Levitico 26:11 - Ti Biblia (1973)

¹¹ Ket icabilconto iti nagtengngaanyo ti tavernaculoc: ket ti espirituc dinacayto carimon.

Ti Baro a Naimbag a Damag Biblia

¹¹ Makipagnaedakto kadakayo iti Toldak ket pulos a dikayto tallikudan.

Levitico 26:11 Iomraidhean Croise

2 Samuel 7:7

Cadagiti isu-amin a luglugar a nakipagnaac cadagiti isu-amin nga annac ti Israel, nangisaoac aya ti maysa a balicas iti uray asinoman cadagiti caputotan ti Israel, a nangibilinac a mangipaarab iti ilic nga Israel, a kinunac, Apayapay didac imbangonan iti balayco a kinantingenan?

1 Ar-ari 6:13

Ket agnaedacto cadagiti annac ti Israel, ket diacto baybay-an ti ilic nga Israel.

1 Ar-ari 8:13

Siac pudno unay nga imputaranca iti maysa a balay a pagnaedan, maysa a disso tapno pagnaedam iti agnanayon.

1 Ar-ari 8:27

Ngem, agpayso aya a ti Dios agnaedto iti daga? Adtoy, ti langit ken ti langit dagiti langlangit saandaca a malaon; dinto ngarud adadda daytoy a balay a pinutarco!

Dagiti Salmo 106:40

Gapuna a ti pungtot ni Jehova simged a sibubusor iti ilina, ket kinarurodna ti nagpatawidanna.

Dagiti Salmo 76:2

Idiay met Salem adda ti tabernaculona, ken ti pagtaenganna idiay Sion.

Dagiti Salmo 78:59

Idi a ti Dios nangngegna daytoy, nagrurod, ket kinarimonna a napalalo ti Israel.

Exodo 25:8

Ket yaramidandac coma iti maysa a santuario, tapno agnaedac iti nagbabaetanda.

Exodo 29:45

Ket agnaedacto iti tengnga dagiti annac ti Israel, ket siacto ti Diosda.

Exodo 29:46

Ket ammoendanto a siac ni Jehova a Diosda, a nangaon cadacuada iti daga nga Egipto, tapno agnaedac iti tengngada: siac ni Jehova a Diosda.

Jeremias 14:21

Dinacami guraen, gapu iti naganmo; dica ibabain ti trono ti dayagmo: lagipem, coma saanmo a dadaelen ti tulagmo cadacami.

Dungdung-aw 2:7

Ni Jehova imbellengna ti altarna, ginurana ti santuariona; Inyawatna iti ima ti cabusor ti bacud dagiti palaciona; nagariwawada iti balay ni Jehova, cas iti aldaw ti gimong a nangayed.

Joel 2:27

Ket mabigbigyonto a siac addaac iti nagtengngaan ti Israel, ken siac ni Jehova a Diosyo, nga awan sabalin; ket ti ilic uray caanoman saanton a mapabainan.

Levitico 20:23

Ket dacayo dicayto pagdalanan dagiti awid dagiti tattao a papanawec iti sangoananyo: gapu ta isuda inaramidda amin dagitoy, ket iti casta kinagurac ida.

Levitico 26:15

Ket no iwacsiyonto dagiti nagbilinac, ket dagiti cararuayo guraenda dagiti bilbilinco, iti casta dicayo aramiden iti amin a bilbilenco, ngem labsingenyo ket di ti tulagco;

Levitico 26:43

Ti daga casta met a mabaybay-an gapu cadacuada, ket lac-amenanto dagiti panaginanana iti bayat ti panaglangalangna nga awanda: ket annugotendanto ti dusa ti basolda; ta gapu ta inwacsida dagiti bilbilinco, ket dagiti carcararuada kinaumada dagiti nagbilinac.

Levitico 26:44

Ket nupay casta amin dagita, idinto nga addada iti daga dagiti cabcabusorda diacto iwacsi ida, diacto met cauma ida, tapno rebbekec ida nga italipupos, ken tapno mawara ti tulagco cadacuada; ta siac ni Jehova a Diosda;

Zacarias 11:8

Ket dinadaelco ti tallo a pastor iti maysa a bulan; ta ti cararuac nautoyan idi cadacuada, ket ti cararuada met gimmurada caniac.

Taga-Efeso 2:22

Isu a pacaicuyoganyo met a mabangbangon tapno pagbalayan ti Dios babaen ti Espiritu.

Deuteronomio 32:19

Ket ni Jehova nakitana, ket kinagurana ida, gapu iti pananggargari dagiti annacna a lallaki, ken annacna a babbai.

Josue 22:19

Ngem no ti daga tagicuaenyo isu ti narugit, umallatiwcayo ngarud iti daga a pagtagicuaan ni Jehova, isu a pagtaengan ti tabernaculo ni Jehova, ket mangalacayo iti cucua iti tengngami: ngem dicayo sumungit coma a maibusor ken Jehova, dicayo met sumungit a bumosor cadacami, iti panangbangonyo iti maysa nga altar iti lacsid ti altar ni Jehova a Diostayo.

Josue 22:31

Ket ni Finees nga anac ni Eleazar a padi kinunana cadagiti annac ni Ruben, cadagiti annac ni Gad, ken cadagiti annac ni Manases, Ita nga aldaw maammoanmi ni Jehova adda iti nagtengngaantayo, agsipud ta dicayo inaramid daytoy a panglabsing a maicaniwas ken Jehova: itatta inyanawayo dagiti annac ti Israel iti ima ni Jehova.

Paltiing 21:3

Ket nangngegco ti maysa a dackel a timec a naggapu iti trono nga agcuncuna: Adtoy ti tabernaculo ti Dios adda cadagiti tattao, ket isu makipagnaedto cadacuada, ket isudanto dagiti tattaona, ket ti Dios met laeng addanto cadacuada, a Dios da:

Paltiing 7:15

Gapu itoy addada iti sangoanan ti trono ti Dios, ket agserservida kencuana iti aldaw ken rabii iti templona: ket daydiay nagtugaw iti trono isalucubnanto ti tabernaculona cadacuada.