Levitico 26:6 - Ti Biblia (1973)

⁶ Ket itedconto ti talna iti daga, ket agiddacayto, ket awanto ti pagbutnganyo; pucawecto dagiti narungsot nga an-animal iti daga, dinto met lumabas ti campilan iti dagayo.

Ti Baro a Naimbag a Damag Biblia

⁶ “Agturayto ti kappia iti daga ket mabalinyonto ti maturog nga awan ti pagbutnganyo. Pukawekto dagiti narungsot nga animal iti daga ket awanton ti gubat sadiay.

Levitico 26:6 Iomraidhean Croise

2 Ar-ari 2:24

Ket isu timmaliaw ket nakitana ida, ket inlunodna ida iti nagan ni Jehova. Ket dua nga oso a cabaeyan rimmuarda iti bakir, ket pinisangpisangda ti uppat a pulo ket dua nga ubbing cadacuada.

1 Cronicas 22:9

Adtoy, maysa nga anac a lalaki ti maipasngayto kenca, nga isunto ti maysa a lalaki ti inana ket itdecto kencuana ti inana cadagiti amin a nagannato cabcabusorna iti agli Salomon, ket itdecto ti talna ken talingenngen iti Israel cadagiti al-aldawna.

2 Cronicas 20:30

Iti casta ti pagturayan ni Josafat natalna idi; ta ti Diosna intedna kencuana ti talna iti aglicmut.

Ti Libro ni Job 11:19

Casta met nga agiddacanto, ket awanto ti mamagbuteng kenca; wen, adunto ti agararaw kenca.

Ti Libro ni Job 5:23

Ta makisinggalutcanto cadagiti batbato iti away; ket dagiti an-animal iti away naamodanto kenca.

Dagiti Salmo 144:14

No dagiti vacvacami namusecsecdan; no awanen ti isasari ken itatacyas, ken awanen ti riaw cadagiti calcalsadatayo:

Dagiti Salmo 147:14

Patalnaenna iti uneg dagiti beddengmo: pusekennaca iti cababagasan a trigo.

Dagiti Salmo 29:11

Ni Jehova itednanto ti pigsa cadagiti tattaona; ni Jehova paraburannanto iti cappia ti ilina.

Dagiti Salmo 3:5

Nagiddaac ket nacaturogac; nagriingac; ta ni Jehova saranayennac.

Dagiti Salmo 4:8

Sitatalnaac nga agpadpada iti panagiddacto ken iti pannaturogco: ta sica, Jehova, sicsica laeng ti mangisaad caniac iti kinatalged.

Dagiti Salmo 85:8

Denggecto ti saoen ni Jehova a Dios; ta agsaonto iti cappia iti ilina, ken cadagiti sasantosna: ngem saanda cadi a sumublin iti kinamaag.

Exodo 23:29

Diacto pagtalawen ida iti imatangmo iti maymaysa a tawen, di la ket ta agbalin ti daga nga ungaong ket dagiti an-animal ti away umaduda a bumusor kenca.

Dagiti Proverbio 3:24

Intono agiddaca, dicanto agbuteng: wen, agiddacanto, ket ti turogmo nasam-itto.

Dagiti Proverbio 6:22

No magnaca, idalannacanto; no maturogca, agbantayto kenca; ket no macariingca, makisaritanto kenca.

Isaias 35:8

Ket addanto idiay ti maysa a calsada, ken maysa a dalan, ket managanto Iti dalan ti kinasanto; ti saan a nadalus saanto a magna kencuana; no di ket isu maipaayto iti nasubbot; dagiti agbariwas a tattao, wen tattao a maag, didanto mayawawan idiay.

Isaias 35:9

Awan ti leon nga agyanto idiay, awan met ti narungsot nga animal a sumang-at idiay: saandanto a masaracan idiay; no di ket ti nasubbot magnanto idiay:

Isaias 45:7

Siac parnuayec ti lawag, ken parsuaec ti sipnget; aramidec ti talna ket parsuaec ti pacdacsan; siac ni Jehova a mangaramid amin cadagitoy.

Isaias 9:7

Ti idadackel ti panangiturayna ken ti cappia awanto ti inggana, iti trono ni David, ken iti pagarianna, tapno bangonenna, ken salimetmetanna babaen iti kinajusticia ken kinalinteg manipud ita ken iti agnanayon. Ti regta ni Jehova dagiti buybuyot ti mangaramidto iti daytoy.

Jeremias 30:10

Gapuna a saanca nga agbuteng, O adipenco a Jacob, cuna ni Jehova; dica met agcullayaw, O Israel: ta, adtoy, isalacancanto manipud iti adayu, ken dagiti capuonam manipud iti daga ti pannacacayawda; ket ni Jacob agsublinto, ket aginananto ken agtalnanto, ket awanto ti mangpabuteng kencuana.

Jeremias 31:26

Ket iti daytoy nagriingac, ket kimmitaac; ket ti turogco nasamit caniac.

