Levitico 26:4 - Ti Biblia (1973)

⁴ Itedconto ngarud dagiti tudo cadagiti carbenganda, ket ti daga pataudennanto ti apit, ket dagiti caycayo iti bangcag agbungadanto.

Ti Baro a Naimbag a Damag Biblia

⁴ pagtudoekto iti umisu a panawen tapno adda maapit iti daga ken agbunga dagiti kayo.

Levitico 26:4 Iomraidhean Croise

1 Ar-ari 17:1

Ket ni Elias a Tisbita, isu a maysa cadagiti agyan sadi Galaad, kinunana ken Acab, Cas ni Jehova, a Dios ti Israel sibibiag, nga ti sangona agtatacderac, awanto ti linnaaw uray tudo cadagitoy a tawtawen, no saan laeng a mayannurot iti saoc.

Ti Libro ni Job 5:10

Isu a mangted ti tudo iti daga, ken agbaon ti dandanum iti rabaw ti taltalon;

Dagiti Salmo 104:13

Isu siboganna dagiti banbantay manipud cadagiti silsiledna: ti daga mapno iti bunga dagiti gapuanam.

Dagiti Salmo 67:6

Ti daga pinaaduna ti apit: ti Dios, ti met laeng Diostayo, bendicionannatayto.

Dagiti Salmo 67:7

Ti Dios bendicionannatayto; ket amin dagiti pungto ti daga agbutengdanto kencuana.

Dagiti Salmo 68:9

Sica, O Dios, nangibaonca iti naruay a tudo, pinatalgedam ti pinatawidam idi a nabannogan.

Dagiti Salmo 85:12

Wen, ni Jehova itdennanto ti naimbag; ket ti dagatayo pataudennanto ti bungana.

Dagiti Salmo 85:13

Ti kinalinteg magnanto iti sangoananna, ket pagbalinennanto a dana dagiti tugtugotna.

Isaias 30:23

Ket isu itednanto ti tudo a maipaay iti bin-im nga imulamto iti daga; ket ti tinapay agtaud iti bunga ti daga, ket isunto ti nalucmeg ken nawadwad. Iti dayta nga aldaw agarabto dagiti animalmo cadagiti nalawa a pagaraban;

Isaias 5:6

Ket baybay-acto a madadael; saanto a maparaspasan ket di-met magabion; no di ket pagtuboanto dagiti cascasumba ken calcalunay: ket ibilinconto met cadagiti ul-ulep tapno dida tinnagan iti tudo iti rabawna.

Jeremias 14:22

Adda aya aniaman cadagiti kinaubbaw dagiti nasnacion a macapatudo? wenno mabalin aya dagiti langlangit ti mangted cadagiti ar-arbis? saan aya a sica dayta, O Jehova a Diosmi? gapuna dacami urayendacanto; ta sica inaramidmo amin dagitoy a banbanag.

Ezekiel 36:30

Ket paaduecto ti bunga ti cayo, ken ti nayon ti talon, tapno saanyo nga awatenen coma ti umsi ti bisin cadagiti nasnacion.

Joel 2:22

Dicayo agbuteng, dacayo an-animal ti tay-ac; ta dagiti pagpaaraban iti let-ang lumangtoda, ta ti cayo agbunga, ti cayo ti higos ken uvas pumigsada.

Levitico 25:19

Ket ti daga itednanto ti bungana, ket mangancayto nga agpennec, ket agnaedcayto a sitatalged idiay.

Levitico 25:21

No casta ibaonconto ti bendicionco cadacayo iti maicanem a tawen, ket agbunganto iti maipaay cadagiti tallo a tawen.

Zacarias 8:12

Ta addanto bin-i ti talna; ti uvas itednanto ti bungana, ket ti daga itednanto ti apitna, ket dagiti langlangit iteddanto ti linnaawda; ket pagtawidecto ti matda iti daytoy nga ili cadagitoy amin a banbanag.

San Mateo 5:45

Tapno annacnacayo ni Amayo nga adda sadi langit, ta paruarenna ti initna cadagiti dakes ken cadagiti naimbag ket pagtudoenna cadagiti nalinteg ken nakil-lo.

Dagiti Aramid 14:17

Ngem saanna a binaybay-an nga awan macasacsi kencuana, a nagararamid ti imbag, ken iniccannacayo cadagiti tudtudo ti langit, ken nabunga a tiempo, a pinunnona dagiti puspusoyo ti taraon ken ragsac.

Deuteronomio 11:13

Ket maaramidto a no imdenganyo a sigagaget dagiti bibilinco nga ibilinco cadacayo itoy nga aldaw, tapno ayatenyo ni Jehova a Diosyo, ken agservicayo kencuana iti isu-amin a pusoyo, ken amin a cararuayo,

Deuteronomio 11:14

Iti casta itedconto ti tudo iti catutupanna nga aldaw iti dagayo, ti masapa ken ti maladaw a tudo, tapno mabalinmo nga occonen dagiti iricmo, ken ti aracmo a baro, ken ti lanam.

Deuteronomio 28:12

Ni Jehova luctannanto kenca ti nasayaat a gamengna a dagiti langlangit, a mangted iti tudo iti dagam no tiempona, ken mangbendicion iti amin a gapuanan ta imam: ket sica agpautangcanto cadagiti adu a nasnacion, ket sica dicanto umut-utang.

Santiago 5:7

Aganuscayo coma ngarud, cacabsat, nga agingga iti iyaay ti Apo. Adtoy, ti agtaltalon urayenna ti napateg a bunga ti daga idinto nga ur-urayenna a siaanus, agingga iti panangawatna iti tudo a nasapa ken ti naladaw.

Paltiing 11:6

Dagitoy adda pannacabalinda a mangrikep iti langit, tapno saan a tumudo iti bayat dagiti aldaw ti panagpadtoda; ket adda pannacabalinda cadagiti dandanum, tapno pagbalinenda ida a dara, ken tapno saplitenda toy daga iti isu-amin a kita ti rigat, uray mano a daras ti cayatda.