitwen ti langit, ket itedconto iti putotmo amin dagitoy a dagdaga; ket amin a nasnacion iti daga mabendicionandanto iti putotmo;

Genesis 28:14

Ket dagiti putotmo casdanto cadagiti taptapuc ti daga, ket agwarascanto iti laud, ken iti daya, ken iti amianan, ken iti abagatan: ket amin dagiti famfamilia ditoy lubong mabendicionandanto kenca ken cadagiti putotmo.

Genesis 28:3

Ket ti Dios a Mannacabalin amin bendicionannaca coma, ket pagbungaennaca, ket pagaduennaca tapno sica agbalinca a bunggoy dagiti inilin-ili;

Genesis 48:4

Ket kinunana caniac, Adtoy, pagbungaencanto, ket pagaduencanto, ket aramidencanto a maysa a bunggoy dagiti inilin-ili, ket itdecto daytoy a daga cadagiti putputotmo iti calpasam a tagicuaen nga agnanayon.

Genesis 6:18

Ngem siac bangonecto ti tulagco kenca; ket sumreccanto iti daong, sica ken dagiti annacmo a lallaki, ken ti asawam, ken dagiti assawa dagiti annacmo a lallaki a maicuyog kenca.

1 Ar-ari 3:8

Ket ti adipenmo adda iti tengnga ti ilim a pinilim, a maysa nga ili a dackel, nga isu ti saan a mabilangen ken mapocpoc agsipud iti kinaruay.

2 Ar-ari 13:23

Ngem ni Jehova naparabur idi cadacuada, ken nangngaasi cadacuada, ket impategna ida, a gapu iti tulagna cada Abraham, Isaac, ken Jacob, ket dina kinayat a dinadael ida, dina pinagtalaw ida iti sangona aginggana ita.

Nehemias 2:20

Idin sinungbatac ida, ket kinunac cadacuada, Ti Dios ti langit, parang-ayennacamto; gapuna a dacami nga ad-adipenna tumacdercami ken bangonenmi: ngem dacayo awanancayo iti biang, uray calintegan, uray pacalaglagipan, idiay Jerusalem.

Nehemias 9:23

Pinaadum met dagiti annacda a cas cadagiti bitbitwen ti langit, ket inserrecmo ida iti daga a nasaom cadagiti ammada, a sumrecda coma a mangtagicua ti dayta.

Dagiti Salmo 107:38

Isu bendicionanna met ida, tapno umaduda unay; ket saanna nga ituloc a macraayan dagiti an-animalda.

Dagiti Salmo 89:3

Nangaramidac iti tulag cadagiti pinilic, insapatac ken David nga adipenco:

Exodo 1:7

Ket dagiti annac ni Israel immaduda, ket wimmadwadda iti casta unay, ket nabungada ket nagbalinda a naglablabes iti pannacabalin; ket ti daga napusec cadacuada.

Exodo 2:25

Ket ti Dios minatmatanna dagiti annac ti Israel, ket ti Dios linagipna ida.

Exodo 6:4

Ket binuangayco met cadacuada ti tulagco a panangtedco cadacuada iti daga a Canaan, ti daga a nagnagnaanda, isu a naggangannaetanda.

Isaias 55:3

Yallingagyo ti lapayagyo, ken umaycayo caniac; dumngegcayo, ket ti cararuayo agbiagto: ket agaramidacto iti agnanayon a tulag cadacayo, nga isu dagiti di bumurong a panangngaasi a naicari ken David.

Jeremias 23:3

Ket urnongecto ti natda iti pangenco cadagiti amin a dagdaga a nangipaturongac cadacuada, ket iyegconto manen ida cadagiti pagaponanda; ket isuda dagiti nabunga nabungadanto ket umaduda.

Jeremias 23:4

Ket mangipasdecacto cadagiti paspastor cadacuada; isuda a mangtaraon cadacuada; ket saandanto nga agbutengen, wenno agcullayaw, ket awanto met ti agcurang, cuna ni Jehova.

Jeremias 33:3

Awagannac ken sungbatancanto, ket ipakitacto kenca dagiti dadackel a banbanag, ken naricut, isuda a saanmo nga ammo.

Ezekiel 16:62

Ket bangonecto ti tulagco kenca, ket mabigbigmonto a siac ni Jehova;

Ezekiel 36:9

Ta adtoy, siac bumoyogac cadacayo, ket agsubliacto cadacayo, ket mataloncayto ken mamulaancayo;

Levitico 26:15

Ket no iwacsiyonto dagiti nagbilinac, ket dagiti cararuayo guraenda dagiti bilbilinco, iti casta dicayo aramiden iti amin a bilbilenco, ngem labsingenyo ket di ti tulagco;

San Lucas 1:72

Tapno aramidenna ti asi cadagiti ammatayo, ken lagipenna iti nasantoan a pannakitulagna:

Deuteronomio 28:11

Ket ni Jehova aramidennacanto nga aglaplapusanan iti imbag, iti bunga ti bagim, ken iti bunga dagiti an-animalmo, ken iti bunga ti dagam, iti daga a ni Jehova insapatana cadagiti ammam, nga ited kenca.

Deuteronomio 28:4

Benditonto ti bunga ta bagim, ken ti bunga ti dagam, ken ti bunga dagiti an-animalmo, ti mainayon iti arbanmo, ken ti urbon ti arbanmo.

Deuteronomio 7:13

Ket isu ayatennacanto, ket bendicionannacanto, ken pagaduennacanto; casta met a bendicionannanto ti bunga ta bagim ken bunga ti dagam, ti bin-im, ken ti baro nga aracmo, ken ti lanam, ti nainayon cadagiti an-animalmo ken ti urbon ti pangenmo sadiay daga nga insapatana cadagiti ammam nga ited kenca.

Hebreo 8:9

Saan a cas iti tulag nga inaramidco cadagidi ammada Idi aldaw a panangibinco cadacuada, tapno iruarco ida idiay daga ti Egipto: Ket gapu ta saanda a nagtalinaed iti tulagco, Binaybay-ac ida, cuna ti Apo.