Levitico 26:12 - Ti Biblia (1973)

¹² Ket magnaacto iti nagtengngaanyo, ket siacto ti Diosyo, ket dacayto ti ilic.

Ti Baro a Naimbag a Damag Biblia

¹² Kaduakayto iti sadinoman a papananyo; siakto ti Diosyo ket dakayto dagiti tattaok.

Levitico 26:12 Iomraidhean Croise

Genesis 17:7

Ket buangayecto ti pagtaluganta, ken cadagiti putotmo iti calpasam, bayat dagiti caputotanda, nga agnanayon a nomo, tapno siac ti Diosmo ken Dios dagiti putotmo iti calpasam.

Genesis 17:8

Ket itedconto kenca ken iti putotmo, iti calpasam, ti daga dagiti naggangannaetam, amin ti daga a Canaan, a tagicucuaen iti agnanayon; ket siacto ti Diosda.

Genesis 3:8

Ket nangngegda ti timec ni Jehova Dios a magmagna iti minuyongan iti lamiis ti aldaw: ket naglemmeng ti lalaki ken ti asawana cadagiti cacaycayoan iti minuyongan iti imatang ni Jehova Dios.

Genesis 5:22

Ket ni Enoc nakipagna iti Dios, calpasan ti panangputotna ken Matusalem, iti tallogasut a tawen, ket pinutotna dagiti annac a lallaki ken babbai:

Genesis 5:24

Ket nakipagna ni Enoc iti Dios: ket nagawan: ta innala ti Dios.

Genesis 6:9

Dagitoy dagiti caputotan ni Noe. Ni Noe isu idi lalaki a nalinteg ken naananay cadagiti caputotanna: nakipagna ni Noe iti Dios.

2 Samuel 7:7

Cadagiti isu-amin a luglugar a nakipagnaac cadagiti isu-amin nga annac ti Israel, nangisaoac aya ti maysa a balicas iti uray asinoman cadagiti caputotan ti Israel, a nangibilinac a mangipaarab iti ilic nga Israel, a kinunac, Apayapay didac imbangonan iti balayco a kinantingenan?

Dagiti Salmo 50:7

Dumngegca, O ilic, ket agsaoacto; O Israel, ket agsacsiacto kenca: siac ti Dios, Diosmo met laeng.

Exodo 29:45

Ket agnaedacto iti tengnga dagiti annac ti Israel, ket siacto ti Diosda.

Exodo 29:46

Ket ammoendanto a siac ni Jehova a Diosda, a nangaon cadacuada iti daga nga Egipto, tapno agnaedac iti tengngada: siac ni Jehova a Diosda.

Exodo 3:6

Maysa pay kinunana, Siac ti Dios ni amam, ti Dios ni Abraham, ti Dios ni Isaac, ken ti Dios ni Jacob. Ket ni Moises inapputna ti rupana; ta nagbuteng a kimmita iti Dios.

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Isaias 12:2

Adtoy, ti Dios isu ti pacaisalacanac agtalecacto, ket saanacto nga agbuteng ta ni Jehova, a ni met laeng Jehova, isu ti pigsac ken cantac: ket isu nagbalin a pacaisalacanac.

Isaias 41:10

Dica agbuteng, ta addaac kenca; dica agcullayaw, ta siac ti Diosmo; papigsaencanto; wen, tulongancanto: wen, tapayaencanto iti akincanawan nga ima ti kinalintegco.

Jeremias 11:4

Nga imbilinco cadagiti ammayo idi aldaw nga inaonco ida iti daga ti Egipto, iti ruar ti landoc a horno, a kinunac, Tungpalenyo ti timecco, ket aramidenyo ida, cas mainugot cadagiti amin nga ibilinco cadacayo; iti casta dacayto ti ilic, ket siacto ti Diosyo;

Jeremias 30:22

Ket dacayto ti ilic, ket siacto ti Diosyo.

Jeremias 31:33

Ngem daytoy ti tulag nga aramidecto iti balay ti Israel iti calpasan dagidiay nga aldaw, cuna ni Jehova; Isaadconto ti lintegco iti unegda, ken isuratconto iti pusoda; ket siacto ti Diosda, ket isudanto ti ilic.

Jeremias 32:38

Ket isudanto ti ilic, ket siacto ti Diosda:

Jeremias 7:23

Ngem daytoy a banag imbilinco cadacuada, a kinunac, Ipangagyo ti timecco, ket siacto ti Diosyo, ket dacayto ti ilic; ket magnacayo iti amin a dalan nga ibilinco cadacayo, tapno mapaimbagcayo.

Ezekiel 11:20

Tapno magnada coma cadagiti linlintegco, ket salimetmetanda dagiti bilbilinco, ket tungpalenda ida: ket isudanto ti ilic, ket siacto ti Diosda.

Ezekiel 36:38

Cas ti arban a maipaay a daton, cas ti arban ti Jerusalem cadagiti nakedngan a fiestana, iti casta dagiti naracrac nga ili mapnodanto cadagiti arban dagiti tattao; ket mabigbigdanto a siac ni Jehova.

Joel 2:27

Ket mabigbigyonto a siac addaac iti nagtengngaan ti Israel, ken siac ni Jehova a Diosyo, nga awan sabalin; ket ti ilic uray caanoman saanton a mapabainan.

Zacarias 13:9

Ket yegconto ti maicatlo a capaset iti apuy, ket guguracto ida a cas iti pirac a maguguran, ket guguracto ida a cas iti balitoc a maisudi. Isuda awagandanto ti naganco, ket ipangagconto ida: cunaecto, Isu ti ilic; ket isuda cunaendanto, Ni Jehova ti Diosco.

Numero 5:3

Lalaki man ken babai agpadada a paruarenyo iti ruar ti pacarso ti pangipananyo cadacuada; tapno dida mamulitan ti pacarso, nga iti tengngana pagnaedac.

San Mateo 22:32

Siac ti Dios ni Abraham, ken ti Dios ni Isaac, ken ti Dios ni Jacob? Ti Dios saan a Dios dagiti natay, no di dagiti sibibiag.

2 Taga-Corinto 6:16

Ket ania ti pacainugotan dagiti ladladawan a didiosen iti Templo ti Dios? ta datayo ti Templo ti Dios a sibibiag; a cas met kinuna ti Dios: Agbalayacto cadacuada, ket magmagnaacto cadacuada; ket siacto ti Diosda, ket isudanto dagiti umili iti Ilic.

Deuteronomio 23:14

Ta ni Jehova a Diosmo magna iti tengnga ti pacarsom, tapno ispalennaca, ket yawatna dagiti cabusormo iti saclangmo: isu ti gapuna a ti pagpacarsoam nasantoanto, tapno dina coma makita ti di-nadalus kenca, ket tallicudannaca.

Deuteronomio 23:15

Dicanto yawat ken apona ti maysa nga adipen a nagtalaw ken apona, nga umamang kenca;

Hebreo 11:16

Ngem ita tarigagayanda ti nasaysayaat a pagnaedan cayatna a sao-en, ti nailangitan: gapuna ti Dios saanna ida nga ibain, nga isu awaganda a Dios da; ta insaganana cadacuada ti pagilian.

Paltiing 2:1

Isuratmo iti angel ti Iglesia sadi Efeso: Dagitoy a banbanag cuna ti agig-iggem cadagiti pito a bituen iti macanawanna, ken magna iti tengnga dagiti pito a pagsilawan a nabalitocan:

Paltiing 21:7

Ti agbal-liginto, tawidennanto dagitoy a banbanag ket siacto ti Diosna, ket isunto ti anacco.