Levitico 20:2 - Ti Biblia (1973)

² Maysa pay, ibagamto cadagiti annac ti Israel, Siasinoman a lalaki cadagiti annac ti Israel, wenno cadagiti gangannaet a makipagtaeng iti Israel a mangted cadagiti putotna ken Moloch: di bumurong a mapapatayto; dagiti tattao ti daga uburendanto cadagiti batbato.

Ti Baro a Naimbag a Damag Biblia

² nga ibagana daytoy kadagiti Israelita, “Mapapatay ti siasinoman nga Israelita wenno ganggannaet a makipagnaed kadakayo a mangted iti anakna ken ni didiosen a Moloc; ti sangkagimongan ti mangbato kenkuana.

Levitico 20:2 Iomraidhean Croise

1 Ar-ari 11:7

Iti casta ni Salomon namutar iti maysa a nangato a disso a maipaay ken Cemos ti kinarimon ti Moab, iti bantay nga adda iti sango ti Jerusalem, ken maipaay ken Moloc ti kinarimon dagiti annac ni Ammon.

2 Ar-ari 17:17

Ket impalasatda dagiti annacda a lallaki ken babbai iti apuy, ket inaramatda ti panagbuybuyon, ken panagbagbaglan, ket inlacoda dagiti bagbagida met laeng a nagaramid iti daydi a dakes iti imatang ni Jehova, a pinanggargarida kencuana nga agpungtot.

2 Ar-ari 23:10

Casta met a rinabngisna ti Tofet, nga adda iti lobong dagiti annac ni Ennom; tapno awan ti tao a mangpalasat iti anacna a lalaki ken babai iti apuy ken ni Moloc.

2 Cronicas 28:3

Maysa pay pinuuranna ti incienso idiay lobong ti anac a lalaki ni Hinnom, ket pinuuranna dagiti annacna iti apuy, a mayalubog cadagiti kinarimon dagiti nasnacion, a pinagtalaw idi ni Jehova iti sango dagiti annac ti Israel.

2 Cronicas 33:6

Ket pinalasatna met dagiti annacna iti apuy iti lobong ti anac a lalaki ni Hinnom, ket nagaramid iti panagpacta, ken nagaramat iti kinabaglan, ken inaramidna ti caniaw, ket nakipagaramid cadagiti managanito; ken cadagiti managsalamangca: nagaramid iti adu a dakes iti imatang ni Jehova, a panggargarina kencuana nga agpungtot.

Dagiti Salmo 106:38

Ken imbuyatda ti dara a nadalus, uray pay ti dara dagiti annacda a lallaki ken babbai, isuda nga indatonda cadagiti didiosen ti Canaan; ket ti daga namulitan iti dara.

Jeremias 32:35

Ket binangonda dagiti nangato a disso ken Baal, nga adda iti lobong ti anac a lalaki ni Hinnom, tapno ipalabasda dagiti annacda a lallaki ken babbai iti apuy ken Moloc, isu a saanco nga imbilin cadacuada, ket diac met pinanunot, nga aramidenda coma daytoy a kinarimon, tapno pagbasolenda ti Juda.

Jeremias 7:31

Ket binangonda dagiti nangato a disso ti Tofet, isu nga adda iti lobong ti anac a lalaki ni Hinnom, tapno puuranda dagiti annacda a lallaki ken babbai iti apuy; isu a saanco nga imbilin, ket diac met pinanunot.

Ezekiel 20:26

Ket tinulawac ida babaen cadagiti bucodda a sagsagut, iti panangipalabasda iti apuy amin dagiti manglucat ti aanacan, tapno aramidec ida a walangwalang, nga agnanayon, tapno maammoanda coma a siac ni Jehova.

Ezekiel 20:31

Ket no idatonyo dagiti sagsagutyo, no ipalabasyo dagiti annacyo iti apuy, tulawanyo dagiti bagbagiyo met laeng cadagiti amin a didiosenyo inggana ita nga aldaw? ket siacto aya ti mapagyumanan cadacayo, O balay ti Israel? Cas sibibiagac, cuna ni Apo Jehova, saanacto a mapagyumanan cadacayo;

Ezekiel 23:37

Ta nakiabigda iti saanda nga asawa, ket ti dara adda cadagiti im-imada; ket cadagiti didiosenda nakicamalalada ket dagiti annacda a lallaki, nga inyanacda caniac impalabasda iti apuy cadacuada tapno marunotda.

