Levitico 26:5 - Ti Biblia (1973)

⁵ Ket ti panagbayoyo madanunanto ti panagburas iti uvas, ket ti panagburasyo madanunnanto ti panagipurruac; ket mangancayto nga agpennec iti taraonyo, ket agbiagcayto a sitatalged iti daga.

Ti Baro a Naimbag a Damag Biblia

⁵ Nawadwadto ti apityo ket agap-apitkayto pay laeng iti trigo uray no panagburasen iti ubas; agburburaskayto pay laeng iti ubas uray no panagmumulan iti trigo. Addanto amin a taraon a kayatyo a kanen ket natalgedto ti panagbiagyo iti dagayo.

Levitico 26:5 Iomraidhean Croise

Dagiti Salmo 144:13

No dagiti camaligmi napnodan, a maipaaydan ti aniaman a kita ti penpen, ket dagiti carneromi pasngayendan ti rinibu ken pinullo a ribu cadagiti awawaymi;

Dagiti Salmo 90:1

Apo, sica ti nagtataenganmi cadagiti amin a capcaputotan.

Exodo 16:8

Ket ni Moises kinunana, Daytoy ti maaramidto, no iccannacayonto ni Jehova no rumabii iti lasag a macan, ken iti bumigat ti tinapay a cacapnec; gapu ta ni Jehova mangngegna dagiti dandanengdengyo a panangdanengdengyo iti maicaniwas kencuana: ket siasinocami aya? dagiti tantanabutobyo saanda a maicaniwas cadacami no di ket maicaniwas ken Jehova.

Dagiti Proverbio 1:33

Ngem siasinoman a mangipangag caniac agtalinaedto a sitatalged, ket sitatalnanto nga awan butengna iti dakes.

Dagiti Proverbio 18:10

Ti nagan ni Jehova nabileg a sarikedked; ti nalinteg agcamang kencuana, ket maisalacan.

Isaias 1:19

No agmayatcayo ken agtulnogcayo, canenyonto ti caimbagan iti daga:

Isaias 30:23

Ket isu itednanto ti tudo a maipaay iti bin-im nga imulamto iti daga; ket ti tinapay agtaud iti bunga ti daga, ket isunto ti nalucmeg ken nawadwad. Iti dayta nga aldaw agarabto dagiti animalmo cadagiti nalawa a pagaraban;

Jeremias 23:6

Cadagiti al-aldawna ti Juda maisalacanto, ket ti Israel agnaedto nga awan peggad; ket daytoy ti naganna a pangawagto kencuana: Jehova a kinalintegtayo.

Oseas 2:18

Ket iti dayta nga aldaw mangaramidacto iti maysa a tulag a maipaay cadacuada cadagiti an-animal ti tay-ac, ken cadagiti tumatayb ti tangatang ken cadagiti agcarayam ti daga; dadaelecto ti ba-i ken ti campilan ken ti panagbabacal iti daga, ket pagiddaecton ida a sitatalged.

Oseas 2:20

Ta makiasawacanto caniac iti kinamatalec: ket mabigbigmonto ni Jehova.

Joel 2:19

Ket ni Jehova simmungbat ket kinunana iti ilina, Adtoy, ipawitconto cadacayo ti bukel, ken baro nga arac, ken lana, ket mapneccayto cadacuada; ket saancayto a pabainanen iti nagtengaan dagiti nasnacion;

Joel 2:22

Dicayo agbuteng, dacayo an-animal ti tay-ac; ta dagiti pagpaaraban iti let-ang lumangtoda, ta ti cayo agbunga, ti cayo ti higos ken uvas pumigsada.

Joel 2:26

Ket mangancayto a nawadwad ket mapneccayto, ket daydayawenyonto ti nagan ni Jehova a Diosyo, isu a nagaramid iti nacascasdaaw cadacayo; ket ti ilic saanton a mapabainan uray caanoman.

Amos 9:13

Adtoy, dumteng dagiti al-aldaw, cuna ni Jehova, a ti agararado macamacamnanto ti agapit ket iti agpayatpayat cadagiti uv-uvas camacamenna ti agbunobon; ket dagiti banbantay itedteddanto ti nasam-it nga arac, ket amin dagiti turturod matunawdanto.

San Mateo 23:37

O Jerusalem, Jerusalem a mamapatay cadagiti mammadto, ken mangubor cadagiti maibaon kenca! Naminano a kinayatco nga urnongen coma dagiti annacmo, a cas iti maysa nga upa urnongenna dagiti piecna iti siroc dagiti payacna, ket dica kinayat!

Dagiti Aramid 14:17

Ngem saanna a binaybay-an nga awan macasacsi kencuana, a nagararamid ti imbag, ken iniccannacayo cadagiti tudtudo ti langit, ken nabunga a tiempo, a pinunnona dagiti puspusoyo ti taraon ken ragsac.

Deuteronomio 11:15

Ket itedconto ti root iti taltalonmo nga agservi iti an-animalmo, ket mangancanto ket maneccanto.

1 Timoteo 6:17

Cadagiti nabacnang itoy lubong ibilinmo cadacuada a dida agtangtangsit, ket dida met imaldit ti inanamada cadagiti kinabacnang a pagduaduaan, no di ket iti Dios. Isu a mangted cadatayo iti nawadwad cadagiti isu-amin a pagnam-ayantayo;

1 Pedro 1:5

A gapu iti pannacabalin ti Dios maaywanancayo, gapu iti pammati, a maipaay iti pannacaisalacan, a sisasagana tapno maiparangarang iti camaudianan nga aldaw.