Levitico 20:7 - Ti Biblia (1973)

⁷ Pasantoenyo ngarud dagiti bagbagiyo, ket agsantocayo; ta siac ni Jehova a Diosyo.

Ti Baro a Naimbag a Damag Biblia

⁷ Ipaayyo ti biagyo kaniak tapno agbalinkayo a nasantoan ta siak ni Yahweh a Diosyo.

Levitico 20:7 Iomraidhean Croise

Levitico 11:44

Ta siac ni Jehova a Diosyo: santificarenyo dagiti bagbagiyo, ket agsantocayo; ta siac santoac: dicayto met mulmulitan dagiti bagbagiyo iti uray-ania a kita cadagiti aguy-uyas nga aggaraw iti rabaw ti daga.

Levitico 19:2

Ibagam iti dagup ti gimong dagiti annac ti Israel, ket soem cadacuada, Dacayo agsantocayto; gapu ta siac a Jehova a Diosyo, santoac.

Taga-Efeso 1:4

Cas iti panangpilina cadatayo kencuana (Cristo) idi saanpay a nabangon ti lubong, tapno agsantotayo ket awan ti pacapilawantay iti sangoananna:

Taga-Colosas 3:12

Agcawescayo ngarud, cas cadagiti pinili ti Dios, sasanto ken ayayaten, iti maysa a puso a naasi, iti kinaimbag ti nakem, iti kinapacumbaba; iti kinaemma, ken iti nabayag a panagiturtured;

1 Taga-Tesalonica 4:7

Ta saannatayo nga inayaban ti Dios a maipaay iti kinarugit, no di iti kinasanto.

1 Taga-Tesalonica 4:3

Ta daytoy ti pagayatan ti Dios isu ti pannacapagsantoyo; nga idianyo coma ti pannakicamalala;

Hebreo 12:14

Surutenyo ti talna cadagiti isu-amin, ken ti kinasanto, a no awan, awanto ti macakita iti Apo:

Josue 24:19

Ket ni Josue kinunana iti ili, Dicayo mabalin ti agservi ken Jehova: ta isu ti Dios a nasantoan, isu ti Dios a naimun; dinanto pacawanen dagiti panaglabsingyo uray dagiti basbasolyo.

Levitico 11:45

Ta siac ni Jehova a nangaon cadacayo iti daga nga Egipto, ta siac ti Diosyo: isu ti gapuna nga agsantocayto, ta siac santoac.

Levitico 21:8

Pasantoemto ngarud, ta idatonna ti tinapay ti Diosmo: isu santonto kenca; ta siac ni Jehova a mamagsanto cadacayo, santoac.

Levitico 21:15

Ket dinanto rugitan ti putotna iti baet dagiti cailianna: ta siac ni Jehova a mamagsanto kencuana.

Levitico 21:23

Isuna laeng a dinto sumbrec iti uneg ti abbong, wenno umasideg iti altar, gapu ta adda pacapilawanna; tapno dina rugitan dagiti santuarioc: ta siac ni Jehova a mamagsanto cadacuada.

Josue 3:5

Ket ni Josue kinunana cadagiti tattao: Santificarenyo dagiti bagbagiyo, ta intono bigat ni Jehova agaramidto cadagiti datdatlag iti tengngayo.