Ezekiel 23:39

Ta idi pinapatayda dagiti annacda a maipaay cadagiti didiosenda, immayda met iti dayta nga aldaw iti santuarioc tapno isu tabbaawanda; ket adtoy castoy ti inaramidda iti tengnga ti balayco.

Levitico 17:13

Ket siasinoman cadagiti annac ti Israel, wenno cadagiti gangannaet a makipagtaeng cadacuada a manganup iti uray ania nga animal wenno tumatayab a mabalin a canen, ibellengnanto ti darada, sananto gaburan iti tapuc.

Levitico 17:15

Ket tumunggal tao a mangan iti natay latta wenno iti pinatay dagiti animal a narungsot, umili man wenno gangannaet, labaannanto dagiti pagan-anayna, ket digosennanto ti bagina, ket saanto a nadalus inggana ti rumabii: calpasanna isu nadalusto.

Levitico 17:8

Ket sica ibagamto cadacuada, Siasinoman iti balay ti Israel, wenno cadagiti gangannaet a makipagtaeng cadacuada, a mangirucbab iti daton a mapuuran wenno sacrificio,

Levitico 18:21

Ket sica dicanto mangted iti uray la no maysa iti putotmo a ipasrecmo ida iti apuy ken Moloch; dicanto met ipabpabareng ti nagan ti Diosmo: siac ni Jehova.

Levitico 20:1

Ket ni Jehova nakisao ken Moises, a kinunana,

Levitico 20:27

Casta met ti maysa a lalaki wenno babai a mangcuculam wenno managsalamangca, dinto bumurong a mapapatay: uburendanto ida cadagiti batbato, ti darada maipaawitto cadacuada.

Levitico 24:14

Ipanyo iti ruar ti pacarso dayta nagtabbaaw idi; ket dagiti nacangngeg kencuana ipatayda coma dagiti imimada iti olona, ket amin ti gimong batoenda coma.

Levitico 24:16

Ket ti agtabbaaw iti nagan ni Jehova, dinto bumurong a mapapatay; pudno a dagup ti gimong batoendanto: gangannaet man wenno umili no pagtabbawanna ti nagan ni Jehova, mapapatayto.

Levitico 24:23

Ket ni Moises imbagana cadagiti annac ti Israel, ket isuda inruarda iti pacarso ti naglunud, sada inubur cadagiti batbato. Ket dagiti annac ti Israel inaramidna ti cas imbilin ni Jehova ken Moises.

Dagiti Aramid 7:43

Ket binangonyo ti abong-abong ni Moloch, casta met ti bituen ni diosen a Refam: ladladawan nga inaramidyo tapno pagrucbabanyo ida: ket ipancayto iti labes ti Babilonia.

Deuteronomio 12:31

Sica dicanto aramiden ti casta ken Jehova a Diosmo: ta amin a macarimon ken Jehova dagidiay cagurana, isu ti inaramidda cadagiti didiosda; ta uray pay dagiti annacda a lallaki, ken dagiti annacda a babbai puuranda iti apuy a maipaay cadagiti didiosda.

Deuteronomio 17:2

No addanto matumpungan iti tengngam iti uneg iti uray ania cadagiti ruruanganmo nga ni Jehova a Diosmo itedna kenca, lalaki wenno babai, a mangaramid iti dakes iti sango ni Jehova a Diosmo, iti panagsalungasing iti tulagna,

Deuteronomio 18:10

Awanto ti masaracan kenca, uray maysa, nga agpalasat iti anacna a lalaki wenno iti anacna a babai iti apuy, a maysa a mangaramat iti panagpadpadles, a maysa a mammuyon, wenno maysa nga manangsalamangca, wenno managanito,

Deuteronomio 21:21

Amin dagiti lallaki ti ilina uburendanto tapno matay cadagiti batbato: casta ti panangiccatto iti dakes iti tengngayo; ket amin nga Israel dumngegto ket agbutengto.

Deuteronomio 22:21

Isuda, ngarud iruardanto ti balasang a mapan iti ruangan ti balay ni amana, ket uburendanto tapno matay cadagiti batbato, gapu ta nagaramid iti naalas iti Israel ta nagbalangcantis iti balay ni amana: casta ti panangiccatmonto ti dakes iti tengngam.