Levitico 19:3 - Ti Biblia (1973)

³ Tummunggal maysa a tao cadacayo cabutengnanto ni inana ken amana; ket ngilinenyonto dagiti aldaw a panaginana: siac ni Jehova a Diosyo.

Ti Baro a Naimbag a Damag Biblia

³ Masapul a raemen ti tunggal maysa dagiti nagannak kenkuana ket ngilinenyo ti Aldaw a Panaginana a kas imbilinko. Siak ni Yahweh a Diosyo.

Levitico 19:3 Iomraidhean Croise

Genesis 48:12

Ket ni Jose innalana ida nanipud iti nagbaetan dagiti tumengna: ket intamedna ti rupana iti daga.

Nehemias 9:14

Ken impacaammom cadacuada ti nasantoan nga aldaw a panaginana, ket imbilinmo cadacuada dagiti bilbilin, ken al-alagaden, ken maysa a linteg, iti pannacaaramat ni Moises nga adipenmo,

Exodo 16:29

Kitaenyo, ta ni Jehova intedna cadacayo ti panaginana, isu ti gapuna nga itedna cadacayo iti maicanem nga aldaw ti canen a tumutop cadagiti dua nga aldaw; agtaengcayo, tumunggal maysa a tao, iti dissona: awan coma ti rumuar iti ayanna iti maicapito nga aldaw.

Exodo 20:12

Dayawem ni amam ken ni inam, tapno umatiddug dagiti aldawmo iti daga nga ni Jehova a Diosmo itedna kenca.

Exodo 20:8

Laglagipem ti aldaw a panaginanana tapno santificarem.

Exodo 21:15

Ket ti cumabil ken amana wenno ken inana, di bumurong a mapapatayto.

Exodo 21:17

Ket ti mangilunud ken amana wenno inana, di bumurong a mapapatayto.

Dagiti Proverbio 1:8

Anacco, denggem ti pannursuro toy amam, ket dica bay-an ti linteg ni inam:

Dagiti Proverbio 23:22

Ipangagmo ni amam a nagputot kenca, ken dica lalaisen ni inam intono bumaket.

Dagiti Proverbio 30:11

Adda caputotan nga ilunodda ti amada, ken dida benditoan ti inada.

Dagiti Proverbio 30:17

Ti mata a mangrabrabac ken amana, ken umsienna ti agtulnog ken inana, dagiti wac ti lobong sippitendanto nga iruar, ket dagiti urbon nga aguila sidaendanto.

Isaias 58:13

No ibawingmo ta sacam iti aldaw a panaginana, iti panagaramid iti ragsacmo iti aldawco a nasantoan; ket naganem ti aldaw a panaginana a maysa a rag-o, ken nasantoan ni Jehova a nadayag; ket isunto ti dayawem, dica aramiden dagiti daldalanmo met laeng, dica sapulen ti ragsacmo met laeng, dica saoen dagiti saom met laeng;

Ezekiel 20:12

Castamet intedco met cadacuada dagiti al-aldawco a panaginana nga isuda ti tanda caniac ken cadacuada, tapno maammoanda coma a siac ni Jehova a mangsantificar cadacuada.

Levitico 11:44

Ta siac ni Jehova a Diosyo: santificarenyo dagiti bagbagiyo, ket agsantocayo; ta siac santoac: dicayto met mulmulitan dagiti bagbagiyo iti uray-ania a kita cadagiti aguy-uyas nga aggaraw iti rabaw ti daga.

Levitico 19:25

Ket iti maicalima a tawen canenyonto ti bungana, tapno mangted cadacayo ti kinalabonda: siac ni Jehova a Diosyo.

Levitico 19:30

Ngilinenyonto dagiti aldawco a panaginana, ket daydayawenyonto ti santuarioc: siac ni Jehova.

Levitico 19:31

Dicay umamang cadagiti managbuyon nga espiritus, wenno cadagiti managsalamangca; dicay makiuman cadacuada ta mamulitancayo cadacuada: siac ni Jehova a Diosyo.

Levitico 19:34

Ta gangannaet a makipagtaeng kenca, maibilangto cadacayo a cas cailianyo, ket ayatemto a cas ita bagim; ta dacayo gangannaetcay met idi iti daga nga Egipto, Siac ni Jehova a Diosyo.

Levitico 23:3

Cadagiti innem nga al-aldaw agtrabajocayo: ngem ti maicapito nga aldaw isu ti maysa nga inana ti nadaeg a panaginana, ti maysa a nasantoan a pacagimongan; dicayto agtrabajo iti uray ania: isu ti maysa nga aldaw a panaginana ken Jehova iti isu-amin a pagnaedanyo.

Levitico 26:2

Ngilinenyonto dagiti aldawco a panaginana, ket pagraemanyonto ti santuarioc: siac ni Jehova.

Malakias 1:6

Ti anac a lalaki dayawenna ni amana, ket ti adipen iti apona: no siac ngarud ti ama, sadino ti yan ti pannacadayawco? ket no siac ti apo, sadino ti yan ti panagbuteng caniac? cuna ni Jehova dagiti buybuyot cadacayo, O papadi, a manglalais iti naganco, ket dacayo cunaenyo, Iti ania ti nanglaisanmi iti naganmo?

Deuteronomio 27:16

Mailunod ti di-mangipateg iti amana ken inana. Ket amin a tattao cunadanto, Sapay coma.

Deuteronomio 5:16

Dayawem ni amam ken ni inam, cas ni Jehova a Diosmo imbilinna kenca; tapno manayon dagiti aldawmo, ken tapno agbalincanto a naimbag iti daga nga ited kenca ni Jehova a Diosmo.

Hebreo 12:9

Ket maysa pay, adda amma ti lasagtayo, isuda a nangdusa cadatayo, ket nagraemtayo cadacuada; dinto nangnangrona a paiturayantayo iti Ama dagiti carcararua, ket agbiagtayo?