Levitico 23:10 - Ti Biblia (1973)

¹⁰ Ibagam cadagiti annac ti Israel, ket saoem cadacuada, No sumreccayo iti daga nga itedco cadacayo, ket anienyonto ti maapit idiay, mangipancayto ti sangareppet nga umuna a bunga ti maapityo iti padi;

Levitico 23:10 Iomraidhean Croise

Exodo 22:29

Dica agtactac a mangidaton iti nayon ti apitmo, ken iti agayus cadagiti pagpespesam. Ti inauna cadagiti anacmo a lalaki itedmonto caniac.

Exodo 23:16

Ket ti fiesta ti apit, dagiti umuna a bungbunga ti banbannogmo, dagidiay nga imulam iti talon ken ti fiesta ti panagummong, iti gibus ti tawen, no agummongca cadagiti nagbannogam iti talon.

Exodo 23:19

Dagiti umuna cadagiti umuna a bungbunga ti dagam yegmonto iti balay ni Jehova a Diosmo. Dica lutoen ti urbon a calding iti gatas ti inana.

Exodo 34:22

Ket ngilinemto ti fiesta dagiti lawlawasna, uray dagiti umuna a bungbunga ti trigo a maapit, ken ti fiesta ti apit iti gibus ti tawen.

Exodo 34:26

Ti umuna cadagiti bungbunga nga umuna ti dagam yegmonto iti balay ni Jehova a Diosmo. Dicanto lutoen ti urbon a calding iti gatas ni inana.

Ezekiel 44:30

Ket ti umuna cadagiti isu-amin dagiti damo a bungbunga ti amin a kita, ken amin a daton ti amin a kita, cadagiti amin a datonyo maipaaydanto cadagiti papadiyo: itedyonto met cadagiti papadiyo ti damo ti gamayyo, tapno pagtalinaedenna ti bendicion iti balaymo.

Levitico 14:34

No macadanoncayo iti daga a Canaan, nga itdecto cadacayo a tagicuaenyon ket icabilco ti didigra a cucutel iti maysa a balay idiay daga a tagicuaenyo;

Levitico 23:11

Ket isu ililinanto ti rineppet iti saclang ni Jehova, tapno maawatto a maipaay cadacayo: iti bigat a sumaruno iti aldaw a panaginana, ti padi ililinanto.

Levitico 23:17

Cadagiti balbalayyo mangalacayto cadagiti dua a tinapay nga ilili a casia ti dua nga apagcapulo ti maysa nga efa: dagitay namayecmec a bel-laay malutodanto a silelevadura iti horno, umuna a bungbunga a maipaay ken Jehova.

Levitico 23:9

Ket ni Jehova nakisao ken Moises, a kinunana.

Numero 15:2

Saoem cadagiti annac ti Israel, ket cunam cadacuada, No macastreccayto iti daga a pagnaedanyo nga itedco cadacayo,

Numero 28:26

Casta met iti aldaw ti umuna a bungbunga, no idatagyo ti daton a macan ken Jehova, iti fiestayo iti lawlawas, addanto maysa a nasantoan a panaguummongyo; dicayto agaramid iti trabajo a panggedan;

Taga-Roma 11:16

Ket no ti umuna a bunga nasantoan, casta met ti nacaalaanna; ket no masantoan ti ramut, casta met dagiti sangsanga.

Deuteronomio 16:9

Pito a lawlawasna ti bilangemto a maipaay kenca: manipud ti aldaw a panangirugim a nangipacat iti rakem iti maapit, rugiamto ti agbilang iti pito a lawlawasna.

Santiago 1:18

Iti nacnakemna met laeng isu pinataudnatayo gapu iti sao ti kinapudno, tapno datay coma ti maysa a kita dagiti umuna a bungbunga cadagiti parsuana.

Josue 3:15

Ket idi a dagidi a nagawit idi lacasa simmalugda iti Jordan, ken dagiti sacsaca dagiti papadi a nagawit idi lacasa naitanebda idi igid ti danum (ta ti Jordan aglippias iti amin a tepteppangna iti amin a tiempo ti panagani,)

Paltiing 14:4

Dagitoy dagiti saan a natulawan cadagiti babbai; ta virgenda. Dagitoy dagiti sumursurot iti Cordero uray adino a papananna. Dagitoy nasubbotda cadagiti tattao, a cas da umuna a bungbunga a maipaay iti Dios ken iti Cordero.

Ruth 1:22

Iti casta nagsubli da Noemi, ken Ruth a Moabita, a manugangna a kimmuyog kencuana, a nagsubli nanipud iti daga ti Moab: ket dimtengda iti Bet-lehem iti carugrugi ti panagapit iti cebada.