Levitico 26:22 - Ti Biblia (1973)

²² Ket ibaonconto iti nagtenggaanyo dagiti an-animal a narungsot iti tay-ac a mangtacaw cadacayo cadagiti annacyo, ken mangdadael cadagiti an-animalyo, ken mangpabassitto iti bilangyo; ket dagiti dalanyo agbalindanto a langalang.

Ti Baro a Naimbag a Damag Biblia

²² Bulosakto dagiti narungsot nga animal nga umay kadakayo, ket patayendanto dagiti annakyo ken rangrangkayendanto dagiti animalyo. Bassitto la ti matda kadakayo agingga nga awan matagtagitao kadagiti kalsadayo.

Levitico 26:22 Iomraidhean Croise

2 Ar-ari 17:25

Ket casta idi, iti rugi ti panagnaedda sadiay, nga isuda saanda a nagbuteng ken ni Jehova: gapuna a ni Jehova nangibaon cadacuada cadagiti leon a namapatayda cadagiti dadduma cadacuada.

2 Ar-ari 2:24

Ket isu timmaliaw ket nakitana ida, ket inlunodna ida iti nagan ni Jehova. Ket dua nga oso a cabaeyan rimmuarda iti bakir, ket pinisangpisangda ti uppat a pulo ket dua nga ubbing cadacuada.

2 Cronicas 15:5

Ket cadagidi a tiempo awan ti talna iti daydi a rimmuar, wenno iti daydi a simrec; no di ket dackel a pannacariribuc cadagiti amin nga agnaed cadagiti dagdaga.

Isaias 24:6

Gapuna a ti panangilunod inalun-unna ti daga, ken dagiti agtaeng kencuana nasaracan ida a nacabasol: gapuna a dagiti agtataeng iti daga mapuuranda, ket bassit a tattao ti malabasan.

Isaias 33:8

Dagiti calcalsada madadaelda, ti agbariw-as a tao agsardeng, ti cabusor rinacracna ti tulag, inuyawna dagiti il-ili, dina patgen ti tao.

Jeremias 15:3

Ket mangtudingacto iti ngatoda cadagiti uppat a kita, cuna ni Jehova: ti campilan nga agpapatay, ken dagiti aso nga agpisang, ken dagiti tumatayab ti langit, ken dagiti animal ti daga nga aglamut ken agdadael.

Jeremias 42:2

Ket kinunada ken Jeremias a mammadto, Agdawatcam kenca, a ti panagpacaasimi maisaclang coma kenca, ket agcararagca gapu cadacami ken Jehova a Diosmo, gapu amin met laeng itoy a tidda (ta dacami natdacami laeng a bassit a nagtaud ti adu, a cas maimatangan dagita matam),

Dungdung-aw 1:4

Dagiti daldalan ti Sion agpanesda, gapu ta awan ti umay iti gimongda a nangayed; amin dagiti ruanganna nabaybayan, dagiti papadina agsainnecda: dagiti virgenna matutoocda iti ladingit, ket isu met laeng adda iti kinapait.

Ezekiel 14:15

No siac palabasec dagiti narungsot nga an-animal iti daga, ket isu dadaelenda, ket malangalang, tapno awan ti tao a macalabas a gapu cadagiti an-animal:

Ezekiel 14:21

Ta castoy ti cuna ni Apo Jehova: Anian a nacarcaro pay intono ipawitco dagiti uppat a nasaem a panangocomco iti Jerusalem, ti campilan, ti bisin, ti narungsot nga animal, ken ti angol, tapno pucawec kencuana dagiti tao ken animal!

Ezekiel 33:28

Ket pagbalinecto ti daga a langalang ken pagsidsiddaawan; ket ti kinatangsit ti bilegna mapucawto; ket dagiti banbantay ti Israel langalangdanto, iti casta awanto ti lumabas.

Ezekiel 5:17

Ket ibaonconto cadacayo ti bisin ken dakes nga animal, a mangpaulila kenca; ken angol ken ti dara nga aglasatto kenca; ket iyegconto ti campilan kenca: Siac, ni Jehova, sinaoc daytoy.

Levitico 26:6

Ket itedconto ti talna iti daga, ket agiddacayto, ket awanto ti pagbutnganyo; pucawecto dagiti narungsot nga an-animal iti daga, dinto met lumabas ti campilan iti dagayo.

Mikias 3:12

Gapuna, maipuon cadacayo ti Sion maaradonto a cas talon, ket ti Jerusalem agbalinto a bonbonton, ket ti bantay ti balay a cas cadagiti nangato a disso ti cabakiran.

Zacarias 7:14

Ngem iwaracto ida babaen ti alawig iti tengnga dagiti amin a nasnacion nga isuda dida naammoan. Iti casta ti daga langalang idi iti licudanda, ngarud awan ti tao a limmasat wenno nagsubli: agsipud ta ti nacaay-ayo a daga pinagbalinda a langalang.

Deuteronomio 32:24

Umresdanto iti bisin, ket maalun-undanto iti nadarang a pudot ken ti napait a pannacadadael; ket ibaonconto cadacuada dagiti ngipen dagiti narungsot nga an-animal, agraman gita dagiti agcarcarayam iti tapuc.

Uk-ukom 5:6

Cadagidi al-aldaw ni Samgar nga anac ni Anat, cadagiti al-aldaw ni Jael, dagiti daldalan a napatac nagongaongdan, ket dagiti agbalbaliasat nagnada cadagiti dandana.