Levitico 26:25 - Ti Biblia (1973)

²⁵ Ket yegconto cadacayo ti maysa a campilan a mangtungpal ti ibales ti tulag; ket dacayo aggoommungcayto nga agtitipon iti uneg ti iliyo: ket siac ibaonconto cadacayo ti angol; ket dacayo mayawatcayto iti ima ti cabusor.

Ti Baro a Naimbag a Damag Biblia

²⁵ No salungasingenyo ti tulagantayo, yegkonto ti gubat a pangdusak kadakayo; no agkamangkayo kadagiti siudadyo, mangyegakto kadagiti sakit a di maagasan ket kapilitanto a sumukokayo kadagiti kabusoryo.

Levitico 26:25 Iomraidhean Croise

2 Samuel 24:15

Iti casta ni Jehova imbaonna ti maysa nga angol iti Israel nanipud iti bigat inggana met laeng iti tiempo a nadutocan; ket natayda cadagiti tattao nanipud Dan agingga met laeng iti Beerseba ti pitopulo ribu a tattao.

1 Ar-ari 8:33

No ti ilim nga Israel macabil iti sango ti cabusor, ta isuda nagbasolda iti maicaniwas kenca, no isuda agsublida kenca, ket ipudnoda ti naganmo, ket cumararagda ken umararawda kenca ditoy a balay:

1 Ar-ari 8:37

No addanto bisin iti daga, no addanto angol, no addanto eppes, wenno buot, dudon, wenno arabas; no dagiti cabusorda linacubda ida iti daga dagiti il-ilida; aniaman a pannaplit, aniaman a sakit nga adda;

2 Ar-ari 17:3

Ni Salmanasar nga ari sadi Asiria simmang-at a maibusor kencuana: ken ni Oseas nagbalin nga adipenna, ket nagbubuis kencuana.

2 Cronicas 24:24

Ta ti buyot dagiti Sirios immay a bassit a bunggoy dagiti tattao; ket ni Jehova inyawatna ti dackel unay a buyot cadagiti imada, gapu ta binay-anda ni Jehova, a Dios dagiti ammada. Iti casta tinungpalda ti panangocom ken Joas.

Dagiti Salmo 94:1

O Jehova, sica Dios a makinbiang iti pammales, sica Dios a makinbiang iti pammales, agraniagca.

Exodo 5:3

Ket isuda kinunada, Ti Dios dagiti Hebreos nasaracnacamin: dawatenmi kenca, palubosannacami, iti tallo nga al-aldaw a magmagna cami coma iti let-ang, ket agidatoncaminto ken Jehova a Diosmi; di la ket ta itinnagna cadacami ti angol wenno campilan.

Isaias 1:20

Ngem no paayenyo ken sumukircayo, maalun-uncayto iti campilan; ta ti ngiwat ni Jehova insaona.

Isaias 65:12

Isignocayto iti campilan, ket dacayo agrucnoycayto iti pannacapapatay; agsipud ta idi immayabac, dicayo simmungbat; idi nagsaoac, dicayo impangag; no di ket inaramidyo daydiay dakes cadagiti matac, ket piniliyo daydiay diac pagragsacan.

Jeremias 19:7

Ket paubbawecto ti pammagbaga ti Juda ken Jerusalem ditoy a disso; ket pagpasagecto ida iti campilan iti sangoanan dagiti cabusorda, ken iti ima dagidiay agsapul iti biagda: ket dagiti bangcayda itedconto a pagtaraon cadagiti tumatayab ti langit ken cadagiti animal ti daga.

Jeremias 24:10

Ket ibaonconto ti campilan, ti bisin, ken ti angol, iti nagtengngaanda, agingga iti maibusda iti daga nga intedco cadacuada ken cadagiti ammada.

Jeremias 50:28

Ti timec dagidiay nga agtaray ken agtalaw iti daga a Babilonia, tapno maiwarragawag idiay Sion ti panangibales ni Jehova a Diostayo, ti pannacaibales ti templona.

Jeremias 51:11

Patademenyo dagiti pana, iggamanyo a nalaing dagiti calasag: ni Jehova tinignaynan ti nakem dagiti ar-ari dagiti Medos: ta ti panggepna maibusor iti Babilonia, tapno dadaelenna; ta isu ti panangibales ni Jehova, ti pannacaibales ti templona.

Jeremias 9:16

Iwarawaracto met ida cadagiti nasnacion, nga uray isuda wenno dagiti ammada saanda a naammoan, ket pacamatacto ida ti campilan iti licudanda agingga iti maibusco ida.

