Levitico 26:42 - Ti Biblia (1973)

⁴² Malagipconto ngarud ti tulagco ken Jacob; ken casta met ti tulagco ken Isaac, ken casta met ti tulagco ken Abraham malagipconto; ket malagipconto ti daga.

Ti Baro a Naimbag a Damag Biblia

⁴² lagipekto ti tulagko kada Jacob, Isaac ken Abraham ket pabaroekto ti karik nga itedko ti daga kadagiti tattaok.

Levitico 26:42 Iomraidhean Croise

Genesis 15:18

Iti daydiay nga aldaw inaramid ni Jehova ti maysa a tulag ken Abram a cunana, Iti putotmo intedcon daytoy a daga manipud iti carayan ti Egipto, inggana iti carayan a dackel, ti carayan nga Eufrates:

Genesis 26:2

Ket ni Jehova nagparang kencuana, ket kinunana, Dica sumalog idiay Egipto; agtaengca iti daga nga ibagacto kenca:

Genesis 26:24

Ket ni Jehova nagparang kencuana iti daydi met la a rabii, ket kinunana, Siac ti Dios ni Abraham nga amam: dica agbuteng, ta siac addaac kenca, ket bendicionancanto, ket paaduecto ti putotmo maipuon ken Abraham nga adipenco.

Genesis 26:5

Gapu ta ni Abraham impangagna ti timecco, ket tinungpalna ti patigmaanco, dagiti bilbilinco, dagiti pagalagadac ken linlintegco.

Genesis 28:13

Ket, adtoy, ni Jehova nagtacder iti rabawna ket isu kinunana, Siac ni Jehova, a Dios ni Abraham, nga amam, ken ti Dios ni Isaac: ti daga a nagiddaam itdecto kenca ken cadagiti caputotam;

Genesis 28:15

Ket, adtoy, addaac kenca, ket aywanamanto iti uray sadino a papanam, ket isublicanto ditoy a daga; ta dicanto baybayan, agingga iti diac matungpal ti sinaoc kenca.

Genesis 35:11

Ket ti Dios kinunana kencuana, Siac ti Dios a Mannacabalin amin: agbungaca ket umaduca; ti maysa a nacion ken maysa bunggoy dagiti nasnacion agtauddanto kenca, ket ar-ari agtauddanto iti lasagmo;

Genesis 35:12

Ket ti daga nga intedco ken Abraham ken Isaac, itdecto kenca, ken cadagiti putotmo iti calpasam itdecto ti daga.

Genesis 9:15

Ket lagipecto ti tulagco, nga adda caniac ken cadacayo, ken iti tunggal parsua a sibibiag nga addaan lasag; ket dagiti danum didanto agbalinen a layus tapno mangpucaw iti amin a lasag.

Genesis 9:16

Ket ti bullalayaw addanto iti ulep; ket kitaecto tapno pacalaglagipac ti agnanayon a tulag iti Dios ken amin a parsua a sibibiag nga addaan lasag iti rabaw ti daga.

Ester 4:14

Ta no agtalnaca a maminpinsan itoy a tiempo, no casta ti bang-ar ken ti pannacaispal bumangonto cadagiti Judios manipud iti sabali a disso, ngem sica ken ti balay ni amam mapucawcayto: ket asino ti macaammo a sica dica mayeg iti pagarian a maipaay iti casta a tiempo a cas itoy?

Dagiti Salmo 106:45

Ket linagipna a maipaay cadacuada ti tulagna, ket nagbabawi cas mayalubog iti caadu dagiti kinamanangngaasina.

Dagiti Salmo 136:23

Daydiay nanglagip cadatayo iti daydi casasaadtayo a nababa; ta ti kinamanagayatna agnanayon:

Exodo 2:24

Ket ti Dios dinengngegna ti sasainnecda, ket ti Dios linagipna ti tulagna ken Abraham, ken Isaac, ken Jacob.

Exodo 6:5

Casta met dinengngegco ti sainnec dagiti annac ti Israel, a dagiti Egipcios ad-adipnenda ida; ket linagipcon ti tulagco.

Isaias 14:1

Ta ni Jehova addanto caasina ken Jacob, ken pilienna pay ti Israel, ken pagtaengenna ida iti dagada met laeng: ket ti gangannaet tumiponto cadacuada, ket makicadduadanto iti balay ni Jacob.

Ezekiel 16:60

Nupay casta lagipecto ti intulagco kenca cadagiti aldaw ti kinaubingmo, ket bangonecto kenca ti maysa a tulag nga agnanayon.

Joel 2:18

Idin ni Jehova naimon gapu iti dagana, ket kinaasianna ti ilina.

San Lucas 1:72

Tapno aramidenna ti asi cadagiti ammatayo, ken lagipenna iti nasantoan a pannakitulagna:

Deuteronomio 4:31

Ta ni Jehova a Diosmo isu ti Dios a manangngaasi; dinacanto baybay-an wenno dadaelen, wenno lipaten ti tulag dagiti ammam, isu a nangisapata cadacuada.

Deuteronomio 9:27

Laglagipem da adipenmo nga Abraham, Isaac ken Jacob; dica taliawen ti kinasungit daytoy nga umili, wenno ti kinadakesda, wenno ti basolda.

Uk-ukom 2:1

Ket ti angel ni Jehova simmang-at manipud iti Gilgal agingga ti Boquim, ket kinunana, Siac pinasang-atcayo manipud Egipto, ket inyegcayo iti daga nga insapatac idi cadagiti ammayo; ket kinunac, Diacto dadaelen uray caano ti tulagco cadacayo: