Ket uray asinoman a di agaramid iti linteg ti Diosmo, ken ti linteg ti ari, matungpal coma kencuana ti panangocom, a buyugen ti amin a kinaganetget, uray agpapan ken patay wenno iti pannacaibelleng, wenno pannacaiccat dagiti cucua, wenno iti pannacabalud.
Ket binangonda dagiti nangato a disso ti Tofet, isu nga adda iti lobong ti anac a lalaki ni Hinnom, tapno puuranda dagiti annacda a lallaki ken babbai iti apuy; isu a saanco nga imbilin, ket diac met pinanunot.
Maysa pay, ibagamto cadagiti annac ti Israel, Siasinoman a lalaki cadagiti annac ti Israel, wenno cadagiti gangannaet a makipagtaeng iti Israel a mangted cadagiti putotna ken Moloch: di bumurong a mapapatayto; dagiti tattao ti daga uburendanto cadagiti batbato.
Maay-ayonto aya ni Jehova cadagiti rinibu a carcarnero a lallaki, wenno iti sangapulo ribu a carcarayan ti lana? Itedconto aya ti inaunac nga anac gapu iti salungasingco, ti bunga ti bagic gapu iti basol ti cararuac?
No agbutengcayonto ken Jehova, ken agservicayonto kencuana, ken ipangagyonto kencuana, ken ipangagyonto ti timecna, ket dicayo sumungit a maicaniwas iti bilin ni Jehova, ket dacayo ken castamet ti ari nga agari cadacayo padapadacayo a sumurot ken Jehova a Diosyo, naimbag: