Levitico 20:9 - Ti Biblia (1973)

⁹ Ta amin a lalaki a mangilunod ken amana, wenno ken inana, dinto bumurong a mapapatay: isu inlunodna ni amana, wenno ni inana; ti darana maipaawitto kencuana.

Ti Baro a Naimbag a Damag Biblia

⁹ “Mapapatay ti siasinoman a mangilunod iti ama wenno inana. Isu ti akimbasol iti ipapatayna.

Levitico 20:9 Iomraidhean Croise

2 Samuel 1:16

Ket ni David kinunana kencuana, Ti daram adda coma iti rabaw ta olom; ta ti ngiwatmo nangsacsi iti maicaniwas kenca, a cunana, Siac pinatayco ti pinulotan ni Jehova.

1 Ar-ari 2:32

Ket ni Jehova pasubliennanto ti darana iti olona met laeng, ta dinuclosna ti dua a lallaki a nasingsingpet ken naimimbag ngem isu, ket pinatayna ida iti campilan, ket ni amac a David isu ti dina naammoan, nga ammoen, ni Abner nga anac ni Ner, a capitan ti buyot ti Israel, ken ni Amasa nga anac ni Jeter, a capitan ti buyot ti Juda.

Exodo 21:17

Ket ti mangilunud ken amana wenno inana, di bumurong a mapapatayto.

Dagiti Proverbio 20:20

Siasinoman a mangilunod ken amana wenno inana, ti pagsilawanna maiddepto iti cangisitan ti sipnget.

Dagiti Proverbio 30:11

Adda caputotan nga ilunodda ti amada, ken dida benditoan ti inada.

Dagiti Proverbio 30:17

Ti mata a mangrabrabac ken amana, ken umsienna ti agtulnog ken inana, dagiti wac ti lobong sippitendanto nga iruar, ket dagiti urbon nga aguila sidaendanto.

Ezekiel 18:13

Nagpaanac ken immawat iti nalabes; isu agbiagto aya ngarud? saanto nga agbiag: inaramidna amin dagitoy a kinarimon; di bumurong nga isu matayto; ti darana addanto iti rabawna.

Ezekiel 22:7

Kenca dida impatpateg ti ama ken ina; iti nagtengngaam nagaramidda iti panangidadanes cadagiti agnaed; kenca rinanggasanda ti ulila ken ti balo.

Levitico 20:16

Ket no maysa a babai umasideg iti uray ania nga animal ket caiddana, sica papatayemto ti babai, ken ti animal, dinto bumurong a mapapatayda; ti darada maipaawitto cadacuada.

Levitico 20:27

Casta met ti maysa a lalaki wenno babai a mangcuculam wenno managsalamangca, dinto bumurong a mapapatay: uburendanto ida cadagiti batbato, ti darada maipaawitto cadacuada.

San Mateo 15:4

Ta ti Dios imbilinna a cunana: Dayawem ni amam ken ni inam: ket ti agsao ti dakes; iti ama ken ina mapatayan coma iti patay.

San Mateo 27:25

Ket amin dagiti umili simmungbatda ket kinunada: Agtinnag ti darana cadacami ken cadagiti annacmi.

San Marcos 7:10

Ta ni Moises kinunana: Dayawem ni amam ken ni inam; ket ti mangilunod iti ama wenno iti ina, matay coma a dibumurong.

Deuteronomio 27:16

Mailunod ti di-mangipateg iti amana ken inana. Ket amin a tattao cunadanto, Sapay coma.

Josue 2:19

Ket isunto, a siasinoman a rumuar cadagiti ruruangan ti balaymo a mapan iti calzada, ti darana addanto iti rabaw ti olona, ket awanto ti basolmi: ket uray siasinoman a makinaedto kenca iti balaymo, ti darana adda iti rabaw ti olomi no adda ima a mangsagid kencuana.

Uk-ukom 9:24

Tapno ti pannacaranggas dagiti pitopulo nga annac ni Jerobaal umay coma, tapno dagiti darada a maisaad coma ken Abimelec a cabsatda, a namapatay cadacuada, ken cadagiti lallaki ti Siquem, a namapigsa cadagiti im-imana a namapatay cadagiti cacabsatna.