Ezekiel 14:15

No siac palabasec dagiti narungsot nga an-animal iti daga, ket isu dadaelenda, ket malangalang, tapno awan ti tao a macalabas a gapu cadagiti an-animal:

Ezekiel 14:17

Wenno no yegco coma ti campilan iti rabaw ti daga, ket cunac, Campilan, lumabasca iti daga; tapno pucawec kencuana dagiti tao ken animal;

Ezekiel 14:21

Ta castoy ti cuna ni Apo Jehova: Anian a nacarcaro pay intono ipawitco dagiti uppat a nasaem a panangocomco iti Jerusalem, ti campilan, ti bisin, ti narungsot nga animal, ken ti angol, tapno pucawec kencuana dagiti tao ken animal!

Ezekiel 34:25

Ket mangaramidacto cadacuada iti maysa a tulag ti cappia, ket pasardengecto dagiti dakes nga an-animal iti daga; ket agnaeddanto a sitatalged iti let-ang, ken maturog iti bakir.

Ezekiel 34:27

Ket ti cayo iti away mangtedto iti bungana, ket ti daga mangtedto ti rang-ayna, ket sitatalgeddanto iti dagada; ket mabigbigdanto a siac ni Jehova, intono bungtolec dagiti balunet ti sangolda, ken luc-atac ida iti ima dagidiay a nangpatagabu cadacuada.

Ezekiel 5:17

Ket ibaonconto cadacayo ti bisin ken dakes nga animal, a mangpaulila kenca; ken angol ken ti dara nga aglasatto kenca; ket iyegconto ti campilan kenca: Siac, ni Jehova, sinaoc daytoy.

Oseas 2:18

Ket iti dayta nga aldaw mangaramidacto iti maysa a tulag a maipaay cadacuada cadagiti an-animal ti tay-ac, ken cadagiti tumatayb ti tangatang ken cadagiti agcarayam ti daga; dadaelecto ti ba-i ken ti campilan ken ti panagbabacal iti daga, ket pagiddaecton ida a sitatalged.

Oseas 2:20

Ta makiasawacanto caniac iti kinamatalec: ket mabigbigmonto ni Jehova.

Levitico 25:18

Isu ti gapuna a tungpalenyonto dagiti bilbilinco, ket salimetmetanyonto dagiti ipaalagadco ken sungputenyo ida; ket agtalinaedcayto a sitatalged iti daga.

Levitico 25:19

Ket ti daga itednanto ti bungana, ket mangancayto nga agpennec, ket agnaedcayto a sitatalged idiay.

Levitico 26:22

Ket ibaonconto iti nagtenggaanyo dagiti an-animal a narungsot iti tay-ac a mangtacaw cadacayo cadagiti annacyo, ken mangdadael cadagiti an-animalyo, ken mangpabassitto iti bilangyo; ket dagiti dalanyo agbalindanto a langalang.

Levitico 26:25

Ket yegconto cadacayo ti maysa a campilan a mangtungpal ti ibales ti tulag; ket dacayo aggoommungcayto nga agtitipon iti uneg ti iliyo: ket siac ibaonconto cadacayo ti angol; ket dacayo mayawatcayto iti ima ti cabusor.

Levitico 26:7

Ket camatenyonto dagiti cabusoryo, ket isuda mapasagdanto iti sangoyo, gapu iti campilan.

Mikias 4:4

Ngem agtugawdanto tunggal maysa a tao iti siroc ti cayona nga uvas ken iti siroc ti cayona nga higos; ket awanto ti mangpabuteng cadacuada: ta ti ngiwat ni Jehova dagiti buybuyot sinaona.

Sofonias 3:13

Ti matda ti Israel didanto agaramid iti kinadakes, didanto met agsao cadagiti ul-ulbod; ti naulbod a dila saanto met a masaracan iti ngiwatda: ta isuda agtaraondanto ken agiddadanto, ket awanto ti mangpabuteng cadacuada.

Haggeo 2:9

Ti maud-udi a dayag daytoy a balay dacdackelto ngem iti immununa, cuna ni Jehova dagiti buybuyot; ket iti daytoy a disso mangtedacto iti talna, cuna ni Jehova dagiti buybuyot.

Zacarias 9:10

Ket siac iccatecto ti lugan iti Efraim, ken ti cabayo iti Jerusalem; ket ti ba-i a pakigubat maiccatto; ket isu saoennanto ti cappia cadagiti nasnacion; ket ti pagturayannanto manipud iti taaw agingga iti taaw, ken manipud iti Carayan agingga cadagiti pungto ti daga.

San Juan 14:27

Ti talna ibatic cadacayo, ti talnac itdec cadacayo: saan a cas iti panangited ti lubong ti panangitedco cadacayo. Saan coma nga agpulcoc ti pusoyo ken di agbuteng.

Dagiti Aramid 12:6

Ket idi ngannganin alaen coma ni Herodes, daydi met laeng a rabii adda ni Pedro a matmaturog a sicacawar iti nagtengngaan dagiti dua a soldado, ket dagidi guardia addada iti sangoanan ti ruangan a bantayanda ti pagbaludan.

Taga-Roma 5:1

Idinto ngarud a mapalintegtayo gapu iti pammati, addaantayo ti pannakicappia, iti Dios, gapu ken Apotayo a Jesu-Cristo: