Levitico 23:3 - Ti Biblia (1973)

³ Cadagiti innem nga al-aldaw agtrabajocayo: ngem ti maicapito nga aldaw isu ti maysa nga inana ti nadaeg a panaginana, ti maysa a nasantoan a pacagimongan; dicayto agtrabajo iti uray ania: isu ti maysa nga aldaw a panaginana ken Jehova iti isu-amin a pagnaedanyo.

Ti Baro a Naimbag a Damag Biblia

³ Innem nga aldaw nga agtrabahokayo ngem laglagipenyo nga iti maikapito ket Aldaw a Panaginana. Dikay agtrabaho iti dayta nga aldaw ngem aguummongkayo nga agdaydayaw. Kukua ti Apo ti Aldaw a Panaginana uray sadino ti pagnaedanyo.

Levitico 23:3 Iomraidhean Croise

Exodo 16:23

Ket isu kinunana cadacuada, Daytoy ti imbaga ni Jehova, Intono bigat isu ti nadaeg a panaginana, maysa nga nasantoan nga aldaw ti panaginana ken Jehova: Yhornoyo ti yhornoyonto, ket ipaburecyo ti ipaburecyonto; ket amin a matda a suroc, tarimaanenyo a maipaay cadacayo tapno maidulin agingga iti bigat.

Exodo 16:29

Kitaenyo, ta ni Jehova intedna cadacayo ti panaginana, isu ti gapuna nga itedna cadacayo iti maicanem nga aldaw ti canen a tumutop cadagiti dua nga aldaw; agtaengcayo, tumunggal maysa a tao, iti dissona: awan coma ti rumuar iti ayanna iti maicapito nga aldaw.

Exodo 16:30

Isu ti gapuna a naginana dagiti tattao iti maicapito nga aldaw.

Exodo 23:12

Innem nga aldaw agtrabajocanto, ket iti maicapito nga aldaw aginanacanto; tapno ti vacam ken ti asnom aginanada, ket ti anac a lalaki ti adipenmo a babai, ken ti gangannaet mabang-aranda.

Exodo 34:21

Innem nga aldaw ti panagtrabajomto ngem iti maicapito nga aldaw aginanacanto: uray no panagaarado ken no panagaapit aginanacanto.

Isaias 56:2

Nagasat ti tao a mangaramid itoy, ken ti anac ti tao a mangsalimetmet a sibibileg kencuana; a ngilinenna ti aldaw a panaginana ket dina ipabpabareng, ken igawidna ti imana iti panangaramidna iti aniaman a dakes.

Isaias 56:6

Casta met dagiti gangannaet a makicallaysa ken ni Jehova, tapno agservi kencuana, ken agayatda iti nagan ni Jehova, tapno agbalinda nga ad-adipenna, tumunggal maysa nga agngilin iti aldaw a panaginana ket dina ipabpabareng, ken sinalimetmetanna ti tulagco;

Isaias 58:13

No ibawingmo ta sacam iti aldaw a panaginana, iti panagaramid iti ragsacmo iti aldawco a nasantoan; ket naganem ti aldaw a panaginana a maysa a rag-o, ken nasantoan ni Jehova a nadayag; ket isunto ti dayawem, dica aramiden dagiti daldalanmo met laeng, dica sapulen ti ragsacmo met laeng, dica saoen dagiti saom met laeng;

Levitico 19:3

Tummunggal maysa a tao cadacayo cabutengnanto ni inana ken amana; ket ngilinenyonto dagiti aldaw a panaginana: siac ni Jehova a Diosyo.

San Lucas 13:14

Ket idi simmungbat ti panguloen ti sinagoga, a sipupungtot agsipud ta nangagas ni Jesus iti aldaw a panaginana, kinunana cadagiti umili; Adda innem nga aldaw a rebbeng ti agtrabajo: cadagitoy ngarud umaycayo ket agpaagascayo, ket saan nga iti aldaw a panaginana.

San Lucas 23:56

Ket nagawidda ket nagsaganada ti bangbanglo ken sapsapo; ket naginanada iti aldaw a panaginana cas ti bilin.

Dagiti Aramid 15:21

Ta dagiti sursuro ni Moises nanipud cadagidi caputotan nga immun-una adda a maicascasaba iti tunggal ili ket maibasada cadagiti sinagoga, iti amin nga aldaw a panaginana.

Paltiing 1:10

Siac addaac idi iti Espiritu, iti aldaw ti Apo, ket nangngegco iti licudac ti maysa a dackel ti timec, a cas la iti uni ti tangguyob.