Dungdung-aw 2:21

Ti ubing ken ti lacay agpasagda iti daga cadagiti lanlansangan; dagiti babbalasangco ken babbaroc mapasagda babaen ti campilan: pinataymo ida idi aldaw ti pungtotmo; rinucrucmo, ket dica kinaasian.

Ezekiel 14:17

Wenno no yegco coma ti campilan iti rabaw ti daga, ket cunac, Campilan, lumabasca iti daga; tapno pucawec kencuana dagiti tao ken animal;

Ezekiel 20:37

Ket paglasatencayto iti baba ti sarucod, ket yegcayto iti singgalut ti tulag;

Ezekiel 29:8

Gapuna castoy ti cuna ni Apo Jehova: Adtoy, yegconto ti campilan kenca, ket pucawecto kenca ti tao ken animal.

Ezekiel 33:2

Anac ti tao, agsaoca cadagiti annac ti ilim, ket cunam cadacuada, Intono yegco ti campilan iti daga, ket dagiti tattao ti daga mangalada iti maysa a lalaki iti nagtengngaanda, ket isu isaadda nga agbantay cadacuada.

Ezekiel 5:17

Ket ibaonconto cadacayo ti bisin ken dakes nga animal, a mangpaulila kenca; ken angol ken ti dara nga aglasatto kenca; ket iyegconto ti campilan kenca: Siac, ni Jehova, sinaoc daytoy.

Ezekiel 6:3

Ket cunam, Dacayo a banbantay ti Israel, denggenyo ti sao ni Apo Jehova: Castoy ti cuna ni Apo Jehova cadagiti banbantay ken turturod, cadagiti wawaig ken loblobong: Adtoy, siac, siac met laeng, payegconto cadacayo ti campilan, ket racrakecto dagiti nangato a dissoyo.

Oseas 11:6

Ket agtinnagto ti campilan cadagiti il-ilida, ket ibusennanto dagiti balunetda, ket alun-unennanto ida, a gapu cadagiti bucodda a patigmaan.

Levitico 26:6

Ket itedconto ti talna iti daga, ket agiddacayto, ket awanto ti pagbutnganyo; pucawecto dagiti narungsot nga an-animal iti daga, dinto met lumabas ti campilan iti dagayo.

Amos 4:10

Impawitco cadacayo ti panagangol a cas di casasaad ti Egipto: pinapatayco iti campilan dagiti agtutuboyo a lallaki, ket kinayawac dagiti cabayoyo; ket insacnapco ti buyoc iti pagpacarsoanyo inggana cadagiti agongyo, cascasdi a saancayo laeng a nagsubli caniac, cuna ni Jehova.

Habakuk 3:5

Iti sangona napan ti angol, Ket ti apuy a gayang rimmuar iti yan dagiti sacsacana.

Numero 14:12

Didigraecto ida iti angol, ket diacto pagtawiden ida, ket aramidencanto a maysa a nacion a dacdackel ken manmannacabalin ngem isuda.

Numero 16:49

Ket dagiti natay iti didigra sangapulo ket uppat a ribu pitogasutda sabali pay dagiti natay a gapu ken Core.

Numero 31:3

Ket ni Moises imbagana iti ili, a kinunana, Pagigamenyo ti dadduma a lallaki cadacayo a maipaay iti gubat, ta incayo a maibusor iti Madian.

San Lucas 21:11

Ket addanto dadackel a gingined, ket iti nadumaduma a disso, bisbisin ken baybayangobong: ket addanto maaramid a nacakigkigtot ken dadackel a pagilasinan ti langit.

Deuteronomio 28:21

Ni Jehova ipacapetnanto kenca ti angol inggana iti maibus naca iti daga a papanam a pagtagicuaan.

Deuteronomio 32:25

Iti ruar mamagtalipungawto ti campilan, ket iti uneg dagiti silsiled kigtot; ti babbaro ken virgen agpada a dadaelennanto, ti agsusu agraman agubanen.

Deuteronomio 32:35

Cuac ti pammales ken panggunguna, iti aldaw a pannacaigalisto dagiti sacada: ta ti aldaw ti panagladingitda asidegen, ket dagiti dumteng cadacuada napardasdanto.

Deuteronomio 32:41

No asaec ti campilanco a sumilsilap, ket ti panangocom petpetan ti imac; idissocto ti pammales cadagiti casupadic, ket supapacacto ida dagidiay gumura caniac.

Uk-ukom 15:11

Idin dagiti tallo a ribu a lallaki ti Juda simmalogda agingga iti birri ti bato ti Etam, ket kinunada ken Samson, Dica ammo aya a dagiti Filisteos agturayda cadatayo? ania daytoy nga inaramidmo cadatayo? ket isu kinunana cadacuada, Ti cas inaramidda caniac, casta ti inaramidco cadacuada.