Levitico 23:6 - Ti Biblia (1973)

⁶ Ket ti maicasangapulo ket lima nga aldaw ti daydiay met la a bulan isu ti fiesta ti tinapay nga awan levadurana ken Jehova: cadagiti pito nga aldaw mangancayto iti saan a nalevaduraan a tinapay.

Ti Baro a Naimbag a Damag Biblia

⁶ Iti maika-15 nga aldaw, mangrugi met ti Fiesta ti Tinapay nga Awan Lebadurana ket pito nga aldaw a masapul a dikay mangan iti nalebaduraan a tinapay.

Levitico 23:6 Iomraidhean Croise

Exodo 12:14

Ket daytoy nga aldaw isunto cadacayo iti maysa a pacalaglagipan, ket salimetmetanyonto a fiesta ken Jehova: cadagiti caputotanyo salimetmetanyonto a fiesta a pagalagadan iti cancanayon.

Exodo 23:15

Ti fiesta ti tinapay nga awan levadurana ngilinemto: cadagiti pito nga al-aldaw canemto ti tinapay a di nalevaduraan, cas imbilinco kenca, iti natudingan nga aldaw ti bulan nga Abib (ta isu idi ti ipapanawmo sadi Egipto); ket awanto ti dumatag nga ima-ima iti sangoc.

Exodo 34:18

Ti pannacafiesta ti tinapay a di-nalevaduraan ngilinemto. Cadagiti pito nga aldaw mangancanto iti di-nalevaduraan a tinapay, cas imbilinco kenca, iti aldaw a natudingan iti bulan ti Abib; ta iti bulan nga Abib ti ipapanawmo sadi Egipto.

Deuteronomio 16:3

Dicanto mangan iti tinapay a nalevaduraan; pito nga aldaw a manganto iti awan levadurana a tinapay nga isu ti tinapay ti panagladingit; ta sica nadaras ti pannacaipanawmo sadiay daga nga Egipto: tapno malagipmo ti aldaw a pannacaaonmo iti daga nga Egipto iti isu-amin nga al-aldaw ti panagbiagmo.

Deuteronomio 16:8

Cadagiti innem nga aldaw mangancanto iti awan levadurana a tinapay: ket itinto maicapito nga aldaw isunto ti nadaeg a panaggigimong ken Jehova a Diosmo: sica dicanto agtrabajo iti dayta.