Levitico 24:10 - Ti Biblia (1973)

¹⁰ Ket ti anac a lalaki ti babai nga Israelita, a ti amana maysa nga Egipcio, a napan cadagiti annac ti Israel; ket ti anac ti Israelita a babai ken ti maysa a lalaki nga Israelita nagcabilda a dua iti uneg ti pacarso:

Ti Baro a Naimbag a Damag Biblia

^10-11 Adda maysa a lalaki nga Egipcio ti amana ken Israelita ti inana. Selomit ti nagan ti inana nga anak ni Dibri iti tribu ti Dan. Simrek ti lalaki iti kampo ket nakiriri iti maysa nga Israelita. Bayat ti panagririda, inlunodna ni Yahweh; iti kasta, indatagda ken ni Moises.

Levitico 24:10 Iomraidhean Croise

Exodo 12:38

Ket simmurot met a nakipagsang-at cadacuada ti nawadwad a bilang dagiti nadumaduma a tattao; ken an-animal a babassit ken dadackel, a nawadwad unay.

Levitico 24:11

Ket ti lalaki nga anac ti babai nga Israelita nagbassawanganna ti Nagan ni Jehova, ket naglunud; ket impanda ken Moises. Ket ni inana agnagan idi iti Salomit, nga anac ni Dibri iti caputotan ni Dan.

Levitico 24:9

Ket maipaayto ken Aaron ken dagiti annacna a lallaki: ket canendanto iti maysa a nasantoan a disso, gapu ta isu ti nasantoan unay kencuana cadagiti datdaton a naaramid iti apuy ken Jehova gapu iti agnanayon nga alagaden.

Numero 11:4

Ket ti caaduan nga adda idi cadacuada naggartemda unay iti napalalo: ket dagiti annac ti Israel casta met a nagsangitda manen, ket kinunada, Asino ti mangtedto cadacami iti lasag a sidaen?