Levitico 24:9 - Ti Biblia (1973)

⁹ Ket maipaayto ken Aaron ken dagiti annacna a lallaki: ket canendanto iti maysa a nasantoan a disso, gapu ta isu ti nasantoan unay kencuana cadagiti datdaton a naaramid iti apuy ken Jehova gapu iti agnanayon nga alagaden.

Ti Baro a Naimbag a Damag Biblia

⁹ Kukua ni Aaron ken dagiti kaputotanna ti tinapay. Masapul a kanenda daytoy iti nasantoan a lugar agsipud ta nasantoan unay daytoy a paset ti daton a naidatag iti Apo nga agpaay kadagiti papadi.

Levitico 24:9 Iomraidhean Croise

Exodo 27:21

Iti uneg ti tolda ti gimong, iti ruar ti abbong nga adda iti sango ti pamanecnec, da Aaron ken dagiti annacna aywanandanto a sioornos manipud iti malem agingga iti bigat iti sango ni Jehova: isu ti maalagadto nga agnanayon cadagiti putputotda a maipaay cadagiti annac ti Israel.

Levitico 10:12

Ket ni Moises nakisao ken Aaron, ken Eleazar ken Itamar, nga annacna a lallaki a nabati, Alaenyo ti daton a macan a natda cadagiti datdaton a naaramid iti apuy ken Jehova, ket canenyo a di-nalevaduraan iti sibay ti altar; ta isu ti nasantoan unay;

Levitico 10:17

Ania ti gapuna a dicay nangan ti daton gapu iti basol iti disso ti santuario, idinto nga isu nasantoan unay, ket intedna cadacayo a mangawit iti kinadakes ti gimong, tapno aramidenyo ti pannacaabbongda iti sango ni Jehova?

Levitico 21:22

Manganto iti tinapay ti Diosna, uray tinapay man a nasantoan unay ken ti nasantoan:

Levitico 24:10

Ket ti anac a lalaki ti babai nga Israelita, a ti amana maysa nga Egipcio, a napan cadagiti annac ti Israel; ket ti anac ti Israelita a babai ken ti maysa a lalaki nga Israelita nagcabilda a dua iti uneg ti pacarso:

Levitico 3:17

Daytoy ti agnanayonto nga alagaden agpapan putputotyo iti isu-amin a pagnaedanyo, isu a dicayto canen ti taba ken dara.

Levitico 6:11

Ket iccatennanto dagiti cawcawesna, ket icapetnanto dagiti sabali a cawcawes, ket yallatiwnanto dagiti dapdapo iti ruar ti pacarso iti nadalus a disso.

Levitico 6:16

Ket ti matda iti daydiay canento ni Aaron ken dagiti annacna a lallaki: macanto a di-nalevaduraan iti maysa a nasantoan a disso; iti paraangan ti tolda ti gimong canendanto.

Levitico 6:9

Ibilinmo ken Aaron ken cadagiti annacna a lallaki, a cunam, Daytoy ti alagaden iti daton a mapuuran: ti daton a mapuuran addanto iti pagsungrodan iti rabaw ti altar iti agpatpatnag agingga iti bigat; ket ti apuy ti altar mapaspasgedanto laeng iti rabawna.

Levitico 8:3

Ket tiptiponem amin ti gimong iti ruangan ti tolda ti gimong.

Levitico 8:31

Ket ni Moises kinunana ken Aaron ken cadagiti annacna a lallaki, Lingtaenyo ti lasag iti ruangan ti tolda ti gimong: ket canenyo idiay ken ti tinapay nga adda iti labba ti pannacaconsagrar, cas imbilinco a kinunac, Ni Aaron ken dagiti annacna a lallaki canendanto daydiay.

Malakias 1:12

Ngem dacayo bassawanganyo ti naganco, iti daydiay panagcunayo, Ti lamesaan ni Jehova narugitan, ken ti bungana, uray ti taraon kencuana uuyawen.

San Mateo 12:4

No casano ti iseserrecna iti balay ti Dios, ket kinnanna dagiti tinapay a sidadaya iti altar a saan a maipalubos kencuana a canen ket casta met cadagiti naicuyog kencuana, no di cadagiti sacerdote laeng?

San Marcos 2:26

No casano ti iseserrecna iti Balay ti Dios, cadagiti aldaw ni Abiatar a cangatoan a padi, ket kinnanna dagidi tinapay a sidadaya iti altar, a saanda a maipalubos a canen, no dilaeng cadagiti papadi; ket iniccanna met dagiti naicuyog kencuana?

San Lucas 6:4

No casano ti iseserrecna iti balay ti Dios ket innalana dagiti tinapay a sidadaya iti altar, ket nangan ket iniccanna met dagidi kimmuyog kencuana; isu a di maipalubos a canen ti uray siasino no di laeng dagiti papadi?

1 Samuel 21:6

Iti casta ti padi intedna kencuana ti nasantoan a tinapay; ta awan idi ti tinapay idiay no di laeng ti tinapay ti pamarang, a naiccat idi iti sango ni Jehova, tapno maicabil ti nabara a tinapay iti aldaw ti pannacaiccatna idi.