Levitico 26:44 - Ti Biblia (1973)

⁴⁴ Ket nupay casta amin dagita, idinto nga addada iti daga dagiti cabcabusorda diacto iwacsi ida, diacto met cauma ida, tapno rebbekec ida nga italipupos, ken tapno mawara ti tulagco cadacuada; ta siac ni Jehova a Diosda;

Ti Baro a Naimbag a Damag Biblia

⁴⁴ Ngem uray no kasta, diakto baybay-an wenno dadaelen a mamimpinsan ida bayat ti kaaddada pay laeng iti daga dagiti kabusorda. Ta no kasta ti mapasamak, mawaswas ti pannakitulagko kadakuada. Siak ni Yahweh a Diosda.

Levitico 26:44 Iomraidhean Croise

Genesis 17:7

Ket buangayecto ti pagtaluganta, ken cadagiti putotmo iti calpasam, bayat dagiti caputotanda, nga agnanayon a nomo, tapno siac ti Diosmo ken Dios dagiti putotmo iti calpasam.

2 Ar-ari 13:23

Ngem ni Jehova naparabur idi cadacuada, ken nangngaasi cadacuada, ket impategna ida, a gapu iti tulagna cada Abraham, Isaac, ken Jacob, ket dina kinayat a dinadael ida, dina pinagtalaw ida iti sangona aginggana ita.

Nehemias 9:17

Ket indianda ti nagtulnog, dida linagip dagiti datdatlagmo nga inaramidmo iti tengngada, no di ket pinatangkenda ti teltelda, ket iti isusukirda nangdutocda iti maysa a capitan tapno agsublida iti kinabag-en. Ngem sica ti maysa a Dios a nadadaan a mamacawan naparabur ken manangngaasi, natanang nga agpungtot ken nawadwad iti kinamanangngaasi, ket dica indian ida.

Nehemias 9:31

Nupay casta iti nawadwad a caasim dica ginibus ida, dica met indian ida; ta sica ti naparabur ken manangngaasi a Dios.

Dagiti Salmo 103:13

Cas panangngaasi ti maysa nga ama cadagiti annacna, casta ti panangngaasi ni Jehova cadagiti agbuteng kencuana.

Dagiti Salmo 89:33

Ngem ti kinamanagayatco diacto talipupusen nga iccaten kencuana, diacto met bayan iti kinamatalecco nga agcurang.

Dagiti Salmo 94:14

Ta ni Jehova dinanto ipalladaw ti ilina, dinanto met baybay-an ti patawidanna.

Jeremias 14:21

Dinacami guraen, gapu iti naganmo; dica ibabain ti trono ti dayagmo: lagipem, coma saanmo a dadaelen ti tulagmo cadacami.

Jeremias 24:5

Castoy ti cuna ni Jehova, a Dios ti Israel: Cas cadagitoy nasayaat nga higos, casta ti panangibilangconto cadagiti nacayawan iti Juda, dagidiay pinaruarco ditoy a disso nga impan iti daga dagiti Caldeos a maipaay iti pagimbagan.

Jeremias 30:11

Ta siac addaac kenca, cuna ni Jehova, tapno isalacanca: ta uray no aramidec ti naananay a panungpalan dagiti amin a nacion isuda a nangiwarawaraac kenca, nupay casta saanconto nga aramiden ti naananay a panungpalam; ngem babalawencanto a cas maiparbeng, ket uray casano saancanto a baybay-an a saan a madusa.

Jeremias 31:20

Ni Efraim aya ti ay-ayatec nga anacco? isu aya ti dong-dongngoen nga anac? ta no maminano nga agsaoac iti maibusor kencuana, sipapasnecac pay laeng a manglagip kencuana: gapuna a ti pusoc mailiw kencuana; kinapudnona addanto caasic kencuana, cuna ni Jehova.

Jeremias 33:26

Iti casta ibellengconto metten ti capuonan ni Jacob, ken ni David nga adipenco, tapno saanco nga alaenen ti capuonanna nga agturay iti capuonan da Abraham, Isaac ken Jacob ta pagbaliwecto ti pannacacayawda ken mangaasiacto cadacuada.

Ezekiel 16:60

Nupay casta lagipecto ti intulagco kenca cadagiti aldaw ti kinaubingmo, ket bangonecto kenca ti maysa a tulag nga agnanayon.

Levitico 26:11

Ket icabilconto iti nagtengngaanyo ti tavernaculoc: ket ti espirituc dinacayto carimon.

Taga-Roma 11:2

Saan a pinagtalaw ti Dios dagiti tattaona, a nailasinna idi. Saanto nga ammo aya ti cuna ti Surat a maipapan ken Elias? no casano ti panagasugna iti Dios a maicaniwas iti Israel, a cunana:

Taga-Roma 11:26

Ket iti casta isu-amin nga Israel maisalacanto, a cas iti naisurat: Aggapunto idiay Sion ti Manluc-at; Iyadayonanto ken Jacob dagiti kinadakes:

Uk-ukom 2:1

Ket ti angel ni Jehova simmang-at manipud iti Gilgal agingga ti Boquim, ket kinunana, Siac pinasang-atcayo manipud Egipto, ket inyegcayo iti daga nga insapatac idi cadagiti ammayo; ket kinunac, Diacto dadaelen uray caano ti tulagco cadacayo: