Levitico 21:1 - Ti Biblia (1973)

¹ Ket ni Jehova kinunana ken Moises, Ibagam cadagiti papadi nga annac a lallaki ni Aaron, ket saoem cadacuada, Awanto ti mangmulit iti bagina met laeng a maipuon iti natay cadagiti cailiana;

Ti Baro a Naimbag a Damag Biblia

¹ Kinuna ni Yahweh ken ni Moises nga ibagana daytoy kadagiti papadi nga annak ni Aaron, “Saan a tulawan ti padi ti bagina babaen iti pannakipartisiparna iti seremonia ti pumpon,

Levitico 21:1 Iomraidhean Croise

Ezekiel 44:25

Ket saandanto nga umasideg iti natay a tao tapno tulawan dagiti bagbagida met laeng; malacsid no gapu iti ama, wenno ina, wenno iti anac a lalaki, wenno iti anac a babai, iti cabsat a lalaki, wenno iti cabsat a babai a saan a nakiasawa, matulawanda dagiti bagbagida met laeng.

Oseas 5:1

O dacayo a papadi, denggenyo daytoy, ket ipangagyo, O balay ti Israel, tumimudca, O balay ti ari; ta ti pannacaocom agpaay cadacayo; ta dacayo idi ti silo idiay Mizpa, ken maysa a bateng a naipacat idiay Tabor.

Levitico 19:28

Dicayto sugaten ti lasagyo gapu iti natay wenno mangilanad iti uray ania a pagilasinan iti bagiyo: siac ni Jehova.

Levitico 21:11

Wenno dinto met sumbrec iti uray adino a yan ti bagi a natay, wenno dinanto mulitan ti bagina a maipuon ken amana, wenno ken inana;

Malakias 2:1

Ket ita, O dacayo papadi, daytoy a bilin agpaay cadacayo.

Malakias 2:4

Ket dacayo mabigbigyonto a siac imbaonco daytoy a bilin cadacayo, tapno ti tulagco agtaeng coma ken Levi, cuna ni Jehova dagiti buybuyot.

Numero 19:11

Ti sumagid iti bagi a natay ti siasinoman a tao saanto a nadalus iti pito nga aldaw.

Numero 19:14

Daytoy isu ti linteg no matay ti maysa a tao iti maysa a tolda: tunggal maysa a sumbrec iti tolda, ken tunggal maysa nga adda iti tolda saanto a nadalus iti pito nga aldaw.

Numero 19:16

Ket siasinoman a mangsagid iti maysa a natay iti campilan, wenno natay a bagi, wenno maysa a tulang ti tao, wenno maysa a tanem, iti langalang saanto a nadalus iti pito nga aldaw.

Numero 5:2

Ibilinmo cadagiti annac ti Israel a paruarenda iti a pacarso tunggal agcucutel, ken tunggal agtotot, ken siasinoman a saan a nadalus gapu iti natay:

Numero 6:6

Dagup dagiti al-aldaw ti pannacayadayuna a maipaay ken Jehova, dinto umadani iti bangcay a natay.