Levitico 22:11 - Ti Biblia (1973)

¹¹ Ngem no ti padi gumatang iti maysa a tao, ti nagatang iti piracna, daytoy manganto cadagidiay: ket dagiti nayanac iti balayna, isuda mangandanto iti tinapayna.

Ti Baro a Naimbag a Damag Biblia

¹¹ Ngem mabalin a mangan ti tagabuna, ginatangna man iti bukodna a kuarta wenno nayanak iti balayna.

Levitico 22:11 Iomraidhean Croise

Genesis 12:5

Ket innala ni Abram ti asawana a Sarai, ken ni Lot lalaki nga anac ni cabsatna a lallaki ken amin a sanicua a nasapsapulanda idi, ken dagiti tattao a nagunodanda idiay Haran; ket pimmanawda a mapan iti daga a Canaan; ket dimtengda sadiay.

Genesis 17:13

Ti mayanac iti balaymo, ken ti magatang iti piracmo, masapul a macugitda: ket addanto ti tulagco iti lasagyo a maipaay iti awan patinggana a panagcaycaysa.

Exodo 12:44

Ngem ti bag-en ti tunggal tao a magatang iti pirac, manganto calpasan ti panangcugitmo.

Levitico 21:22

Manganto iti tinapay ti Diosna, uray tinapay man a nasantoan unay ken ti nasantoan:

Levitico 22:12

Ket no ti anac a babai ti padi makiasawa iti maysa a gangannaet, dayta dinto mangan iti maitayag a daton cadagiti nasantoan.

Numero 18:9

Daytoy isunto ti cucuam dagiti nasantoan unay a banbanag a mailisi iti apuy: tunggal datonda, uray tunggal datonda a daton a macan, ken tunggal datonda gapu iti basol, ken tunggal datonda gapu iti salungasing nga idatagda caniac isudanto ti nasantoan unay kenca, ken cadagiti annacmo a lallaki.