Levitico 20:8 - Ti Biblia (1973)

⁸ Ket sungpotenyonto dagiti ipaalagadco, ket aramidenyonto ida; siac ni Jehova a mamagsanto cadacayo.

Ti Baro a Naimbag a Damag Biblia

⁸ Tungpalenyo dagiti paglintegak agsipud ta siak ni Yahweh ket siak ti mangpasanto kadakayo.”

Levitico 20:8 Iomraidhean Croise

Exodo 31:13

Ibagam met cadagiti annac ti Israel a cunam, Pudno, dacayo ngilinenyonto dagiti aldawco a panaginana: ta isu ti maysa a tanda cadacayo ken caniac bayat dagiti caputotanyo; tapno maammoanyo a siac ni Jehova a mamagsanto cadacayo.

Ezekiel 20:12

Castamet intedco met cadacuada dagiti al-aldawco a panaginana nga isuda ti tanda caniac ken cadacuada, tapno maammoanda coma a siac ni Jehova a mangsantificar cadacuada.

Ezekiel 37:28

Ket dagiti nasnacion mabigbigdanto a siac ni Jehova a mangpasanto iti Israel, intono ti santuarioc addanto iti tengngada iti agnanayon.

Levitico 19:19

Tungpalenyonto dagiti bilinco. Dicanto ipamanada ti animalmo cadagiti sabsabali a kita ti animal: dicanto mulaan ti talonmo iti dua a cakita a bini: dinto met maicapet kenca ti aruaten a cawes a dua a cakita nga agtipon.

Levitico 19:37

Ket dacayo tungpalenyonto amin nga ipaalagadco, ken amin dagiti bilbilinco, ket aramidenyo ida. Siac ni Jehova.

Levitico 20:26

Ket dacayo agsantocayto caniac: ta siac a Jehova santoac, ken inlasincayo cadagiti tattao, tapno dacayo ti cucuac.

Levitico 21:8

Pasantoemto ngarud, ta idatonna ti tinapay ti Diosmo: isu santonto kenca; ta siac ni Jehova a mamagsanto cadacayo, santoac.

Levitico 22:32

Ket dicayto met rugitan ti santo a naganco; ngem siac mapagsantoacto cadagiti annac ti Israel: siac ni Jehova a mamagsanto cadacayo,

San Mateo 12:50

Ta siasinoman a mangaramidto iti pagayatan ni Amac, nga adda sadi langit, isu dayta ti cabsatco a lalaki ken babai, ken inac.

San Mateo 23:17

Dacayo a maag ken bulbulsec. Ta ania ti nangnangrona ti balitoc wenno ti Templo a mangsantificar iti balitoc?

San Mateo 5:19

Gapuna uray siasino a mangsalungasingto iti maysa cadagitoy bilin a cababassitan, ken mangisuro ti casta cadagiti tattao, managanto ti bassit unay idiay pagarian ti langit; ngem uray siasino nga mangaramid ken mangisuronto cadacuada, isu managanto ti dackel iti pagarian ti langit.

San Mateo 7:24

Siasinoman ngarud a dumngeg cadagitoy a saoc ket aramidenna ida, maipadisto iti maysa a tao a manakem a binangonna ti balayna iti rabaw ti bato:

San Juan 13:17

No ammoyo dagitoy, nagasatcayo no aramidenyo ida.

1 Taga-Corinto 1:30

Ngem maipoon kencuana addacay ken Cristo Jesus, isu a gapu iti biang ti Dios, naaramid cadacayo a kinasirib ken kinalinteg ken kinasanto ken subbot:

1 Taga-Tesalonica 5:23

Ket ti met laeng Dios ti cappia pagsantoennacayo coma a maananay; ket ti nakem ken cararua ken ti bagiyo maaywananda coma amin nga awan pacapilawanda maipaay iti idadateng ni Apotayo a Jesu-Cristo.

2 Taga-Tesalonica 2:13

Ngem rebbengmi ti agyaman a cancanayon iti Dios, gapu cadacayo, cacabsat nga dongdongoen ti Apo, agsipud ta pinilinacayo ti Dios, nanipud idi punganay, a maipaay iti pannacaisalacan babaen iti pannacasantificar ti Espiritu ken ti pammati iti pudno:

Santiago 1:22

Ngem managtungpalcay coma iti sao ket saan laeng a managdengngeg, nga allilawenyo dagiti bagbagiyo met laeng.

Paltiing 22:14

Nagasat dagidiay mangdalus cadagiti pagananayda, tapno adda calinteganda nga aglac-am iti cayo ti biag, ken tapno mabalinda ti sumrec cadagiti ruruangan ti ciudad.