Levitico 22:16 - Ti Biblia (1973)

¹⁶ Ket iti casta pacaigapuananda a mangawit iti kinadakes, a pagbiddutan, no canenda dagiti nasantoan a banbanagda: ta siac ni Jehova a mamagsanto cadacuada.

Levitico 22:16 Iomraidhean Croise

Dagiti Salmo 38:4

Ta dagiti kinakilloc lapunusenda ti uloc: cas nadagsen nga awit nalaus ti bantotda caniac.

Exodo 28:38

Ket agyanto iti muging ni Aaron, ket ni Aaron awitennanto ti nagdacsan, dagiti nasantoan a banbanag, a pasantoento dagiti annac ti Israel cadagiti amin nga datdatonda a nasantoan; ket agyanto iti mugingna a cancanayon, tapno maipategda iti saclang ni Jehova.

Levitico 10:17

Ania ti gapuna a dicay nangan ti daton gapu iti basol iti disso ti santuario, idinto nga isu nasantoan unay, ket intedna cadacayo a mangawit iti kinadakes ti gimong, tapno aramidenyo ti pannacaabbongda iti sango ni Jehova?

Levitico 20:8

Ket sungpotenyonto dagiti ipaalagadco, ket aramidenyonto ida; siac ni Jehova a mamagsanto cadacayo.

Levitico 21:15

Ket dinanto rugitan ti putotna iti baet dagiti cailianna: ta siac ni Jehova a mamagsanto kencuana.

Levitico 21:23

Isuna laeng a dinto sumbrec iti uneg ti abbong, wenno umasideg iti altar, gapu ta adda pacapilawanna; tapno dina rugitan dagiti santuarioc: ta siac ni Jehova a mamagsanto cadacuada.

Levitico 21:8

Pasantoemto ngarud, ta idatonna ti tinapay ti Diosmo: isu santonto kenca; ta siac ni Jehova a mamagsanto cadacayo, santoac.

Levitico 22:17

Ket ni Jehova, nakisao ken Moises, a kinunana,

Levitico 22:9

Iti casta salimetmetandanto ti ibilinco di la ket ta pacaalaanda iti basol, ken pacatayanda, no dida raeman a cas sagrado: siac ni Jehova a mamagsanto cadacuada.

Levitico 7:18

Ket no adda uray ania a lasag iti sacrificio dagiti datdatonna a maipaay iti cappia a canenna iti maicatlo nga aldaw, saanto a maawat, dinto met maibilang kencuana a nangidatag iti daton: maysanto a rimon, ket ti cararua ti mangan awitennanto ti kinadakesna.

Numero 18:1

Ket ni Jehova kinunana ken Aaron, Sica ken dagiti annacmo a lallaki ken ti balay dagiti ammam agraman kenca, awitenyo ti kinadangkes ti santuario: ket sica ken dagiti annacmo a lallaki agraman kenca, awitenyonto ti kinadakes ti kinapadiyo.

Numero 18:32

Ket dacayo dicayto agawit iti basol gapu iti dayta, no intayagyon ti nayonna a casayaatan: ket dicayto mulitan dagiti nasantoan a banbanag dagiti annac ti Israel, tapno dicay matay.

San Mateo 23:17

Dacayo a maag ken bulbulsec. Ta ania ti nangnangrona ti balitoc wenno ti Templo a mangsantificar iti balitoc?

1 Pedro 2:24

Isu met laeng a nangawit cadagiti basbasoltayo iti bagina iti rabaw di cayo, tapno idinto a nataytayo cadagiti basbasol, agbiagtayo a maipaay iti kinalinteg: gapu cadagiti sugsugatna naagasancayo.