Levitico 26:13 - Ti Biblia (1973)

¹³ Siac ni Jehova a Diosyo a nangaon cadacayo iti daga nga Egipto, tapno dicay mabag-en cadacuada; ket dinadaelco dagiti paco a nacaisangolanyo, ket pinatacdercayo a magna.

Ti Baro a Naimbag a Damag Biblia

¹³ Siak, ni Yahweh a Diosyo, ti nangiruar kadakayo idiay Egipto tapno saankayon a matagabu. Inikkatko ti sangol a nangimameg kadakayo, isu a mabalinyo ti magna nga awan ti kabainyo.”

Levitico 26:13 Iomraidhean Croise

Dagiti Salmo 116:16

O Jehova, pudno a siac adipennac: siac adipennac, anac ti babai nga adipenmo; sica winarwarmo dagiti repreppetco.

Exodo 14:8

Ket ni Jehova pinatangkenna ti puso ni Faraon nga ari sadi Egipto, ket kinamatna dagiti annac ti Israel: ta dagiti annac ti Israel rimmuarda babaen ti ima a mannacabalin.

Exodo 20:2

Siac ni Jehova a Diosmo, a nangaon kenca iti daga nga Egipto, iti balay a nacaadipnan.

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Isaias 51:23

Ket icabilconto iti ima dagiti mamarigat kenca, a nagcuna iti cararuam, Agcul-obca, tapno lumabascami; ket sica insaadmo ta bucotmo a cas la daga, ken cas la calsada, cadagiti lumabas.

Isaias 9:3

Sica pinaadum ti nacion, sica pinadackelmo ti ragsacda; agragsacda iti sangoanam a cas iti ragsac ti panagapit, a cas iti ragsac dagiti tattao no bingayenda ti sinamsam.

Jeremias 2:20

Ta nanipud ugma dinadaelco ti sangolmo, ket binucaac dagiti reppetmo; ket kinunam, Saanacto nga agservi; ta iti rabaw ti tumunggal bantay a nangato ken siroc ti tumunggal cayo a narucbus nagrucbabam a nagbalangcantisca.

Jeremias 28:2

Castoy ti saoen ni Jehova dagiti buybuyot, a Dios ti Israel, a cunana, Binungtolco ti sangol ti ari ti Babilonia.

Jeremias 28:4

Ket iyegconto manen ditoy a disso ni Jeconias nga anac a lalaki ni Joakim, nga ari ti Juda, agraman cadagiti amin a nacayawan ti Juda, a napan idiay Babilonia, cuna ni Jehova; ta bungtolecto ti sangol ti ari ti Babilonia.

Ezekiel 30:18

Idiay Tafnes met ti aldaw agsipngetto, intono bungtolec idiay dagiti sangol ti Egipto, ket ti kinatangsit ti bilegna mapucawto kencuana: no maipapan kencuana, isu abbonganto ti ulep, ket dagiti annacna a babbai mapandanto iti pannacacayaw.

Ezekiel 34:27

Ket ti cayo iti away mangtedto iti bungana, ket ti daga mangtedto ti rang-ayna, ket sitatalgeddanto iti dagada; ket mabigbigdanto a siac ni Jehova, intono bungtolec dagiti balunet ti sangolda, ken luc-atac ida iti ima dagidiay a nangpatagabu cadacuada.

Oseas 11:4

Inyasidegco ida babaen cadagiti tali a natao-an babaen cadagiti singalut ti ayat; ket siac idi cadacuada ti cas cadagiti mangiccat iti bosal cadagiti sangida; ket incabilco ti canen ti sangoananda.

Levitico 25:38

Siac ni Jehova a Diosyo a nangaon cadacayo iti daga nga Egipto itedco cadacayo ti daga a Canaan, ken tapno siac ti Diosyo.

Levitico 25:42

Gapu ta adipenco ida nga inaonco iti daga nga Egipto: saandanto a malaco a bag-en.

Levitico 25:55

Gapu ta adipenco ida dagiti annac ti Israel; isuda ti adipenco nga inaonco iti daga nga Egipto: siac ni Jehova a Diosyo.

Nahum 1:13

Ket ita bungtolecto ti sangolna manipud kenca, ket gursutecto dagiti baludmo, a pagcaduaen.