Levitico 26:18 - Ti Biblia (1973)

¹⁸ Ket no didacto pay la ipangag gapu cadagitoy, dusaencayto ngarud iti maminpito a daras pay gapu cadagiti basbasolyo.

Ti Baro a Naimbag a Damag Biblia

¹⁸ “No iti laksid amin dagitoy ket didak pay la ipangag, mamimpitonto ti kadagsen ti dusa nga ipatayko kadakayo kadagiti basolyo.

Levitico 26:18 Iomraidhean Croise

Dagiti Salmo 119:164

Maminpito iti inaldaw nga idaydayawca, gapu cadagiti sililinteg a pagbilinam.

Exodo 9:14

Ta ibaonconto manen ita amin dagiti pangdidigrac ita pusom, ken cadagiti ad-adipenmo, ken cadagiti iturayam; tapno maammoam nga awan sabali a cas caniac iti amin a lubong.

Dagiti Proverbio 24:16

Ta ti nalinteg a tao uray matuang a maminpito, ket bumangon manen; ngem dagiti nadangkes rebbeken ida ti kinadacsangasat.

Isaias 5:25

Gapuna a ti pungtot ni Jehova simged a maibusor iti ilina, ken inunnatna ti imana a maibusor cadacuada, ken kinabilna ida; ket dagiti banbantay nagkintayegda, dagiti bangbangcay addada a cas rugit iti tengnga dagiti calcalsada. Iti amin daytoy di pay mapatuckiad ti pungtotna, no di ket ti imana adda pay laeng a silalayat.

Jeremias 14:4

Maipapan iti daga a nagrengngat, a gapu iti caawan ti tudo iti daga, dagiti agarado maibabainda, abbonganda dagiti oloda.

Daniel 3:19

Iti casta ni Nabucodonosor napno iti pungtot, ket nagbaliw ti langa ti rupana a maibusor cada Sidrac, Misac ken Abdenago: gopuna nagsao, ket imbilinna a papudotenda coma ti horno a maminpito a nacarcaro ngem iti cadawyan a pannacapapudotna.

Levitico 26:21

Ket no magnacayo iti maicaniwas caniac, ket didacto ipangag, yegconto cadacayo iti maminpito a saplit a mayannatup cadagiti basbasolyo.

Levitico 26:24

Iti casta magnanto met ngarud ti maibusor cadacayo, ket cabilencayto met iti maminpito gapu cadagiti basbasolyo.

Levitico 26:28

Ti casta siac siuungetacto a bumusor cadacayo ket dusaencayto met ti maminpito gapu cadagiti basbasolyo.

1 Samuel 2:5

Dagiti nabsog idi nangabangda gapu iti taraon; ket dagidiay a nabisinan simmardengda nga agbisin: wen, ti lupes nangyanac iti pito; ket daydi nga addaan idi iti adu nga annac mapacsuyan a mabannog.