Levitico 20:3 - Ti Biblia (1973)

³ Iparangconto met ti rupac a sibubusor iti dayta a tao, ket ipusayconto cadagiti cailianna; ta isu nangted iti putotna ken Moloch, a pinangmulitna iti santuarioc, ken pinangipabpabarengna iti nasantoan a naganco.

Ti Baro a Naimbag a Damag Biblia

³ Busorek ti mangted iti anakna ken ni didiosen a Moloc ket laksidek kadagiti tattaok; gapu iti inaramidna, tinulawanna ti nasagradoan a toldak ken imbabainna ti nasantoan a naganko.

Levitico 20:3 Iomraidhean Croise

Exodo 30:33

Siasinoman nga mangaramid iti capadpadana; wenno siasinoman a mangicabil iti uray bassit kencuana iti maysa a gangannaet, maipusayto iti ilina.

Ezekiel 20:39

No maipapan cadacayo, O balay ti Israel, Castoy ti cuna ni Apo Jehova; Incayo, agservicayo tunggal maysa cadagiti didiosenna, ken manipud met ita, no didacto ipangag; ngem ti nasantoan a naganco saanyonton a tabbaawan cadagiti sagsagutyo, ken cadagiti didiosenyo.

Ezekiel 5:11

Gapu itoy, cas sibibiagac, cuna ni Apo Jehova, kinapudnona, gapu ta tinulawam ti santuarioc cadagiti amin a macarurud a banbanagmo, ken cadagiti amin a kinarimonmo, gapuna siac met pabassitencanto; toy matac awanto met ti isakitna, ket casta met awanto ti caasiac.

Levitico 15:31

Casta ti panangilasinyonto cadagiti annac ti Israel iti kinarugitda, tapno dida matay iti kinarugitda no mulitanda ti tabernaculoc nga adda iti tengngada.

Levitico 17:10

Ket siasinoman a tao iti balay ti Israel, wenno cadagiti gangannaet a makipagtaeng cadacuada a mangan iti uray ania a dara; iparangconto ti rupac a maibusor iti dayta a tao a mangan iti dara, ket ipusayconto iti ilina.

Levitico 18:21

Ket sica dicanto mangted iti uray la no maysa iti putotmo a ipasrecmo ida iti apuy ken Moloch; dicanto met ipabpabareng ti nagan ti Diosmo: siac ni Jehova.

Levitico 19:12

Ket dicayto agsapata a siuulbod gapu iti naganco, ken ipabpabareng ti nagan ti Diosyo: siac ni Jehova.

Levitico 20:4

Ket no dagiti tattao ti daga ilemmengda a talipupusen dagiti matada iti dayta a tao no mangted cadagiti putotna ken Moloch, ket dida papatayen:

Levitico 21:6

Agsantodanto iti Diosda, ket dida rugitan ti nagan ti Diosda; ta idatagda dagiti datdaton ken Jehova a naaramid iti apuy, ti tinapay ti Diosda: iti casta agsantodanto.

Levitico 7:20

Ngem ti tao a mangan iti lasag ti sacrificio dagiti datdaton iti cappia, a maipaay ken Jehova, idinto a sirurugit, dayta a tao maipusayto iti ilina.

Levitico 7:21

Ket no addanto maysa a macasagid iti uray ania a narugit, ti kinarugit ti tao wenno kinarugit ti animal, wenno maysa a nacarimrimon a rugit, ket mangan iti lasag ti sacrificio dagiti datdaton iti cappia, a maipaay ken Jehova, dayta a tao maipusayto iti ilina.

Numero 19:13

Siasinoman a sumagid iti bagi a natay ti tao, ket saanna a dalusan ti bagina, mamulitanna ti tabernaculo ni Jehova; ket dayta a cararua maipusayto iti Israel; gapu ta ti danum a maipaay ti kinarugit saan a naiwarsi kencuana, isu saanto a nadalus; ti saanna a kinadalus adda pay la kencuana.

Numero 19:20

Ket ti tao a saanto a nadalus ket dinanto dalusan ti bagina, dayta a cararua maipusayo iti tengnga ti gimong, gapu ta minulitanna ti santuario ni Jehova: ti danum a maipaay iti kinarugit saan a naiwarsi kencuana; isu saan a nadalus.

2 Taga-Corinto 6:16

Ket ania ti pacainugotan dagiti ladladawan a didiosen iti Templo ti Dios? ta datayo ti Templo ti Dios a sibibiag; a cas met kinuna ti Dios: Agbalayacto cadacuada, ket magmagnaacto cadacuada; ket siacto ti Diosda, ket isudanto dagiti umili iti Ilic.

1 Pedro 3:12

Ta dagiti mata ti Apo sikikitada cadagiti nalinteg, Ket dagiti pagdengngegna sititimudda cadagiti arararawda; Ngem ti rupa ti Apo sisasango cadagiti agaramid iti dakes: