Levitico 2:3 - Ti Biblia (1973)

³ Ket ti matda iti daton a bel-laay maipatagicuanto ken Aaron ken dagiti annacna a lallaki: isu ti maysa nga aramid a nasantoan unay dagiti datdaton a maaramid iti apuy ken Jehova.

Ti Baro a Naimbag a Damag Biblia

³ Kukua dagiti papadi ti natda iti daton a makan. Sagrado unay daytoy agsipud ta paset ti naidaton iti Apo.

Levitico 2:3 Iomraidhean Croise

ESDRAS 2:63

Ket ti gobernador kinunana cadacuada, a dida mangan cadagiti casasantoanan a banag agingga iti adda agtacder a padi iti Urim ken iti Tummim.

Exodo 29:37

Iti pito nga aldaw aramidemto ti pacaabbongan a maipaay iti altar, ket pasantoemto: ket ti altar nasantoanto unay; ti uray aniaman a mangsagid iti altar nasantoanto.

Ezekiel 44:29

Canendanto ti daton a macan, ken ti daton a gapu iti basol, ken ti daton gapu iti salungasing; ken amin a banag a naipaay a cas daton iti Israel cucuadanto.

Ezekiel 46:20

Ket kinunana caniac, Daytoy ti disso a pangipaburecanto dagiti papadi iti daton gapu iti salungasing ken ti daton a gapu iti basol, ken panglutoandanto iti daton a macan; tapno saanda nga iruar ida iti makinruar a paraangan, tapno pagsantoenna ti umili.

Levitico 10:15

Ti maitayag a luppo ken ti mailili a barucong yegdanto agraman cadagiti datdaton a maaramid iti apuy ti taba, tapno mailili nga agservi a maysa a daton a maitayag iti sango ni Jehova: ket cucuamto, ken cucua dagiti annacmo agraman kenca a maysa a pannacabagi iti agnanayon; cas imbilin ni Jehova.

Levitico 14:13

Ket papatayennanto ti cordero a lalaki iti yan a pamatpatayan iti daton gapu iti basol, ken ti daton a mapuuran, iti lugar ti santuario: ta cas ti idaton a gapu iti basol isu ti bagi ti padi, casta met ti daton gapu iti salungasing: isu ti nasantoan unay:

Levitico 2:10

Ket ti matda iti daton a bel-laay cucuanto ni Aaron ken dagiti annacna a lallaki: isu ti maysa nga aramid a nasantoan unay cadagiti datdaton a maaramid iti apuy ken Jehova.

Levitico 21:22

Manganto iti tinapay ti Diosna, uray tinapay man a nasantoan unay ken ti nasantoan:

Levitico 5:13

Ket ti padi aramidennanto a pacaabbonganna mayannatup iti babacna a nacabasolanna iti uray ania cadagitoy, ket mapacawanto: ket ti natda cucuanto ti sacerdote, a cas ti daton a canen.

Levitico 6:26

Ti padi a mangidaton itoy gapu iti basol, canennanto: iti maysa a disso a nasantoan isu panganannanto, iti paraangan ti tolda ti gimong.

Levitico 6:9

Ibilinmo ken Aaron ken cadagiti annacna a lallaki, a cunam, Daytoy ti alagaden iti daton a mapuuran: ti daton a mapuuran addanto iti pagsungrodan iti rabaw ti altar iti agpatpatnag agingga iti bigat; ket ti apuy ti altar mapaspasgedanto laeng iti rabawna.

Levitico 7:7

Cas iti daton gapu iti basol, casta met ti daton gapu iti salungasing, maymaysa nga alagaden ti pacawadanda: ti padi a mangaramid iti daydiay a pacaabbongan, cucuananto.

Levitico 7:9

Ket tunggal daton a canen a maluto iti horno, ken amin a maluto iti parioc ken iti bandeja ti horno, cucuanto ti padi a mangidaton.

Numero 18:9

Daytoy isunto ti cucuam dagiti nasantoan unay a banbanag a mailisi iti apuy: tunggal datonda, uray tunggal datonda a daton a macan, ken tunggal datonda gapu iti basol, ken tunggal datonda gapu iti salungasing nga idatagda caniac isudanto ti nasantoan unay kenca, ken cadagiti annacmo a lallaki.

1 Samuel 2:28

Ket saan aya nga isu ti pinilic cadagiti isu-amin a capcaputotan ti Israel tapno isu coma ti padic, nga umuli iti altarco, a mangpuur iti incienso, a mangicawes iti maysa nga efod iti saclangco? Ket saanco aya nga inted iti balay ni amam dagiti amin a datdaton a maaramid iti apuy dagiti annac ti Israel?