Levitico 21:5 - Ti Biblia (1973)

⁵ Didanto pagcalbuen ti oloda wenno kiskisan ti agsumbangir ti timidda, wenno aramiden ti uray ania a sugat iti lasagda.

Ti Baro a Naimbag a Damag Biblia

⁵ “Maiparit a pultakan ti padi ti ulona wenno putdan ti barbasna, wenno sugaten ti bagina a mangipakita iti panagladingitna iti natay.

Levitico 21:5 Iomraidhean Croise

Isaias 15:2

Simmang-atda agingga iti Bayith, ken Dibon, cadagiti disso a nangato, tapno agsangit: ti Moab dungawanna ti Nebo, ken ti Medeba; iti amin nga oloda nagcalvo, amin nga imingda nakiskisan.

Isaias 22:12

Ket iti daydiay nga aldaw ti Apo, a ni Jehova dagiti buybuyot, nangayab iti panagsangit, ken iti panagdung-aw, ken ti panagcalvo ken ti panagbarikes iti lupot a nakersang:

Jeremias 16:6

Ti dackel ken castamet ti bassit agpadpada mataydanto ditoy a daga, saandanto a maiponpon, ket dagiti tattao didanto met agunnoy gapu cadacuada wenno sugatenda met laeng, dagiti bagbagida wenno kiskisan ti oloda gapu cadacuada;

Jeremias 48:37

Ta tunggal olo agcalvo, ken tunggal iming napukisan: cadagiti amin nga im-ima adda sugsugat, ken cadagiti lomlomo nakersang a lupot.

Ezekiel 44:20

Didanto met kiskisan ti oloda, dida met baybay-an nga umatiddug dagidi buocda; pukisandanto laeng ti buoc dagiti oloda.

Ezekiel 5:1

Ket sica, anac ti tao, mangalaca iti maysa a campilan a natadem; cas la pangiskis, ti mammukis alaemto, ket kiskisam ti olom ken ti timidmo: calpasanna mangalaca iti pagtimbengan tapno timbengem, ken bingayem ti buoc.

Levitico 10:6

Ket ni Moises kinunana ken Aaron, ken Eleazar, ken Itamar nga annacna a lallaki, Dicayo wacrayen ti booc ti oloyo, dicayo met pigisen ti cawcawesyo; tapno dicayo matay, ken tapno di-macapungtot iti dagup ti gimong: ngem baybay-anyo dagiti cacabsatyo, ti dagup ti ili nga Israel, leddaangenda ti puur a pinasged ni Jehova.

Levitico 21:4

Isu dinanto mulitan ti bagina a ti bagina met laeng a pagrugitenna, idinto nga isu maysa a natan-oc a lalaki iti ilina, dina tulawan ti bagina.

Amos 8:10

Pagbalinecto dagiti rambacyo a dung-aw, ket dagiti cantayo, nga un-unoy; icabilconto cadagiti amin a lomoyo ti lupot a nakersang, ken calvo iti amin nga oloyo; ket aramidecto a cas pagleddaangan iti bugbugtong nga anac, ket iti gibusna cas maysa nga aldaw a napait.

Mikias 1:16

Agcalvoca, ken agpukisca a maipuon cadagiti annac ti ragsacmo: palawaem ti calvom a cas iti aguila; ta pinanawandaca ket napanda iti pannacacayaw.

Deuteronomio 14:1

Dacayo ti annac ni Jehova a Diosyo: dicayto sugaten dagiti bagbagiyo, wenno kiskisan iti uray ania iti baet dagiti matayo maipuon iti natay.